JOSHUA 2:6 - Edisana ñwed Abasi Ibom

⁶ Ndien enye ama ada mmɔ ɔdɔk ke ɔkɔm, ama onyuŋ ada nnyanyaŋa flax emi enye okotimde obon ke enyɔŋ ɔkɔm, odip mmɔ.

JOSHUA 2:6 ပူးပေါင်းရင်းမြစ်များ

2 SAMUEL 11:2

Edikem ke ini mbubreyo kiet, David adaha ke bed esie, asaŋa ke enyɔŋ ufɔk edidem: ndien enye ada ke enyɔŋ ufɔk okut ŋwan kiet nte eyerede mmɔŋ: ŋwan oro onyuŋ eye idem eti-eti.

2 SAMUEL 17:19

Ndien ŋwan esie ada ufuhɔ-ŋkpɔ ebri ke inua obube mmɔŋ oro, onyuŋ asuan edikɔk ibokpot ke esit; ndien baba owo kiet ifiɔkke ŋkpɔ oro.

1 NDIDEM 18:13

Nte iketiŋkde inɔ ɔbɔŋ mi se ŋkanamde ke ini Jezebel okowotde mme prophet Jehovah, nte ŋkadade mme prophet Jehovah ndip owo ikie, aba ye duop, aba ye duop, ke aba itiat, nnyuŋ mbɔk mmɔ ke uyo ye mmɔŋ?

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

2 NDIDEM 11:2

Edi Jehosheba eyen edidem Joram aŋwan, eyen-ete Ahaziah aŋwan, ada Joash eyen Ahaziah, oyip enye efep ke otu nditɔ edidem oro mmɔ eyomde ndiwot, kpa enye ye edep esie, oduk ke ubet mkpana; ntre ke eda enye edip Athaliah; ndien iwotke enye.

EXODUS 2:2

Ndien ŋwan oro oyomo, aman eyen-eren: ndien adaŋemi enye okutde nte eyen eyede, enye odip eyen ke ɔfiɔŋ ita.

JEREMIAH 36:26

Ndien edidem owuk Jerahmeel eyen edidem, ye Seraiah eyen Azriel, ye Shelemiah eyen Abdeel, ete emum Baruch andiwet ŋwed ye Jeremiah prophet: edi Jehovah odip mmɔ.

MATTHEW 24:17

yak owo eke odude ke enyɔŋ ufɔk okusuhɔre okosio ŋkpɔ eke edude ke ufɔk esie:

DEUTERONOMY 22:8

Ke adaŋemi afo edibɔpde obufa ufɔk, nam ɔkɔ ke ɔkɔm fo kanade kuk, mbak afo edida iyip odori ufɔk fo, ke owo ekededi editode ke esit ɔduɔ ke isɔŋ.

ŊWED MBON COLOSSAE 3:3

Koro mbufo ema ekpa ema, uwem mbufo onyuŋ odibe ye Christ ke Abasi.

MME HEBREW 11:23

Oto mbuɔtidem ete ye eka Moses edip enye ke ɔfiɔŋ ita ke ini enye amanade, koro mmɔ ekutde ete enye edi ediye eyen;

JAMES 2:25

Kpa ntre ŋko, nte ikabatke ite, ikpe etebe Rahab, akpara aŋwan oro, oto ke erinam ŋkpɔ, ke ini enye adade mme isuŋutom esin ke ufɔk, onyuŋ anamde mmɔ esaŋa ke usuŋ eŋwen enyɔŋɔ?

JOSHUA 2:5

ndien mmɔ ewɔrɔ adaŋemi eyomde ndisin usuŋ obio, ke ini eyo ebirede: mfiɔkke ebiet emi mmɔ ekade, mbufo esop ebine mmɔ: koro eyesim mmɔ.

JOSHUA 2:7

Ndien mbon oro ebine mmɔ ke usuŋ Jordan, esim ke ebiet ube inyaŋ: ndien adaŋemi mme andibine mmɔ ewɔŋɔde, mmɔ esin usuŋ.

JOSHUA 2:8

Ekem ke mmɔ mika-inaŋa kaŋa ke isɔŋ, ŋwan oro oto ɔdɔk ke enyɔŋ ɔkɔm etiene mmɔ.

JOSHUA 6:25

Ndien Joshua onim Rahab akpara, ye ufɔk ete esie, ye kpukpru se enye enyenede, ke uwem; enye onyuŋ odu ke ufɔt Israel tutu osim mfin emi: koro enye okodipde mme isuŋ-utom oro Joshua ɔkɔdɔŋde ekeyep Jericho.