JOSHUA 22:18 - Edisana ñwed Abasi Ibom

¹⁸ Ndien mbufo eyom ndiwɔŋɔre mfin emi ŋkpɔŋ Jehovah: ndien ama ekem, edieke mbufo esɔŋde ibuot ye Jehovah mfin emi, mkpɔŋ enye eyeyat esit ye ofuri esop Israel.

JOSHUA 22:18 ပူးပေါင်းရင်းမြစ်များ

2 SAMUEL 24:1

EKEM Jehovah ɔtɔŋɔ ntak ayat esit ye Israel, ndien enye edemere David ɔnɔ mmɔ ete, Ka kabat Israel ye Judah.

1 NDIDEM 9:6

Edi edieke mbufo ye nditɔ mbufo edifiakde edem, enyuŋ etre nditiene mi, minyuŋ inimke mbet mi, ye mme ewuhɔ mi, emi ŋkonimde ke iso mbufo, edi ema eka ekenam ŋkpɔ mme abasi efen, enyuŋ etuak ibuot enɔ mmɔ:

2 NDIDEM 17:21

Koro enye akawaide Israel osio ufɔk David ke ubɔk; ndien mmɔ enim Jeroboam eyen Nebat ke edidem: ndien Jeroboam onuk Israel efep, ete ekutiene Jehovah, onyuŋ esin mmɔ enam ata idiɔk ido.

1 CHRONICLES 21:1

EKEM Satan adaha ke enyɔŋ ndibiat Israel, onyuŋ esin David abat Israel.

1 CHRONICLES 21:14

Ndien Jehovah esin idiɔk udɔŋɔ anam Israel: ndien tɔsin owo Israel ke itie ata ye duop eduɔŋɔ.

2 CHRONICLES 25:27

Ndien toto ke ini oro Amaziah akakabarede etre nditiene Jehovah, mmɔ eduk odu ebaŋa enye ke Jerusalem; ndien enye efehe aka Lachish: edi mmɔ edɔŋ ebine enye ke Lachish, ekewot enye do.

2 CHRONICLES 34:33

Ekem Josiah osioŋo kpukpru mbubiam-ŋkpɔ efep ke kpukpru mme idut eke enyenede nditɔ Israel, onyuŋ esin kpukpru owo eke edude ke Israel enam ŋkpɔ Jehovah Abasi mmɔ. Mmɔ iŋwɔŋɔkede ikpɔŋ Jehovah Abasi mme ete mmɔ ke ofuri eyo esie.

LEVITICUS 10:6

Ndien Moses ɔdɔhɔ Aaron, ye Eleazar, ye Ithamar, nditɔ esie, ete, Mbufo ekuyarare ŋkpɔ ke ibuot mbufo, ekunyuŋ ewai edisine-ŋkpɔ mbufo, mbak mbufo edikpaŋa, ifuresit edinyuŋ odoro kpukpru owo: edi yak ofuri ufɔk Israel, nditɔ ete mbufo, etuaŋa erifɔp emi Jehovah ɔkɔfɔpde.

NUMBERS 16:22

Ndien mmɔ eduɔ ke isɔŋ ekubi iso mmɔ ete, O Abasi, Abasi spirit kpukpru owo, nte afo eyeyat esit ye ofuri esop, koro owo kiet eduede?

NUMBERS 32:15

Koro mbufo ema ekabare ekpɔŋ enye, enye eyetɔŋɔ ntak ayak mmɔ ɔkpɔŋ ke wilderness: ndien mbufo eyenam kpukpru mbio emi esobo.

DEUTERONOMY 7:4

Koro mmɔ eyenam eyen-eren fo akabare etre nditiene mi, ndien mmɔ eyenam ŋkpɔ abasi efen: ndien iyaresit Jehovah eyefiop ye mbufo, enye eyeyuŋ awara ndisobo fi.

JOSHUA 22:15

Ekem mmɔ edisim nditɔ Reuben, ye nditɔ Gad, ye ubak esien Manasseh, ke isɔŋ Gilead,

JOSHUA 22:16

ndien edɔhɔ mmɔ, ete, Ntem ke ofuri esop Jehovah edɔhɔ, ete, Nso oruk eridue edi emi mbufo eduede Abasi Israel, ke erifiak mfin ŋkpɔŋ Jehovah, ŋkanam itie-uwa ke idem mbufo, man mbufo esɔŋ ibuot ye Jehovah mfin emi?

JOSHUA 22:20

Nte Achan eyen Zerah ikanamke idiɔk ido ke ŋkpɔ nsobo oro, ndien iyaresit etiene ofuri esop Israel? Ndien owo oro ikakpaha ikpɔŋ ke idiɔk ido esie.

JOSHUA 7:1

EDI nditɔ Israel ebiat mbet ke ikɔ ŋkpɔ nsobo: koro Achan, eyen Carmi, eyen Zabdi, eyen Zerah, owo esien Judah, akadade ndusuk ŋkpɔ nsobo: ndien Jehovah ayat esit ye nditɔ Israel.

JOSHUA 7:11

Israel ama anam idiɔk ŋkpɔ, mmɔ ema enyuŋ ebiat ediomi mi emi ŋkowukde mmɔ; ema enyuŋ eda ndusuk ŋkpɔ nsobo, enyuŋ eyip, enyuŋ edip, enyuŋ esin ke otu ŋkpɔ mmɔ

JOSHUA 7:21

ke adaŋa emi ŋkutde eti ekura Shinar kiet, ye shekel silver ikie iba, ye edeme o gold kiet, emi udobi esie edide shekel aba ye duop, ke otu ŋkpɔ mbume, nsin mmɔ esit mi ke esit, nnyuŋ nda mmɔ; ndien sese, mmɔ ebuhɔ ke isɔŋ ke ufɔt tent mi, silver onyuŋ edu ke idak.

1 SAMUEL 12:14

Edieke mbufo edibakde Jehovah, enyuŋ enam ŋkpɔ esie, enyuŋ ekop uyo esie, inyuŋ itutke utɔŋ ke uyo Jehovah, ndien mbufo ye edidem mbufo ŋko emi adade ubɔŋ mbufo, eyesuk etiene Jehovah Abasi mbufo:

1 SAMUEL 12:20

Ndien Samuel ɔdɔhɔ kpukpru owo, ete, Mbufo ekudikhe: mbufo emenam kpukpru idiɔk-ŋkpɔ emi: edi ekuwaha ekpɔŋ Jehovah, edi enam ŋkpɔ Jehovah ke ofuri esit mbufo; ekunyuŋ ewaha: