JOSHUA 22:9 - Edisana ñwed Abasi Ibom

⁹ Ndien nditɔ Reuben, ye nditɔ Gad, ye ubak esien Manasseh, enyɔŋɔ ekpɔŋ nditɔ Israel ke Shiloh, emi odude ke isɔŋ Canaan, enyuŋ eka ke isɔŋ Gilead, ke isɔŋ udeme mmɔ emi mmɔ ekedade ke uyo Jehovah, ke ubɔk Moses.

JOSHUA 22:9 ပူးပေါင်းရင်းမြစ်များ

2 SAMUEL 2:9

onyuŋ onim enye ke edidem Gilead, ye eke mme Ashurite, ye eke Jezreel, ye eke Ephraim, ye eke Benjamin, ye eke ofuri Israel.

1 CHRONICLES 5:9

ndien enye oduŋ ke edem usiaha-utin, ɔtɔŋɔde ke akpa Euphrates tutu osim ebiet emi edukde wilderness; koro ufene mmɔ ewakde ke isɔŋ Gilead.

ŊWED MME PSALM 60:7

Gilead edi okim, Manasseh onyuŋ edi okim; Ephraim ŋko onyuŋ edi odudu ibuot mi; Judah edi owuk-ewuhɔ mi;

NUMBERS 32:1

NDIEN nditɔ Reuben ye nditɔ Gad enyene ata ediwak ufene eti-eti: ndien adaŋemi mmɔ ekutde isɔŋ Jazer, ye isɔŋ Gilead, ete, Sese, ebiet oro edi ebiet ufene;

NUMBERS 32:20

Ndien Moses ɔdɔhɔ mmɔ, ete, Edieke mbufo edinyimede ndinam ŋkpɔ emi, edieke mbufo edibɔbɔde mbɔbɔ ekɔŋ, ebem Jehovah iso eka ekɔŋ,

NUMBERS 32:22

isɔŋ emi onyuŋ emem isin ke iso Jehovah: ndien mbufo eyenyɔŋ edi, mbufo idinyuŋ inyeneke ikɔ ye Jehovah ye Israel; ndien isɔŋ emi eyedi udeme mbufo ke iso Jehovah.

NUMBERS 32:26

Nditɔwɔŋ nnyin, ye iban nnyin, ye ufene nnyin, ye kpukpru mme unam nnyin emɔŋ etie do ke mme obio Gilead:

NUMBERS 32:29

Moses onyuŋ ɔdɔhɔ mmɔ, ete, Kpukpru nditɔ Gad, ye nditɔ Reuben, ema ebɔbɔ mbɔbɔ ekɔŋ esaŋa ye mbufo ebe Jordan ke iso Jehovah, isɔŋ oro ama onyuŋ emem isin ɔnɔ mbufo; ndien mbufo eda isɔŋ Gilead enɔ mmɔ eda enyene:

DEUTERONOMY 3:18

Ndien ŋwuk mbufo ke ini oro, nte, Jehovah Abasi mbufo ɔmɔnɔ mbufo isɔŋ emi ete eda enye enyene: kpukpru mbufo mbon uko ebɔbɔ mbɔbɔ ekɔŋ, ebem nditɔ Israel nditɔ-ete mbufo iso ebe.

DEUTERONOMY 3:20

tutu Jehovah ɔnɔ nditɔ-ete mbufo nduɔk-odudu, kpa nte mbufo, (tutu) mmɔ ŋko enyuŋ eda isɔŋ emi Jehovah Abasi mbufo ɔnɔde mmɔ ke edem Jordan oko: ndien kpukpru mbufo edifiak ke udeme mbufo emi mma ŋkɔnɔ mbufo.

DEUTERONOMY 34:1

EKEM Moses oto ke una-isɔŋ Moab aka ɔkɔdɔk obot Nebo, aka ibuot Pisgah emi asakde iso ese Jericho. Ndien Jehovah owut enye ofuri isɔŋ Gilead, tutu osim ke Dan,

JOSHUA 13:11

ye Gilead, ke adaŋa mme Geshurite, ye eke mme Maacathite, ye ofuri obot Hermon, ye ofuri Bashan tutu osim ke Salecah;

JOSHUA 13:25

Ndien adaŋa mmɔ edi Jazer, ye kpukpru obio Gilead, ye ubak isɔŋ nditɔ Ammon, tutu osim ke Aroer emi asakde iso ese Rabbah;

JOSHUA 13:31

ye ubak Gilead, ye Ashtaroth, ye Edrei, obio emi Og akadade ubɔŋ mmɔ ke Bashan, enyene nditɔ Mashir eyen Manasseh, kpa ubak nditɔ Machir, ke ubon, ke ubon.

JOSHUA 22:10

Ndien adaŋemi mmɔ esimde edem Jordan, emi odude ke isɔŋ Canaan, nditɔ Reuben, ye nditɔ Gad, ye ubak esien Manasseh enam itie-uwa do ke mben Jordan, itie-uwa emi okponde ndise.

JUDGES 20:1

EKEM kpukpru nditɔ Israel ewɔŋɔ, mbio-esop enyuŋ ebono nte owo kiet, ɔtɔŋɔde ke Dan tutu osim ke Beer-sheba, ye isɔŋ Gilead, etiene Jehovah ke Mizpah.

JUDGES 5:17

Gilead akana suŋ ke edem Jordan oko: Dan ŋko, nsinam enye etiede ke ubom? Asher etie suŋ ke mben inyaŋ, onyuŋ ana ke mme esuk esie.