JOSHUA 2:9 - Edisana ñwed Abasi Ibom

⁹ Ndien enye ɔdɔhɔ mmɔ oro, ete, Mmɔfiɔk nte Jehovah ada isɔŋ emi ɔnɔ mbufo, nte ndik mbufo onyuŋ ɔduɔ nnyin ke idem, nsia onyuŋ oyomo kpukpru mme andiduŋ isɔŋ emi abaŋa mbufo.

JOSHUA 2:9 ပူးပေါင်းရင်းမြစ်များ

GENESIS 35:5

Ndien mmɔ esaŋa eka: ndik Abasi onyuŋ odoro obio oro ekande mmɔ ekuk, ndien mmɔ ibineke nditɔ Jacob.

2 SAMUEL 17:10

Ndien nsia eyeyomo kpa owo eke adade uko, eke esit esie ebietde esit lion: koro ofuri Israel emefiɔk ete ke usɔ edi owo uko, mme mmɔ emi edude ye enye enyuŋ edi mbon uko nde.

2 NDIDEM 5:15

Ekem, enye ye ofuri udim esie efiak ekesim owo Abasi, edi edida enye ke iso: ndien enye ɔdɔhɔ ete, Mbɔk, sese, mmɔfiɔk nte ke baba Abasi kiet iduhe ke ofuri ereri-mbot, ke mibɔhɔke ke Israel: mbɔk ndien, bɔ owo fo ŋkpɔ mfɔn.

2 NDIDEM 7:6

Koro ɔbɔŋ akanamde nna-ekɔŋ Syria ekop uyom chariot, ye uyom horse, uyom akamba udim-ekɔŋ: ndien kiet ɔdɔhɔ kiet, ete, Sese, edidem Israel ama ada inyene ɔnɔ ndidem mme Hittite, ye ndidem Egypt, abaŋa nnyin, ete edi ediŋwana ye nnyin.

NEHEMIAH 6:16

Edikem adaŋemi kpukpru mme asua nnyin ekopde, adaŋemi kpukpru mme idut eke ekande nnyin ekuk ekutde ŋko, mmɔ esuhɔre eti-eti ke enyin idem mmɔ; ndien mmɔ efiɔk ete ke edi Abasi nnyin esin enam utom emi.

ESTHER 8:17

Ndien ke kpukpru mme province, ye ke kpukpru obio, ebiet emi uyo edidem ye ewuhɔ esie esimde, mme Jew ekut idara, ye inem, ye akwa udia ye eti usen. Ndien ediwak owo ke otu mme idut ke edem oro ekabare edi Jew: koro ndik mme Jew anamde mmɔ.

ŊWED JOB 19:25

Ndien ami mmɔfiɔk nte ke Andifak mi odu uwem; ndien ke akpatre enye eyedaha ada ke ntan isɔŋ:

ŊWED MME PSALM 112:10

Idiɔk owo eyekut, onyuŋ ayat esit; eyeta edet esie, onyuŋ atara: udɔŋ idiɔk owo eyetak.

ŊWED MME PSALM 115:16

Enyɔŋ edi heaven Jehovah: edi enye ada isɔŋ ɔnɔ nditɔ owo.

EXODUS 18:11

Ke emi mmɔfiɔk nte Jehovah okponde akan kpukpru mme abasi: kpa ke idem ŋkpɔ emi mmɔ ekeseride ye mmɔ.

EXODUS 23:27

Nyedɔŋ uteŋe mi ebem fi iso, nnyuŋ ntimere kpukpru owo emi afo edikade ebiet mmɔ; nnyuŋ nnam kpukpru mme asua fo ekpa edem enɔ fi.

ECCLESIASTES 8:12

Yak edi nte idiɔk owo anamde idiɔk ido utim ikikie, onyuŋ ebigi anyan uwem, edi ami mmotim mfiɔk nte ke edifɔn ye mmɔ eke ebakde Abasi, eke ebakde enye ke iso:

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

ISAIAH 23:5

Etop Tyre abiak mmɔ, kpa nte etop Egypt.

JEREMIAH 27:5

Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

NAHUM 2:10

Enye etie ukpɔk ye ikpikpu, ye ubɔk-ubɔk: ndien esit atara; edɔŋ enyuŋ enyek: ɔkpɔsɔŋ ubiak onyuŋ odu ke kpukpru isin; iso kpukpru mmɔ enyuŋ ekabare kpai.

NUMBERS 20:14

Ekem Moses etie ke Kadesh ɔdɔŋ mme isuŋ-utom ke ɔtɔ ɔbɔŋ Edom, ete, Ntem ke Israel eyen usɔ ɔdɔhɔ, ete, Afo ɔmɔfiɔk kpukpru ukut emi nnyin ikokutde:

NUMBERS 20:24

koro enye mididukke ke isɔŋ emi nnɔde nditɔ Israel, koro mbufo mikekopke uyo mi ke ɔtɔ mmɔŋ Meribah.

