JOSHUA 2:14 - Edisana ñwed Abasi Ibom

¹⁴ Ndien mbon oro edɔhɔ enye, ete, Uwem nnyin etie ke ibuot mbufo ke idem mkpa, edieke mbufo midiyarakede ŋkpɔ nnyin emi. Ndien ama ekem, adaŋemi Jehovah edinɔde nnyin isɔŋ emi, nnyin iyefɔn fi mfɔn ye akpanikɔ.

JOSHUA 2:14 ပူးပေါင်းရင်းမြစ်များ

GENESIS 24:49

Ndien, edieke mbufo enamde ŋkpɔ mfɔn ye akpanikɔ ye ete mi, etiŋ enɔ mi, midige ntre, etiŋ enɔ mi; ndien nyekabare ke nnasia mme ke ufien.

GENESIS 47:29

Ekem, ini ekpere eke Israel akpade; ndien enye okot Joseph eyen esie edi, onyuŋ ɔdɔhɔ enye ete, Edieke ŋkutde mfɔn ke iso fo, mbɔk, sin ubɔk fo ke idak ifuhi mi, nyuŋ nam mfɔn ye akpanikɔ ye ami; mbɔk, kubuk mi ke Egypt:

2 SAMUEL 2:5

Ndien David ɔdɔŋ mme isuŋutom ke ɔtɔ mbio-obio Jabesh-Gilead, ekedɔhɔ mmɔ, ete, Yak Jehovah osuk ɔdiɔŋ mbufo, emi ekenamde ufɔn emi enɔ ete mbufo, kpa Saul, ke emi mbufo ebukde enye.

2 SAMUEL 2:6

Ndien yak Jehovah osuk anam ufɔn ye akpanikɔ ɔnɔ mbufo ŋko: ami ŋko nyesio mbufo usiene ufɔn emi, koro mbufo ekenamde ŋkpɔ emi.

2 SAMUEL 9:1

EKEM David ɔdɔhɔ ete, Nte owo ke odudu kaŋa osuk ke ufɔk Saul, man mfɔn ido ye enye mbaŋa Jonathan?

1 NDIDEM 20:39

Ndien ke ini edidem ebede, enye eseme ɔnɔ edidem, ete, Owo fo oduk ke ufɔt ekoŋ; ndien, sese, owo kiet awaha, ada owo kiet ɔsɔk mi, ete, Kpeme owo emi: edieke owo emi ɔbɔhɔde bɔhɔ, eyekaŋa uwem fo ke ibuot uwem esie, ke mudomoke talent silver kiet unɔ.

MME ŊKE 14:22

Nte mmɔ eke ekerede ukwaŋ-ŋkpɔ iwahake ikpɔŋ usuŋ? Edi mmɔ eke ekerede eti ŋkpɔ edi mbon mfɔnido ye eke akpanikɔ.

MME ŊKE 18:24

Owo (ediwak) ufan eyebiat idem esie: edi andima odu emi eyirede owo akan eyen-eka.

MATTHEW 5:7

Ɔfɔfɔn ɔnɔ mmɔ eke etuade owo mbɔm: koro eyetua mmɔ mbɔm.

UTOM MME APOSTLE 23:22

Ntre ke akamba etubom mbonekɔŋ ayak akparawa oro ɔnyɔŋ, edi owuk enye ete, Kutiŋ unɔ baba owo kiet ete, imasian mi ŋkpɔ emi.

JOSHUA 2:13

enyuŋ enim ete mi, ye eka mi, nditɔ-eka mi iren, ye nditɔ-eka mi iban, ye kpukpru se mmɔ enyenede, uwem, enyuŋ enyaŋa uwem nnyin mbak mkpa.

JOSHUA 2:15

Ndien enye ada uruk, etie ke window ɔsuhɔre mmɔ: koro ufɔk esie odude ke ibibene obio, enye onyuŋ oduŋ ke ibibene.

JOSHUA 6:17

Ndien yak enim obio ye kpukpru se idude ke esit ke ŋkpɔ nsobo enɔ Jehovah: edi Rahab akpara edidu uwem, ye kpukpru mmɔ eke edude ye enye ke ufɔk esie: koro enye okodipde mme isuŋ utom oro nnyin ikedɔŋde utom.

JOSHUA 6:22

Ndien Joshua ɔdɔhɔ owo iba oro ekeyepde isɔŋ, ete, mbufo eka ke ufɔk akparaŋwan oro, ekesio ŋwan, ye kpukpru se enye enyenede do, kpa nte mbufo ekeŋwɔŋɔde enɔ enye.

JOSHUA 6:25

Ndien Joshua onim Rahab akpara, ye ufɔk ete esie, ye kpukpru se enye enyenede, ke uwem; enye onyuŋ odu ke ufɔt Israel tutu osim mfin emi: koro enye okodipde mme isuŋ-utom oro Joshua ɔkɔdɔŋde ekeyep Jericho.

1 SAMUEL 20:8

Nyuŋ nam ido ufan ye owo fo; koro afo akanamde owo fo oduk ke ediomi Jehovah ye afo; edi edieke idiɔk-ŋkpɔ odude ye ami, afo wot mi; akpanam didie ada mi ɔsɔk usɔ?