JOSHUA 18:10 - Edisana ñwed Abasi Ibom

¹⁰ Ndien Joshua esin afia ɔnɔ mmɔ ke Shiloh ke iso Jehovah: Joshua onyuŋ edeme isɔŋ do ɔnɔ nditɔ Israel ke ubak, ke ubak.

JOSHUA 18:10 ပူးပေါင်းရင်းမြစ်များ

1 CHRONICLES 24:5

Enyuŋ eda afia ebahare mmɔ, mme mmɔ emi ye mme mmɔ eken; koro mbɔŋ edisana efe, ye mbɔŋ Abasi etode ke nditɔ Eleazar, ye ke nditɔ Ithamar.

NEHEMIAH 11:1

NDIEN mbɔŋ obio eduŋ ke Jerusalem: mbio-obio eken enyuŋ esin afia, ete ida owo kiet ke itie duop idinim eduŋ ke Jerusalem edisana obio, ye mbak usukkiet ke mme obio eŋwen.

ŊWED MME PSALM 47:4

Enye eyemek udeme nnyin ɔnɔ nnyin, kpa ubɔŋ Jacob emi enye amade. [Selah.]

ŊWED MME PSALM 61:5

Koro afo, O Abasi, okopde akaŋa mi: Afo ada udeme mmɔ eke ebakde enyiŋ fo ɔnɔ mi.

MME ŊKE 18:18

Afia etre utɔk, onyuŋ adianare mkpɔsɔŋ owo.

JEREMIAH 7:12

Mbufo ekam eka ke ebiet mi oro okodude ke Shiloh, emi ŋkayakde enyiŋ mi oduŋ do akpa, enyuŋ ekut se ŋkanamde ye enye, mbaŋa idiɔk ido ikɔt mi Israel.

EZEKIEL 47:22

Ndien ama ekem mbufo esin afia ebahare enye enɔ idem-mbufo ke udeme, ye isen owo eke eduŋde ke otu mbufo, eke ebonde nditɔ ke otu mbufo: mbufo ebat mmɔ nte mme amana ke otu nditɔ Israel: yak mmɔ eda udeme ke afia ye mbufo ke otu mme esien Israel.

EZEKIEL 48:29

Isɔŋ emi ke mbufo edida edeme enɔ mme esien Israel ke udeme; mme mmɔ emi enyuŋ edi mbak mmɔ. Emi edi uyo Ɔbɔŋ Jehovah.

MICAH 2:5

Mmɔdo afo mudunyeneke owo eke edinyande uruk ke udeme ke otu mbon-esop Jehovah.

NUMBERS 34:16

Ekem Jehovah ɔdɔhɔ Moses, ete,

MATTHEW 27:35

Edi ke ini mmɔ ema ekɔkɔŋ Enye ke cross, mmɔ esin afia, ete ideme edisine-ŋkpɔ Esie ida ke idem mme imɔ:

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

UTOM MME APOSTLE 13:19

Ndien ke Enye ama okosobo mme idut itiaba ke isɔŋ Canaan, Enye ɔnɔ mmɔ isɔŋ mme idut oro, ete eda enyene, ke adaŋa isua ikie inaŋ ye aba ye duop:

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

ŊWED MBON COLOSSAE 1:12

mbufo ekpekam ekɔm Ete, emi akanamde nnyin idot ndibuana ke udeme nti owo ke uŋwana:

JOSHUA 14:2

Udeme mmɔ asaŋa ke afia, kpa nte Jehovah okowukde ke ubɔk Moses, abaŋa mme esien usukkiet, ye ubak esien kiet:

JOSHUA 14:5

Kpa nte Jehovah eketemede Moses, ntre ke nditɔ Israel enam, enyuŋ edeme isɔŋ.

JOSHUA 18:11

Ndien afia ɔwɔrɔ ɔnɔ esien nditɔ Benjamin ke ubon ke ubon: ndien adaŋa afia mmɔ ɔwɔrɔ ke ufɔt nditɔ Judah ye nditɔ Joseph.

JOSHUA 18:6

eda edisɔk mi mi; ndien ami nyesin afia nnɔ mbufo mi ke iso Jehovah Abasi nnyin.

JOSHUA 18:8

Ekem mbon oro edaha ke enyɔŋ eka: ndien Joshua eteme mme andika ŋkewet isɔŋ, ete, Mbufo eka ekesaŋa ke isɔŋ emi, enyuŋ ewet enye, ndien efiak etiene mi, man nsin afia nnɔ mbufo mi, ke iso Jehovah ke Shiloh.

JOSHUA 18:9

Ndien mmɔ oro eka ekesaŋa ke isɔŋ ebe, enyuŋ eda enye ke obio, ke obio, esin ke udeme itiaba ewet ke ŋwed, ndien mmɔ enyɔŋɔ etiene Joshua ke nna Shiloh.

JOSHUA 19:51

Mme mmɔ emi edi udeme emi Eleazar oku, ye Joshua eyen Nun, ye mme etubom mme ete edade afia edeme enɔ mme esien nditɔ Israel, ke Shiloh, ke iso Jehovah, ke inua-otop efe esop. Ntem ke mmɔ ebahare isɔŋ ema.

JOSHUA 23:4

Sese, mmada afia ndeme mme idut emi esuhɔde nnɔ mbufo ke udeme mme esien mbufo, ɔtɔŋɔde ke Jordan, ye kpukpru mme idut emi ŋkasuande tutu osim Akwa Inyaŋ ke edem usop-utin.