MATTHEW 20:15

Nte inenke ami ndida se inyenede mi nnam nte mmade? me nte enyin fo ɔdiɔk, koro ami mfɔnde ido?

DEUTERONOMY 11:25

Baba ofuri owo kiet idikemeke ndida ke iso mbufo: Jehovah Abasi mbufo eyenam kpukpru mme idut emi mbufo edisaŋade ke esit, ebak mbufo, enyuŋ edikhe mbufo, kpa nte enye ɔkɔdɔhɔde mbufo.

DEUTERONOMY 2:25

Mfin emi mmɔŋ ntɔŋɔ ndinam ndik fo ye uteŋe fo edoro mme idut ke idak ofuri ikpa enyɔŋ, eke edikopde etop fo, ndien mmɔ eyenyek idem, enyuŋ eyomo nsia ebaŋa fi.

DEUTERONOMY 28:10

Ndien kpukpru mme idut ke ererimbot eyekut nte afo ekerede enyiŋ Jehovah; ndien ndik fo eyenam mmɔ.

DEUTERONOMY 32:8

Ke ini ata Andikoŋ ɔnɔde mme idut udeme mmɔ, ke ini enye abaharede nditɔ owo, enye onim adaŋa mme idut, nte ibat nditɔ Israel asaŋade.

MME HEBREW 11:31

Oto mbuɔtidem Rahab, ŋwan akpara oro, etre nditiene mmɔ oro edide mbon ntut-utɔŋ mbuana ke nsobo, sia enye akadade mbon-uyep esin ke ufɔk ke emem.

JOSHUA 2:11

Ndien ke adaŋemi nnyin ikekopde, nsia eyemere nnyin, mbufo inyuŋ iyakke aba owo ndomo kiet enyene uko; koro edi Jehovah Abasi mbufo edi Abasi ke ata enyɔŋ, ye isɔŋ ke idak.

JOSHUA 2:24

enyuŋ edɔhɔ Joshua, ete, Ke akpanikɔ ke Jehovah amada ofuri isɔŋ emi ɔnɔ nnyin ke ubɔk; nsia onyuŋ oyomo kpukpru mme andiduŋ isɔŋ emi abaŋa nnyin.

JOSHUA 2:8

Ekem ke mmɔ mika-inaŋa kaŋa ke isɔŋ, ŋwan oro oto ɔdɔk ke enyɔŋ ɔkɔm etiene mmɔ.

JOSHUA 5:1

EDIKEM, adaŋemi kpukpru mbɔŋ mme Amorite, emi edude ke edem usop-utin Jordan, ye kpukpru mbɔŋ mme Canaanite, emi edude ke mben inyaŋ, ekopde nte Jehovah akanamde mmɔŋ Jordan asat ke iso nditɔ Israel, tutu nnyin ibe, ndien nsia oyomo mmɔ, uko onyuŋ okure mmɔ ke idem, abaŋa nditɔ Israel.

JOSHUA 6:2

Ndien Jehovah ɔdɔhɔ Joshua, ete, Sese, nda Jericho, ye ɔbɔŋ esie, mbon uko oro, nsin fi ke ubɔk.

JOSHUA 9:10

ye kpukpru se enye akanamde mbɔŋ mme Amorite mbiba oro ekedude ke edem Jordan oko, kpa Sihon ɔbɔŋ Heshbon, ye Og ɔbɔŋ Bashan, emi okodude ke Ashtaroth.

JOSHUA 9:24

Ndien mmɔ ebɔrɔ Joshua, ete, Koro mmɔ eketiŋde enɔ nnyin ikɔt fo, nte Jehovah Abasi fo okowukde Moses owo esie ndida ofuri edem emi nnɔ mbufo, nnyuŋ nsobo kpukpru mme andiduŋ edem emi ke iso mbufo mfep, ndien oto mbufo nnyin idikhe eti-eti ibaŋa uwem nnyin, ndien inam ŋkpɔ emi.

JOSHUA 9:9

Ndien mmɔ edɔhɔ enye, ete, Nnyin ikɔt fo imeto ke ata anyan idut idi, ibaŋa enyiŋ Jehovah Abasi fo: koro nnyin ikokopde etop esie, ye kpukpru se enye akanamde ke Egypt,

JUDGES 7:14

Ndien mbɔhiduŋ esie ɔbɔrɔ ete, Emi idige ŋkpɔ baba kiet, ibɔhɔke ofut Gideon, eyen Joash, owo Israel: Abasi mmɔŋ ada Midian ye ofuri nna ekɔŋ emi esin enye ke ubɔk.