JOSHUA 22:28 - Edisana ñwed Abasi Ibom

²⁸ Ndien nnyin ikɔdɔhɔ ite, Ama ekem, adaŋemi mmɔ edidɔhɔde (ntem) ye nnyin ye nditɔ nnyin, ke ini iso, nnyin iyebɔrɔ, ndien, ite, Mbufo ese mbiet itie-uwa Jehovah emi mme ete nnyin ekenamde, idige ke eke edifɔp uwa, inyuŋ idige ke eke uwa efen; edi enye edi ntiense ke ufɔt nnyin ye mbufo.

JOSHUA 22:28 ပူးပေါင်းရင်းမြစ်များ

GENESIS 31:48

onyuŋ osio enye Galeed. Laban onyuŋ ɔdɔhɔ, ete, Ebok emi edi ntiense ke ufɔt mi ye afo mfin emi. Mmɔdo enyiŋ esie ekerede

2 NDIDEM 16:10

Ekem Ahaz edidem aka okosobo ye Tiglath-pileser, edidem Assyria, ke Damascus, ndien enye okut itie-uwa kiet emi odude ke Damascus: ndien edidem Ahaz ɔnɔ mbiet itie-uwa oro ye oruk esie, kpa nte ekenamde enye kpukpru, esɔk Urijah oku.

EXODUS 25:40

Ndien tiŋ enyin nam mmɔ sin ke mbiet mmɔ emi ewutde fi ke enyɔŋ obot.

ISAIAH 19:19

Ke usen oro, itie-uwa eyeda ɔnɔ Jehovah ke ufɔt isɔŋ Egypt, adaha eyenyuŋ ada ɔnɔ Jehovah mme udim ke edem adaŋa esie.

MME HEBREW 8:5

emi enamde utom ukpɔŋ-ukpɔŋ ŋkpɔ eke edide mbiet ye mfut ŋkpɔ heaven; kpa nte Abasi ɔkɔnɔde Moses uyo, ke adaŋemi enye ɔmɔŋ edibɔp Ataya: koro Enye ɔdɔhɔ ete, Tiŋ enyin nam kpukpru ŋkpɔ nte asaŋade ekekem ye mbiet ŋkpɔ emi ekewutde fi ke enyɔŋ obot.

JOSHUA 22:27

edi enye edi ntiense ke ufɔt nnyin ye mbufo, ye ke ufɔt mme emana nnyin emi editienede nnyin edem, man nnyin inam utom Jehovah ke iso esie, ke edifɔp uwa nnyin, ye ke mme uwa nnyin efen, ye ke mme uwa emen nnyin; man nditɔ mbufo ekudɔhɔ nditɔ nnyin, ke ini iso, ete, Mbufo inyeneke udeme ke Jehovah.

JOSHUA 22:29

Nsa nnyin O! nnyin isɔŋke ibuot ye Jehovah, inyuŋ ifiake edem ikpɔŋ Jehovah mfin emi, inyuŋ inamke itie-uwa ke eke edifɔp uwa, ye ke eke inuak-udia, ye ke eke uwa-emem, ikɔrɔ ke itie-uwa Jehovah Abasi nnyin emi odude ke iso iduŋ esie.

JOSHUA 24:27

Ndien Joshua ɔdɔhɔ kpukpru owo, ete, Sese itiat emi eyedi ntiense ke otu nnyin: koro enye omokop kpukpru ikɔ Jehovah, emi enye ɔkɔdɔhɔde nnyin: enye eyedi ntiense ke otu mbufo, mbak mbufo edikaŋ Abasi mbufo.