JOSHUA 21:44 - Edisana ñwed Abasi Ibom

⁴⁴ Jehovah onyuŋ ɔnɔ mmɔ nduɔk odudu akan okuk, nte enye ɔkɔŋwɔŋɔde kpukpru ɔnɔ mme ete mmɔ baba owo mme asua mmɔ kiet ikemeke ndida ke iso mmɔ; Jehovah emen kpukpru mme asua mmɔ esin mmɔ ke ubɔk.

JOSHUA 21:44 ပူးပေါင်းရင်းမြစ်များ

2 CHRONICLES 13:16

Nditɔ Israel enyuŋ efeŋe ke iso Judah: Abasi onyuŋ ada mmɔ eken esin mmɔ ke ubɔk.

EXODUS 23:31

Nyenyuŋ nnim mme adaŋa fo, ɔtɔŋɔde ke Ididuot Inyaŋ tutu atuak ke Inyaŋ mme Philistine, onyuŋ ɔtɔŋɔde ke wilderness tutu osim ke Akpa: koro ndidade mme andiduŋ isɔŋ oro nsin fi ke ubɔk; ndien afo eyebin mmɔ ke iso fo efep.

EXODUS 33:14

Ndien Enye ete, Iso mi eyeka, nyenyuŋ nnɔ fi nduɔk-odudu.

ISAIAH 63:14

Kpa nte ikpɔ ufene esuhɔrede ke itihere ebiet, kpa ntre ke Spirit Jehovah edinam enye ɔduɔk odudu: ntem ke afo akada ikɔt fo usuŋ, man anam enyiŋ ubom ɔnɔ idem fo.”

DEUTERONOMY 2:36

Ɔtɔŋɔde ke Aroer, emi odude ke mben itihere Arnon, ye obio emi odude ke itihere, tutu osim ke Gilead, baba obio kiet eke ɔsɔŋde akan nnyin iduhe: Jehovah Abasi nnyin ada kpukpru onim ke iso nnyin:

DEUTERONOMY 21:10

Ke adaŋemi afo ediwɔrɔde aka ekɔŋ ye mme asua fo, Jehovah Abasi fo onyuŋ adade mmɔ esin fi ke ubɔk afo onyuŋ omum mbuot-ekɔŋ;

MME HEBREW 4:9

Mmɔdo nduɔk-odudu sabbath ɔsuhɔ ɔnɔ ikɔt Abasi.

JOSHUA 1:13

Mbufo eti ikɔ oro Moses owo Jehovah eketemede mbufo, ete, Jehovah Abasi mbufo ama ɔnɔ mbufo itie iduŋ, ama onyuŋ ɔnɔ mbufo isɔŋ emi.

JOSHUA 1:15

tutu Jehovah ɔnɔ nditɔ-ete mbufo itie iduŋ, nte mbufo, mmɔ enyuŋ eda isɔŋ emi Jehovah Abasi mbufo ɔnɔde mmɔ: ndien mbufo efiak ke isɔŋ emi mbufo ekedade, enyuŋ enyene enye, emi Moses owo Jehovah ɔkɔnɔde mbufo ke edem Jordan oko, ke edem usiaha-utin.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

JOSHUA 11:12

Ndien Joshua ada kpukpru obio mbɔŋ oro, ye kpukpru mbɔŋ mmɔ, onyuŋ owot mmɔ ke iso ofut, osobo mmɔ fap, kpa nte Moses owo Jehovah okowukde.

JOSHUA 11:23

Ntem ke Joshua ada ofuri edem oro, ekem ke kpukpru se Jehovah ɔkɔdɔhɔde Moses; ndien Joshua ada enye ɔnɔ Israel ke udeme, nte mbak mmɔ ye esien mmɔ edide: ndien isɔŋ ɔduɔk odudu ekɔŋ.

JOSHUA 11:8

Ndien Jehovah emen mmɔ esin Israel ke ubɔk, ndien mmɔ ewot mmɔ, enyuŋ ebine mmɔ tutu esim ke akwa Zidon, ye ke Misrephoth-maim, ye ke itihere Mizpeh ke edem usiaha-utin; enyuŋ ewot mmɔ, tutu isuhɔke baba nsuhɔ kiet inɔ mmɔ.

JOSHUA 2:24

enyuŋ edɔhɔ Joshua, ete, Ke akpanikɔ ke Jehovah amada ofuri isɔŋ emi ɔnɔ nnyin ke ubɔk; nsia onyuŋ oyomo kpukpru mme andiduŋ isɔŋ emi abaŋa nnyin.

JOSHUA 22:4

Ndien ke emi Jehovah Abasi mbufo ɔmɔnɔ nditɔ-ete mbufo nduɔk-odudu, kpa nte enye ɔkɔdɔhɔde mmɔ: mbufo enyɔŋɔ, ndien, eka ke mme tent mbufo, ke isɔŋ emi mbufo edade, emi Moses owo Jehovah ɔkɔnɔde mbufo ke edem Jordan oko.

JOSHUA 22:9

Ndien nditɔ Reuben, ye nditɔ Gad, ye ubak esien Manasseh, enyɔŋɔ ekpɔŋ nditɔ Israel ke Shiloh, emi odude ke isɔŋ Canaan, enyuŋ eka ke isɔŋ Gilead, ke isɔŋ udeme mmɔ emi mmɔ ekedade ke uyo Jehovah, ke ubɔk Moses.

JOSHUA 23:1

EDIKEM ke ediwak usen ema ekebe nte Jehovah ɔkɔnɔ Israel nduɔk-odudu ebɔhɔ kpukpru mme asua mmɔ emi ekande mmɔ ekuk, Joshua ama okonyuŋ akabare edi akani-eren, onyuŋ ɔsɔŋ eti-eti.