JOSHUA 20:9 - Edisana ñwed Abasi Ibom

⁹ Mme obio emi ke mmɔ ekenim enɔ kpukpru nditɔ Israel, ye esen owo eke eduŋde ke otu mmɔ, kpaŋ kpukpru owot-owo, eke mikoho koi inam, ekpefehe eka do, ekunyuŋ ekpa ke ubɔk osio-usiene iyip, tutu mmɔ edi ikpe ke iso mbon-esop.

JOSHUA 20:9 ပူးပေါင်းရင်းမြစ်များ

NUMBERS 35:13

Ndien mme obio emi mbufo edinɔde, edidi obio-ubɔhɔ itiokiet mbufo:

NUMBERS 35:15

Mme obio mbitiokiet emi edidi obio-ubɔhɔ nditɔ Israel, ye eke esen owo, ye eke oduduŋ ke otu mmɔ: kpaŋ kpukpru owot-owo ke ndudue ekpefehe eka do.

JOSHUA 20:4

Ndien yak owo eke efehede aka obio emi kiet, ada ke inua-otop obio oro, onyuŋ etiŋ ikɔ esie esin ke utɔŋ mbiowo obio oro, ndien yak mmɔ eda enye ke idem mmɔ esin ke obio, enyuŋ enɔ enye ebiet, man enye oduŋ ye mmɔ.

JOSHUA 20:6

Ndien yak enye oduŋ ke obio oro, tutu enye edi ikpe ke iso esop, tutu ɔbɔŋ oku eke edidude ke usen oro akpa ŋko; ndien owot-owo oro edinyɔŋ edi ke obio mmɔ, ye ke ufɔk esiemɔ, ye ke obio oro enye okotode do efehe.

JOSHUA 20:8

Ndien ke edem Jordan Jericho oko, ke edem usiaha-utin, mmɔ enim Bezer ke wilderness ke una-isɔŋ, ke esien Reuben, ye Ramoth ke Gilead, ke esien Gad, ye Golan ke Bashan, ke esien Manasseh.