JOSHUA 14:12 - Edisana ñwed Abasi Ibom

¹² Kam nɔ mi, ndien, obot emi, nte Jehovah ɔkɔdɔhɔde ke usen oro: koro afo ama okop ke usen oro: koro mme Anakim edudu do, mme obio enyuŋ ekponi, enyuŋ enyene ibibene; Jehovah ama odu ye ami, ndien nyekeme ndibɔ mmɔ itie, kpa nte Jehovah ɔkɔdɔhɔde.

JOSHUA 14:12 ပူးပေါင်းရင်းမြစ်များ

2 NDIDEM 19:4

Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

2 CHRONICLES 14:11

Ndien Asa eseme ɔnɔ Jehovah Abasi esie, ete, O Jehovah baba kiet ke mibɔhɔke afo ikemeke ndinyaŋa ke ufɔt mkpɔsɔŋ owo ye mmeme: nyaŋa nnyin, O Jehovah Abasi nnyin; koro nnyin ibɔbuɔt idem nnyin ye afo, inyuŋ ida enyiŋ fo ika ndiŋwana ye akwa otu emi. O Jehovah, afo edi Abasi nnyin; kuyak owo ɔsɔŋ akan fi.

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

ŊWED MME PSALM 60:12

Nnyin iyeda Abasi inam uko: ndien enye eyedigi mme asua nnyin.

NUMBERS 13:28

Edi mme mmɔ emi eduŋde ke isɔŋ oro edi mkpɔsɔŋ, mme obio enyuŋ enyene ibibene, enyuŋ ekponi eti-eti: nnyin ima inyuŋ ikut nditɔ Anak do ŋko-ŋko.

NUMBERS 13:33

Do ke nnyin ikenyuŋ ikut mme Nephilim: ndien nnyin ikese idem nnyin ke ŋkuku, mmɔ enyuŋ ese nnyin kpa ntre.

NUMBERS 21:34

Ndien Jehovah ɔdɔhɔ Moses, ete, Kufehe enye: koro mmada enye, ye kpukpru ikɔt esie, ye isɔŋ esie, nsin fi ke ubɔk; ndien afo eyenam enye kpa nte akanamde Sihon ɔbɔŋ mme Amorite emi oduŋde ke Heshbon.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

DEUTERONOMY 9:1

O ISRAEL kop: afo ɔmɔŋ edibe Jordan mfin emi okoduk, man ada mme idut emi ekponide enyuŋ esɔŋde ekan fi, enyene, ikpɔ obio emi enyenede ŋkokoŋo ibibene.

DEUTERONOMY 9:3

Fiɔk ndien mfin emi, ete ke Jehovah Abasi fo emi ebemde fi iso ebe, edi ikaŋ eke atade, enye eyesobo mmɔ, enye eyenyuŋ ɔsuhɔre mmɔ ke iso fo onim: ndien afo eyewara ebin mmɔ efep, onyuŋ osobo mmɔ, kpa nte Jehovah ɔkɔdɔhɔde fi.

ŊWED MBON PHILIPPI 4:13

Mmenyene ukeme ndinam kpukpru ŋkpɔ ke odudu Andisɔŋɔ mi idem.

MME HEBREW 11:33

ye mme prophet; emi ekedade mbuɔtidem ekan mme idut, enam edinen ido, ebɔ mme uŋwɔŋɔ, ekibi mme lion inua, enime ide ikaŋ,

JOSHUA 15:14

Ndien Caleb osio nditɔ Anak ita ke ɔtɔ oro efep, Sheshai, ye Ahiman, ye Talmai, nditɔ Anak.

JUDGES 1:20

Ekem mmɔ eda Hebron enɔ Caleb, kpa nte Moses ɔkɔdɔhɔde: ndien enye osio nditɔ Anak ita efep ke esit.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.