JOSHUA 12:6 - Edisana ñwed Abasi Ibom

⁶ Moses owo Jehovah, ye nditɔ Israel esuan mmɔ oro: ndien Moses owo Jehovah ada enye ɔnɔ mme Reubenite, ye mme Gadite, ye ibio esien Manasseh, ete eda enyene.

JOSHUA 12:6 ပူးပေါင်းရင်းမြစ်များ

1 NDIDEM 4:19

Geber eyen Uri odu ke isɔŋ Gilead, ke isɔŋ Sihon ɔbɔŋ mme Amorite, ye eke Og ɔbɔŋ Bashan: enye onyuŋ edi adidaha kierakiet ke isɔŋ oro.

NUMBERS 32:29

Moses onyuŋ ɔdɔhɔ mmɔ, ete, Kpukpru nditɔ Gad, ye nditɔ Reuben, ema ebɔbɔ mbɔbɔ ekɔŋ esaŋa ye mbufo ebe Jordan ke iso Jehovah, isɔŋ oro ama onyuŋ emem isin ɔnɔ mbufo; ndien mbufo eda isɔŋ Gilead enɔ mmɔ eda enyene:

NUMBERS 32:32

Nnyin iyebɔbɔ mbɔbɔ ekɔŋ isaŋa ibe ke iso Jehovah ika isɔŋ Canaan, ndien nnyin iyeda udeme nnyin ke edem Jordan oko.

NUMBERS 32:33

Ndien Moses emen idut Sihon edidem mme Amorite, ye idut Og edidem Bashan, idem isɔŋ, nte mme obio esie esaŋade ke mme adaŋa, kpa mme obio ke isɔŋ emi akande okuk, ɔnɔ mmɔ, kpa nditɔ Gad, ye nditɔ Reuben, ye ubak nditɔ Manasseh eyen Joseph.

JOSHUA 14:3

Koro Moses ama akada udeme ɔnɔ esien iba ye ubak esien kiet ke edem Jordan oko; edi ikɔnɔŋɔ mme Levite udeme ke otu mmɔ.

JOSHUA 18:7

Koro mme Levite midaha udeme ke otu mbufo: koro idaha oku edide udeme mmɔ: Gad ye Reuben, ye ubak esien Manasseh ema enyuŋ eda udeme mmɔ ke edem usiaha-utin Jordan, emi Moses owo Jehovah ɔkɔnɔde mmɔ.

JOSHUA 22:4

Ndien ke emi Jehovah Abasi mbufo ɔmɔnɔ nditɔ-ete mbufo nduɔk-odudu, kpa nte enye ɔkɔdɔhɔde mmɔ: mbufo enyɔŋɔ, ndien, eka ke mme tent mbufo, ke isɔŋ emi mbufo edade, emi Moses owo Jehovah ɔkɔnɔde mbufo ke edem Jordan oko.