JOSHUA 18:6 - Edisana ñwed Abasi Ibom

⁶ eda edisɔk mi mi; ndien ami nyesin afia nnɔ mbufo mi ke iso Jehovah Abasi nnyin.

JOSHUA 18:6 ပူးပေါင်းရင်းမြစ်များ

ŊWED MME PSALM 105:11

Nyenɔ fi isɔŋ Canaan, udeme emi edomode enɔ mbufo.

MME ŊKE 16:33

Emen afia esin ke ikpanesit; edi ɔwɔrɔ kpasuk nte Jehovah amade.

MME ŊKE 18:18

Afia etre utɔk, onyuŋ adianare mkpɔsɔŋ owo.

NUMBERS 33:54

Ndien mbufo eda afia edeme isɔŋ oro, nte ubon mbufo edide: eda akamba udeme enɔ mmɔ eke ewakde, enyuŋ eda ekpri udeme enɔ mmɔ eke miwakke: eke kpukpru owo edidi ke ɔtɔ eke afia otopde ɔnɔ owo: mbufo eda udeme nte mme esien mme ete mbufo edide.

NUMBERS 34:13

Ndien Moses eteme nditɔ Israel, ete, Emi edi isɔŋ emi mbufo edidade afia edeme, emi Jehovah eketemede ete eda enye enɔ mme esien usukkiet ye ubak esien eken:

UTOM MME APOSTLE 13:19

Ndien ke Enye ama okosobo mme idut itiaba ke isɔŋ Canaan, Enye ɔnɔ mmɔ isɔŋ mme idut oro, ete eda enyene, ke adaŋa isua ikie inaŋ ye aba ye duop:

JOSHUA 14:2

Udeme mmɔ asaŋa ke afia, kpa nte Jehovah okowukde ke ubɔk Moses, abaŋa mme esien usukkiet, ye ubak esien kiet:

JOSHUA 18:10

Ndien Joshua esin afia ɔnɔ mmɔ ke Shiloh ke iso Jehovah: Joshua onyuŋ edeme isɔŋ do ɔnɔ nditɔ Israel ke ubak, ke ubak.

JOSHUA 18:7

Koro mme Levite midaha udeme ke otu mbufo: koro idaha oku edide udeme mmɔ: Gad ye Reuben, ye ubak esien Manasseh ema enyuŋ eda udeme mmɔ ke edem usiaha-utin Jordan, emi Moses owo Jehovah ɔkɔnɔde mmɔ.

JOSHUA 18:8

Ekem mbon oro edaha ke enyɔŋ eka: ndien Joshua eteme mme andika ŋkewet isɔŋ, ete, Mbufo eka ekesaŋa ke isɔŋ emi, enyuŋ ewet enye, ndien efiak etiene mi, man nsin afia nnɔ mbufo mi, ke iso Jehovah ke Shiloh.