JOSHUA 2:19 - Edisana ñwed Abasi Ibom

¹⁹ Ndien ama ekem, owo ekededi ama oto ke usuŋ ufɔk fo oduk ke efak, iyip esie eyesɔp enye, ndien nnyin iyebɔhɔ: edi ama edi owo ekededi eke odude ye afo ke ufɔk, iyip esie eyesɔp nnyin, edieke ubɔk otukde enye.

JOSHUA 2:19 ပူးပေါင်းရင်းမြစ်များ

2 SAMUEL 1:16

David onyuŋ ɔdɔhɔ enye, ete, Iyip fo ɔsɔp idemfo: koro edi inua fo eketiŋ adian fi, ete, Ami ŋwot enye emi Jehovah ekeyetde aran.

2 SAMUEL 4:11

ŋwaŋawa edi nso ke adaŋemi mme idiɔk owo ewotde edinen owo ke ufɔk esie, ye ke bed esie, ke nnyene ndiyom iyip esie ke ubɔk mbufo, nyuŋ nsɔhi mbufo ke isɔŋ mfep?

1 NDIDEM 2:32

Ntem ke Jehovah anam iyip esie afiak odoro enye ke ibuot, koro enye okokpokde owo iba emi enende, enyuŋ efɔnde ekan enye, okonyuŋ owotde mmɔ ke ofut, ke ini David ete mi mifiɔkke, kpa Abner eyen Ner, etubom mbon-ekɔŋ Israel, ye Amasa eyen Jether, etubom mbon-ekɔŋ Judah.

EXODUS 12:13

Ndien iyip oro eyedi idiɔŋɔ mbufo ke mme ufɔk eke mbufo edude do: ndien nyekut iyip oro, nnyuŋ mbe mbufo, ufen idinyuŋ isimke mbufo, nte nsobo, ke ini ami ndibiatde isɔŋ Egypt.

EXODUS 12:22

Enyuŋ eda ebek hyssop, edebi ke iyip eke odude ke usan, eda iyip eke odude ke usan esime ke ibiɔŋ ndori enyin-usuŋ, ye ke enyin-usuŋ ufɔk mbufo, tutu eyo esiere.

EXODUS 12:23

Ndien Jehovah eyesaŋa ebe ndiwot nditɔ Egypt; ndien ke ini enye edikutde iyip ke ibiɔŋ ndori, ye ke obubɔk usuŋ mbiba, Jehovah eyebe enyin-usuŋ oro, idinyuŋ iyakke nsobo oduk ke ufɔk mbufo owot.

LEVITICUS 20:11

Ndien owo eke okotde ŋwan ete esie, ɔfuhɔre ete esie eferi: mmɔ mbiba enyene ndikpa; iyip mmɔ ɔsɔp mmɔ.

LEVITICUS 20:9

Owo ekededi eke osuŋide ete esie ye eka esie, enyene ndikpa: enye osuŋi ete esie ye eka esie; iyip esie ɔsɔp enye.

MATTHEW 24:17

yak owo eke odude ke enyɔŋ ufɔk okusuhɔre okosio ŋkpɔ eke edude ke ufɔk esie:

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

UTOM MME APOSTLE 20:26

Mmɔdo mmɔsɔŋɔ ndɔhɔ ke iso mbufo mfin emi nte, Iyip owo baba kiet ikɔbɔke mi.

UTOM MME APOSTLE 27:31

Paul ɔdɔhɔ etubom mbon-ekɔŋ ye mbon-ekɔŋ, ete, Edieke mmɔ emi misɔŋɔke itie ke ubom, mbufo idikemeke ndibɔhɔ.

ŊWED MBON PHILIPPI 3:9

man mbɔ Christ nda nnyene, enyuŋ ekut ete ndu ke Enye, ke mmenyeneke edinen ido idem mi eke otode ke erinim ibet, edi edinen ido eke otode ke eribuɔt idem ye Christ, kpa edinen ido emi Abasi ɔnɔde kabaŋa mbuɔtidem;

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

JOSHUA 2:12

Mbufo etomo ndien Jehovah enɔ mi, mbɔk, ete, Nte emi mfɔnde mfɔn ye mbufo, kpa ntre ŋko ke mbufo edifɔn mfɔn ye ufɔk ete mi, enyuŋ enɔ mi idiɔŋɔ akpanikɔ:

JOSHUA 2:14

Ndien mbon oro edɔhɔ enye, ete, Uwem nnyin etie ke ibuot mbufo ke idem mkpa, edieke mbufo midiyarakede ŋkpɔ nnyin emi. Ndien ama ekem, adaŋemi Jehovah edinɔde nnyin isɔŋ emi, nnyin iyefɔn fi mfɔn ye akpanikɔ.

JOSHUA 2:20

Edi afo ama ayarare ikɔ nnyin emi, nnyin iyebɔhɔ ndien uŋwɔŋɔ fo emi afo akanamde nnyin iŋwɔŋɔ.