JOSHUA 22:29 - Edisana ñwed Abasi Ibom

²⁹ Nsa nnyin O! nnyin isɔŋke ibuot ye Jehovah, inyuŋ ifiake edem ikpɔŋ Jehovah mfin emi, inyuŋ inamke itie-uwa ke eke edifɔp uwa, ye ke eke inuak-udia, ye ke eke uwa-emem, ikɔrɔ ke itie-uwa Jehovah Abasi nnyin emi odude ke iso iduŋ esie.

JOSHUA 22:29 ပူးပေါင်းရင်းမြစ်များ

GENESIS 44:17

Ndien Joseph ete, Nsa mi! nnamke ŋkpɔ emi: owo oro ekekutde enye cup oro ke ubɔk, eyedi ofin mi; edi mbufo esaŋa ke ifure edɔk etiene ete mbufo.

GENESIS 44:7

Ndien mmɔ edɔhɔ enye ete, Ke didie ke ɔbɔŋ nnyin ɔdɔhɔ ikɔ emi? nsa nnyin ikɔt fo inamke oruk ŋkpɔ emi.

1 NDIDEM 21:3

Ndien Naboth ɔbɔrɔ Ahab ete, Nsa mi O, Jehovah akpan mi ndida udeme mme ete mi nnɔ fi.

2 NDIDEM 18:22

Ndien emi mbufo edidɔhɔde mi, ete, Nnyin ke ibuot idem nnyin ye Jehovah Abasi nnyin, nte idige enye ke Hezekiah okosio mme edikoŋ ebiet esie ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo ebɔŋ akam ke iso itie-uwa emi ke Jerusalem.

2 CHRONICLES 32:12

Nte kpa Hezekiah emi okosioŋo mme edikoŋ ebiet esie, ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo enyene ndituak ibuot ke iso itie-uwa kiet, nnyuŋ mfɔp uwa ke esit?

ŊWED MBON ROME 3:6

Koro edieke edide ntre, Abasi edinam didie ekpe ererimbot?

ŊWED MBON ROME 6:2

Nsa nnyin O! Nnyin, emi ima ikakpaŋa iwɔrɔ ikpɔŋ idiɔk-ŋkpɔ, idinam didie idu uwem ke esit aba?

ŊWED MBON ROME 9:14

Nso ke ididɔhɔ ndien? Nte ididɔhɔ ite, Abasi; ɔdiɔk ndinam?

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

JOSHUA 22:23

esin nnyin inam itie-uwa inɔ idem nnyin, man ifiak edem ikpɔŋ Jehovah, ama onyuŋ edi ndifɔp edifɔp uwa ke esit, mme inuak-udia, mme ndiwa uwa emen ke esit, yak Jehovah oyom;

JOSHUA 22:26

Mmɔdo nnyin ikɔdɔhɔde, ite, Nnyin ikam isin ubɔk inam itie-uwa emi inɔ idem nnyin, idige ke eke edifɔp uwa, inyuŋ idige ke eke uwa emem:

JOSHUA 22:28

Ndien nnyin ikɔdɔhɔ ite, Ama ekem, adaŋemi mmɔ edidɔhɔde (ntem) ye nnyin ye nditɔ nnyin, ke ini iso, nnyin iyebɔrɔ, ndien, ite, Mbufo ese mbiet itie-uwa Jehovah emi mme ete nnyin ekenamde, idige ke eke edifɔp uwa, inyuŋ idige ke eke uwa efen; edi enye edi ntiense ke ufɔt nnyin ye mbufo.

JOSHUA 22:30

Ndien ke adaŋemi Phinehas oku, ye mbɔŋ esop, ye ikpɔ owo mme tɔsin Israel emi edude ye enye ekopde ikɔ oro nditɔ Reuben, ye nditɔ Gad, ye nditɔ Manasseh edɔhɔde, enem mmɔ esit.

JOSHUA 24:16

Ndien kpukpru owo ebɔrɔ, ete, Nsa nnyin O! nnyin ikpɔŋke Jehovah inam ŋkpɔ abasi efen:

1 SAMUEL 12:23

Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ: