JOSHUA 15:7 - Edisana ñwed Abasi Ibom

⁷ ndien adaŋa oro ɔkpɔŋ ebedeŋ Achor ɔdɔk ke Debir, ndien akabare edere-edere aka ke Gilgal, emi asakde iso ese obot Adummim, emi odude ke edem usuk-usuk idim; ndien adaŋa ebe aka mmɔŋ En-shemesh, ndien utit esie ɔwɔrɔ ke En-rogel.

JOSHUA 15:7 ပူးပေါင်းရင်းမြစ်များ

2 SAMUEL 17:17

Ndien Jonathan ye Ahimaaz etie ekpere En-rogel; ndien eyenaŋwan kiet aka eketiŋ ɔnɔ mmɔ; ndien mmɔ eka eketiŋ enɔ edidem David: koro mmɔ mikekemeke ndiduk ke obio, mbak edikut mmɔ.

1 NDIDEM 1:9

Ndien Adonijah owot ŋkpri ufene, ye enaŋ, ye unam eke esehede, ke ɔtɔ itiat Zoheleth, emi ekperede En-rogel, onyuŋ okot kpukpru nditɔ-ete esie, kpa nditɔ edidem, ye kpukpru owo Judah eke edide ikɔt edidem;

ISAIAH 65:10

Ndien Sharon eyekabare edi ebiet eke ŋkpri ufene eduŋde, ebedeŋ Achor eyenyuŋ akabare edi ebiet eke enaŋ edinade, ɔnɔ ikɔt mi emi ebinede mi.

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

JOSHUA 10:43

Ekem Joshua ye ofuri Israel ŋko efiak ke nna-ekɔŋ ke Gilgal.

JOSHUA 15:15

Ndien enye oto do ɔdɔk aka ke ɔtɔ mme andiduŋ Debir: ndien enyiŋ Debir ekere Kiriath-sepher ke akpa ini.

JOSHUA 15:6

ndien adaŋa oro ɔdɔk aka ke Bethhoglah, onyuŋ ebe Beth-arabah ke edem edere; ndien adaŋa ɔdɔk aka ke itiat Bohan eyen Reuben:

JOSHUA 18:17

Ndien enim enye ke edem edere, ndien enye ɔwɔrɔ ke Enshemesh, onyuŋ ɔwɔrɔ ke Geliloth emi asakde iso ese ebiet emi edɔkde ke Adummim, ndien ɔsuhɔre aka itiat Bohan eyen Reuben,

JOSHUA 4:19

Ndien mbio oro eto ke Jordan edɔk ke ɔyɔhɔ usen akpa ɔfiɔŋ duop, ndien mmɔ eka ekena ke Gilgal, ke edem usiaha-utin Jericho.

JOSHUA 7:24

Ekem Joshua ada Achan eyen Zerah, ye silver oro, ye ekura ye edeme o gold, ye nditɔ-iren esie, ye nditɔ-iban esie, ye enaŋ esie, ye mme ass esie, ye ŋkpri ufene esie, ye tent esie, ye kpukpru se enye enyenede, ofuri Israel enyuŋ esaŋa ye enye: ndien eda mmɔ edɔk ke ebedeŋ Achor.

JOSHUA 7:26

Ndien mmɔ ekubi enye akamba ebok itiat ke idem, tutu osim mfin emi. Ntem ke Jehovah akabare ɔkpɔŋ ikaŋ iyaresit esie. Mmɔdo enyiŋ ebiet oro ekerede ebedeŋ Achor (ndutuhɔ), tutu osim mfin emi.