JOSHUA 18:1 - Edisana ñwed Abasi Ibom

¹ EKEM ofuri esop nditɔ Israel esop idem ke Shiloh, enyuŋ ewuk efe esop do. Ndien isɔŋ ana suŋ ke iso mmɔ.

JOSHUA 18:1 ပူးပေါင်းရင်းမြစ်များ

2 SAMUEL 7:6

Koro mmeŋkanam nduŋke ke ufɔk toto ke usen oro ŋkadade nditɔ Israel ke Egypt ndɔk, tutu osim mfin emi, edi ŋkasaŋa ke tent nte ebiet iduŋ.

1 NDIDEM 14:2

Mbɔk, daha ke enyɔŋ, foro owo efen, man ekufiɔk ete ke afo edi ŋwan Jeroboam: ndien ka ke Shiloh: sese, Ahijah prophet oro ɔkɔdɔhɔde abaŋa mi ete ke ami ndida ubɔŋ obio emi, odu do.

1 NDIDEM 14:4

Ndien ŋwan Jeroboam anam ntre, onyuŋ adaha ke enyɔŋ aka ke Shiloh, okoduk ke ufɔk Ahijah. Edi Ahijah ikwe ŋkpɔ, koro usɔŋ esie esinde enyin akai enye.

1 NDIDEM 2:27

Ntre ke Solomon osio Abiathar ke itie oku Jehovah; man enye anam uyo Jehovah oro Enye ɔkɔdɔhɔde abaŋa ufɔk Eli ke Shiloh, osu.

NEHEMIAH 9:24

Ntre ke nditɔ mmɔ eduk ekeda isɔŋ emi, afo onyuŋ ɔsuhɔre mme andiduŋ isɔŋ, kpa mme Canaanite, ke iso mmɔ, onyuŋ ada mmɔ esin mmɔ ke ubɔk, ye ndidem mmɔ, ye mbio isɔŋ, ete enam mmɔ kpa nte emade.

ŊWED MME PSALM 78:60

ndien ɔwɔrɔ iduŋ Shiloh, kpa tent emi enye okowukde ke otu owo.

ŊWED MME PSALM 78:66

Ndien enye ɔtɔ mme asua mmɔ, anam mmɔ efiak edem: onyuŋ ɔnɔ mmɔ nsinsi esuene.

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 26:9

Nsinam afo etiŋde prophecy ke enyiŋ Jehovah, ete, Ufɔk emi eyebiet Shiloh, obio emi eyenyuŋ abiara, tutu owo eke oduŋde iduhe? Ndien kpukpru owo esop idem enam ikɔ ye Jeremiah ke ufɔk Jehovah.

JEREMIAH 41:5

ndusuk owo eto ke Shechem, ye ke Shiloh, ye ke Samaria, owo anaŋ, emi ekporode ntaŋ-ebek, enyuŋ ewaide edisine-ŋkpɔ mmɔ, enyuŋ ekpide idem mmɔ, edi ye inuak-udia ye frankincense ke ubɔk, ke eyom ndida mmɔ nsɔk ke ufɔk Jehovah.

NUMBERS 32:22

isɔŋ emi onyuŋ emem isin ke iso Jehovah: ndien mbufo eyenyɔŋ edi, mbufo idinyuŋ inyeneke ikɔ ye Jehovah ye Israel; ndien isɔŋ emi eyedi udeme mbufo ke iso Jehovah.

UTOM MME APOSTLE 7:45

Mme ete nnyin ŋko eda ataya emi esaŋa ye Joshua eduk, ke ini mmɔ edade isɔŋ mme idut, emi Abasi ebinde osio ke iso mme ete nnyin, enyene, tutu osim eyo David:

JOSHUA 18:2

Ndien esien itiaba emi mikaidaha udeme mmɔ, esuk ke otu nditɔ Israel.

JOSHUA 18:8

Ekem mbon oro edaha ke enyɔŋ eka: ndien Joshua eteme mme andika ŋkewet isɔŋ, ete, Mbufo eka ekesaŋa ke isɔŋ emi, enyuŋ ewet enye, ndien efiak etiene mi, man nsin afia nnɔ mbufo mi, ke iso Jehovah ke Shiloh.

JOSHUA 19:51

Mme mmɔ emi edi udeme emi Eleazar oku, ye Joshua eyen Nun, ye mme etubom mme ete edade afia edeme enɔ mme esien nditɔ Israel, ke Shiloh, ke iso Jehovah, ke inua-otop efe esop. Ntem ke mmɔ ebahare isɔŋ ema.

JOSHUA 21:2

enyuŋ edɔhɔ mmɔ ke Shiloh ke isɔŋ Cannan, ete, Jehovah ama owuk ke ubɔk Moses, ete enɔ nnyin obio iduŋ, ye mben-isɔŋ mmɔ ke eke ufene nnyin.

JOSHUA 22:12

Ndien adaŋemi nditɔ Israel ekopde, ofuri esop nditɔ Israel esop idem ke Shiloh, ete idɔk ika ekɔŋ ye mmɔ.

JOSHUA 22:19

Edi edieke isɔŋ udeme mbufo edehede, mbufo esaŋa ebe ke isɔŋ udeme Jehovah, emi iduŋ Jehovah odude ke esit, enyuŋ eda udeme ke otu nnyin; edi ekusɔŋ ibuot ye Jehovah, ekunyuŋ esɔŋ ibuot ye nnyin, ke erinam itie-uwa ke idem mbufo ŋkɔrɔ ke itie-uwa Jehovah Abasi nnyin.

JOSHUA 22:9

Ndien nditɔ Reuben, ye nditɔ Gad, ye ubak esien Manasseh, enyɔŋɔ ekpɔŋ nditɔ Israel ke Shiloh, emi odude ke isɔŋ Canaan, enyuŋ eka ke isɔŋ Gilead, ke isɔŋ udeme mmɔ emi mmɔ ekedade ke uyo Jehovah, ke ubɔk Moses.

JUDGES 18:31

Ntre ke mmɔ eda edisɔi mbiet Micah emi enye akanamde, enim enɔ idem mmɔ, ke ofuri ini oro ufɔk Abasi okodude ke Shiloh.

JUDGES 21:12

Ndien mmɔ ekut nditɔwɔŋ iban ikie inaŋ emi mikɔfiɔkke eren-owo ke otu mme andiduŋ Jabesh-gilead: ndien eda mmɔ edi ke nna ke Shiloh emi odude ke isɔŋ Canaan.

JUDGES 21:19

Ndien mmɔ edɔhɔ ete, Sese, usɔrɔ Jehovah odu ke Shiloh kpukpru isua, emi odude ke edem edere Beth-el, ke ɔkpɔ-usuŋ emi otode ke Beth-el ɔdɔk ke Shechem, ke edem usiaha-utin, ye ke edem usuk-usuk Lebonah.

1 SAMUEL 1:24

Ndien adaŋemi enye akanamde eyen adaha ke eba, enye ada enye ye enaŋ ita, ye eti ndom-uyo ke ephah kiet, ye wine ke ikpa, ɔdɔk, onyuŋ ada enye aka ke ufɔk Jehovah ke Shiloh; ndien eyen oro edi eyenɔwɔŋ.

1 SAMUEL 1:3

Ndien owo emi oto ke obio mmɔ kpukpru isua ɔdɔk ndituak ibuot, nnyuŋ ŋwa uwa nnɔ Jehovah mme udim ke Shiloh. Ndien nditɔ-iren Eli mbiba, Hophni ye Phinehas, mme oku Jehovah edu do.