JOSHUA 18:16 - Edisana ñwed Abasi Ibom

¹⁶ ndien adaŋa ɔsuhɔre ke utit obot emi asakde iso ese itihere eyen Hinnom, emi odude ke itihere mme Rephiam ke edem edere-edere, ndien ɔsuhɔre ke itihere Hinnom ke edem usuk mme Jebusite, ndien ɔsuhɔre aka Enrogel.

JOSHUA 18:16 ပူးပေါင်းရင်းမြစ်များ

2 SAMUEL 17:17

Ndien Jonathan ye Ahimaaz etie ekpere En-rogel; ndien eyenaŋwan kiet aka eketiŋ ɔnɔ mmɔ; ndien mmɔ eka eketiŋ enɔ edidem David: koro mmɔ mikekemeke ndiduk ke obio, mbak edikut mmɔ.

2 SAMUEL 5:18

Ndien mme Philistine edi ediyɔhɔ ke itihere Rephaim.

1 NDIDEM 1:9

Ndien Adonijah owot ŋkpri ufene, ye enaŋ, ye unam eke esehede, ke ɔtɔ itiat Zoheleth, emi ekperede En-rogel, onyuŋ okot kpukpru nditɔ-ete esie, kpa nditɔ edidem, ye kpukpru owo Judah eke edide ikɔt edidem;

2 NDIDEM 23:10

Enye onyun asabara Topheth, emi odude ke ebedeŋ nditɔ Hinnom, man owo baba kiet okunam eyen-eren esie, ye eyen esie aŋwan ebe oduk ke ikaŋ ɔnɔ Molech.

1 CHRONICLES 14:9

Mme Philistine enyuŋ edi edifuk itihere mme Rephaim.

2 CHRONICLES 28:3

Enye onyuŋ ɔfɔp uwa ke itihere eyen Hinnom, onyuŋ ɔfɔp nditɔ esie ke ikaŋ, ekem ye mbubiam ido mme idut oro Jehovah ekebinde ke iso nditɔ Israel efep.

2 CHRONICLES 33:6

Ndien enye onyuŋ anam nditɔ esie ebe eduk ke ikaŋ ke itihere eyen Hinnom, onyuŋ ebre idiɔŋ enyɔŋ, ye idiɔŋ urukikɔt, onyuŋ onim mme ebre-idiɔŋ ekpo owo, ye mme ɔfiɔk ŋkpɔ owo. Enye awak ndinam idiɔk ke iso Jehovah, onyuŋ ayat enye esit.

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

JEREMIAH 19:11

Ntem ke Jehovah mme udim ɔdɔhɔ ete, Ke ntre ke ndinuak mbio emi ye obio emi, kpa nte owo anuakde abaŋ obot-eso, eke owo mikemeke aba ndidiɔŋ: ndien mmɔ eyebuk owo ke Topheth, tutu ebiet eke ebukde iduhe aba.

JEREMIAH 19:2

ndien wɔrɔ ka ke itihere eyen Hinnom, ke ɔtɔ inua-otop itie ubot-eso, ndien mme ikɔ eke ndidɔhɔde fi tiŋ do;

JEREMIAH 19:6

Jehovah ɔdɔhɔ, ete, Ini ke edi eke ebiet emi midikereke aba Topheth, ye Itihere eyen Hinnom, edi eyekere Itihere Uwot-owo.

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

JOSHUA 15:63

Ama edi mme Jebusite emi eduŋde ke Jerusalem, nditɔ Judah ikwe nte ebinde mmɔ efep: edi mme Jebusite eduŋ ye nditɔ Judah ke Jerusalem tutu osim mfin emi.

JOSHUA 18:28

ye Taralah, ye Zelah, ye Eleph, ye Jebusite, enye edi Jerusalem, ye Gibeath, ye Kiriath; obio duopenaŋ ye mme obio iŋwaŋ mmɔ. Emi edi udeme nditɔ Benjamin nte mme ubon mmɔ esaŋade.

JUDGES 1:21

Edi nditɔ Benjamin ibinke mme Jebusite emi eduŋde ke Jerusalem, ifep; edi mme Jebusite eduŋ ke otu nditɔ Benjamin ke Jerusalem tutu osim mfin emi.

JUDGES 1:8

Ndien nditɔ Judah eŋwana ekɔŋ ye Jerusalem, enyuŋ eda enye, enyuŋ esuan enye ke iso ofut, ndien ekimikaŋ ke obio.

JUDGES 19:10

Edi owo oro inyimeke ndidaŋ; ndien enye adaha ke enyɔŋ asaŋa aka tutu edikem ye Jebus, emi edide Jerusalem: ndien ass iba oro edoride ŋkpɔ-itie edu ye enye, ŋwan esie onyuŋ asaŋa ye enye.