JOSHUA 17:17 - Edisana ñwed Abasi Ibom

¹⁷ Ndien Joshua ɔdɔhɔ ufɔk Joseph, kpa Ephraim ye Manasseh, ete, Mbufo edi ediwak owo, enyuŋ enyene akamba odudu: mbufo ididaha udeme kiet kpɔt;

JOSHUA 17:17 ပူးပေါင်းရင်းမြစ်များ

GENESIS 48:16

angel emi akafakde mi osio ke kpukpru idiɔk-ŋkpɔ osuk ɔdiɔŋ nditɔ emi; yak mmɔ enyuŋ ekere enyiŋ mi, ye enyiŋ mme ete mi Abraham ye Isaac; yak mmɔ enyuŋ etɔt ekabare ediwak ke ufɔt isɔŋ.

JOSHUA 17:16

Ndien nditɔ Joseph edɔhɔ ete, Obot oro ikemke nnyin: ndien kpukpru mme Canaanite emi eduŋde ke itihere isɔŋ, ye mme mmɔ emi edude ke Beth-shean, ye ke mme obio iŋwaŋ esie, ye mme mmɔ emi edude ke ebedeŋ Jezreel, enyene chariot ukwak.

JOSHUA 17:18

edi mbufo eyeda obot oro, koro enye edide akai, ndien mbufo eyekpeŋe enye eduɔk; mbufo eyenyuŋ eda mme ebiet emi ekperede enye: koro mbufo eyesioŋo mme Canaanite efep: koro mmɔ emenyene chariot ukwak emenyuŋ esɔŋɔ odudu.

1 SAMUEL 1:1

OWO kiet okodu ke Ramathaim-zophim, ke edem obot Ephraim, ndien enyiŋ esie ekere Elkanah, eyen Jeroham, eyen Elihu, eyen Tohu, eyen Zuph owo Ephraim.