JOSHUA 15:63 - Edisana ñwed Abasi Ibom

⁶³ Ama edi mme Jebusite emi eduŋde ke Jerusalem, nditɔ Judah ikwe nte ebinde mmɔ efep: edi mme Jebusite eduŋ ye nditɔ Judah ke Jerusalem tutu osim mfin emi.

JOSHUA 15:63 ပူးပေါင်းရင်းမြစ်များ

1 NDIDEM 9:21

kpa nditɔ mmɔ eke ekesuhɔde mmɔ ke edem ke isɔŋ, eke nditɔ Israel mikekemeke ndisobo, mmɔ ke Solomon okonim ke mbon-utom, tutu osim mfin emi.

1 CHRONICLES 8:28

Mme mmɔ emi edi mme etubom mme ete ke emana mmɔ, akpan owo: mme mmɔ emi eduŋ ke Jerusalem.

JOSHUA 15:62

ye Secacah, ye Nibshan, ye Obio Inuŋ, ye En-gedi; obio itiokiet, ye mme obio iŋwaŋ mmɔ.

JOSHUA 15:8

Ndien adaŋa oro asaŋa ke itihere eyen Hinnom ada ɔdɔk ke edem usuk-usuk mme Jebussite; oro edi Jerusalem: ndien adaŋa ɔdɔk ke ibuot obot emi asakde iso ese itihere Hinnom, ke edem usop-utin, emi adade ke utit itihere mme Rephaim edere-edere.

JUDGES 1:21

Edi nditɔ Benjamin ibinke mme Jebusite emi eduŋde ke Jerusalem, ifep; edi mme Jebusite eduŋ ke otu nditɔ Benjamin ke Jerusalem tutu osim mfin emi.

JUDGES 1:8

Ndien nditɔ Judah eŋwana ekɔŋ ye Jerusalem, enyuŋ eda enye, enyuŋ esuan enye ke iso ofut, ndien ekimikaŋ ke obio.