JOSHUA 2:11 - Edisana ñwed Abasi Ibom

¹¹ Ndien ke adaŋemi nnyin ikekopde, nsia eyemere nnyin, mbufo inyuŋ iyakke aba owo ndomo kiet enyene uko; koro edi Jehovah Abasi mbufo edi Abasi ke ata enyɔŋ, ye isɔŋ ke idak.

JOSHUA 2:11 ပူးပေါင်းရင်းမြစ်များ

1 NDIDEM 8:60

man kpukpru obio ke ererimbot efiɔk ete ke Jehovah edi Abasi; efen iduhe du.

2 NDIDEM 5:15

Ekem, enye ye ofuri udim esie efiak ekesim owo Abasi, edi edida enye ke iso: ndien enye ɔdɔhɔ ete, Mbɔk, sese, mmɔfiɔk nte ke baba Abasi kiet iduhe ke ofuri ereri-mbot, ke mibɔhɔke ke Israel: mbɔk ndien, bɔ owo fo ŋkpɔ mfɔn.

NEHEMIAH 6:16

Edikem adaŋemi kpukpru mme asua nnyin ekopde, adaŋemi kpukpru mme idut eke ekande nnyin ekuk ekutde ŋko, mmɔ esuhɔre eti-eti ke enyin idem mmɔ; ndien mmɔ efiɔk ete ke edi Abasi nnyin esin enam utom emi.

ESTHER 8:17

Ndien ke kpukpru mme province, ye ke kpukpru obio, ebiet emi uyo edidem ye ewuhɔ esie esimde, mme Jew ekut idara, ye inem, ye akwa udia ye eti usen. Ndien ediwak owo ke otu mme idut ke edem oro ekabare edi Jew: koro ndik mme Jew anamde mmɔ.

ŊWED MME PSALM 102:15

Ndien mme idut eyefehe enyiŋ Jehovah, kpukpru ndidem ererimbot eyenyuŋ ebak ubɔŋ fo.

ŊWED MME PSALM 22:14

Eŋwaŋa mi nte mmɔŋ; kpukpru mme ɔkpɔ mi efebede ŋko; esit mi atara nte mbukpa ɔkwɔk ke ufɔt nsia mi.

ŊWED MME PSALM 58:7

Yak mmɔ etara nte mmɔŋ, yak mmɔ enyɔŋɔ ekemɔ: yak enye etiga idaŋ, kpa nte edide ikpom.

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

EXODUS 15:14

Mme idut eyekop, enyuŋ enyek idem: mbɔribɔ eyemum mme andiduŋ Philistia.

EXODUS 15:15

Ndien idem eyekpa mbon Edom; nnyekidem eyemum mkpɔsɔŋ owo Moab: mme andiduŋ Canaan eyeyemere kpukpru.

ISAIAH 13:7

Mmɔdo kpukpru ubɔk ememde, esit kpukpru owo enyuŋ eyemere: nsia onyuŋ oyomo mmɔ;

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

EZEKIEL 21:15

Mma ŋket iso ofut nse kpukpru inua-otop mmɔ man esit ɔduɔ mmɔ, man ŋwure enyuŋ ewak: ah! enam enye ebiet obuma, eban enye ete eda ewot.

NAHUM 2:10

Enye etie ukpɔk ye ikpikpu, ye ubɔk-ubɔk: ndien esit atara; edɔŋ enyuŋ enyek: ɔkpɔsɔŋ ubiak onyuŋ odu ke kpukpru isin; iso kpukpru mmɔ enyuŋ ekabare kpai.

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

DEUTERONOMY 20:8

Ndien yak mme andidaha etɔŋɔ ntak edɔhɔ kpukpru owo ŋko-ŋko, ete, Anie owo odu mi emi efehede ndik, onyuŋ oyomode nsia? Yak enye afiak ɔnyɔŋ ke ufɔk esie, mbak nsia ediyomo nditɔ-ete esie, kpa nte nsia esie.

DEUTERONOMY 4:39

Ɔfɔn fi ɔfiɔk, ndien, mfin emi, onyuŋ ekere ke esit fo, ete ke Jehovah edi Abasi ke ata enyɔŋ, ye ke isɔŋ ke idak; efen iduhe.

JOSHUA 14:8

Edi nditɔ-ete mi oro ekesaŋa ye ami edɔk, enam nsia oyomo mbio emi: edi ami ntim ntiene Jehovah Abasi mi.

JOSHUA 2:24

enyuŋ edɔhɔ Joshua, ete, Ke akpanikɔ ke Jehovah amada ofuri isɔŋ emi ɔnɔ nnyin ke ubɔk; nsia onyuŋ oyomo kpukpru mme andiduŋ isɔŋ emi abaŋa nnyin.

JOSHUA 5:1

EDIKEM, adaŋemi kpukpru mbɔŋ mme Amorite, emi edude ke edem usop-utin Jordan, ye kpukpru mbɔŋ mme Canaanite, emi edude ke mben inyaŋ, ekopde nte Jehovah akanamde mmɔŋ Jordan asat ke iso nditɔ Israel, tutu nnyin ibe, ndien nsia oyomo mmɔ, uko onyuŋ okure mmɔ ke idem, abaŋa nditɔ Israel.

JOSHUA 7:5

Nditɔ Ai enyuŋ ewot mmɔ osim adaŋa owo edip ye efurekiet: ndien ebine mmɔ, ɔtɔŋɔde ke inua-otop obio tutu osim ke Shebarim, enyuŋ ewot mmɔ ke usuhɔre: mmɔdo esit ɔduɔde kpukpru owo, onyuŋ akabarede emem nte mmɔŋ.

JOSHUA 9:24

Ndien mmɔ ebɔrɔ Joshua, ete, Koro mmɔ eketiŋde enɔ nnyin ikɔt fo, nte Jehovah Abasi fo okowukde Moses owo esie ndida ofuri edem emi nnɔ mbufo, nnyuŋ nsobo kpukpru mme andiduŋ edem emi ke iso mbufo mfep, ndien oto mbufo nnyin idikhe eti-eti ibaŋa uwem nnyin, ndien inam ŋkpɔ emi.

ERIYARARE 6:16

mmɔ enyuŋ edɔhɔ ikpɔ obot ye ikpɔ itiat, ete, Eduɔ efuk nnyin, enyuŋ edip nnyin, man nnyin ibɔhɔ iso Anditie ke ebekpo ye iyat esit Eyen-erɔŋ;