JOSHUA 11:20 - Edisana ñwed Abasi Ibom

²⁰ Koro okotode Jehovah, maan enye ɔsɔŋ mmɔ esit ndiŋwana ekɔŋ ye Israel, man enye osobo mmɔ, kpa nte Jehovah eketemede Moses.

JOSHUA 11:20 ပူးပေါင်းရင်းမြစ်များ

2 SAMUEL 17:14

Ndien Absalom, ye kpukpru owo Israel edɔhɔ ete, Item Hushai Arkite ɔfɔn akan item Ahithophel. Koro Jehovah okonimde ete edi ntre, man enye asuan eti item Ahithophel, kpaŋ Jehovah akpanam idiɔk-ŋkpɔ osim Absalom.

1 NDIDEM 12:15

Ntre ke edidem ikopke inɔ mbon oro: koro Jehovah akanamde ɔwɔrɔ ntem, man enye anam uyo esie, emi Jehovah akadade inua Ahijah a Shiloh ɔdɔhɔ, osu ɔnɔ Jeroboam eyen Nebat.

2 CHRONICLES 22:7

Ndien nsobo Ahaziah oto Abasi ke erika ke ɔtɔ Joram: ndien adaŋemi enye akade, enye etiene Jehoram ɔwɔrɔ okosobo ye Jehu eyen Nimshi, emi Jehovah ekeyetde aran, ete osibe ufɔk Ahab efep.

2 CHRONICLES 25:16

Edikem ke ini enye osuk ɔdɔhɔde ye enye, edidem obup enye, ete, Nte nnyin imenim fi ke andinɔ edidem item? Tre; edinam didie ewot fi? Ndien prophet oro etre, onyuŋ ɔdɔhɔ ete, Mmɔfiɔk nte ke Abasi amaduak ndisobo fi, koro afo anamde emi, ndien mukopke item mi.

EXODUS 10:1

EKEM Jehovah ɔdɔhɔ Moses, ete, Ka ke ebiet Pharaoh: Koro edi ami nsɔŋ enye esit, ye esit ikɔt esie ŋko, man nnam mme idiɔŋɔ mi emi ke otu mmɔ:

EXODUS 11:10

Ntre ke Moses ye Aaron enam kpukpru mme utibe ŋkpɔ emi ke iso Pharaoh: ndien Jehovah ɔsɔŋ Pharaoh esit, ndien enye iyakke nditɔ Israel edaŋa ke isɔŋ esie.

EXODUS 14:17

Ndien se mi, ami nyesɔŋ nditɔ Egypt esit, ndien mmɔ eyebine mmɔ: ndien ami nyeda Pharaoh ukpono ke idem, ye ke idem kpukpru mbon-ekɔŋ esie, ye chariot esie, ye ke mbon horse esie.

EXODUS 14:4

Ndien nyesɔŋ Pharaoh esit, ndien enye eyebine mmɔ; ndien nyeda ukpono ke idem Pharaoh, ye ke idem kpukpru mbon-ekɔŋ esie: ndien nditɔ Egypt eyefiɔk ete ke ami ndi Jehovah. Ndien mmɔ enam ntre.

EXODUS 14:8

Ntre ke Jehovah ɔsɔŋ Pharaoh edidem Egypt esit, ndien enye ebine nditɔ Israel: ndien nditɔ Israel ewɔŋɔ ke edimenere ubɔk.

EXODUS 4:21

Jehovah onyuŋ ɔdɔhɔ Moses ete, Ke ini afo afiakde aka ke Egypt, tiŋ enyin ke kpukpru mme utibe ŋkpɔ emi nsinde fi ke ubɔk, nnyuŋ nnam mmɔ ke iso Pharaoh: edi ami nyesɔŋ enye esit, ndien enye idisanake mbon oro iyak.

EXODUS 9:12

Ndien Jehovah ɔsɔŋ Pharaoh esit, ndien enye ikopke inɔ mmɔ; kpa nte emi Jehovah ɔkɔdɔhɔde Moses.

EXODUS 9:16

Edi ŋkɔm edi emi ekesin mi nnim fi, man ŋwut fi odudu mi; man enyuŋ ekwɔrɔ enyiŋ mi ke ofuri ererimbot.

ISAIAH 14:24

Jehovah mme udim ɔmɔŋwɔŋɔ, ete, Iditreke ndiwɔrɔ kpa nte ŋkekerede; onyuŋ osu kpa nte ŋkaduakde:

ISAIAH 34:2

Koro Jehovah ayatde esit ye kpukpru mme idut, onyuŋ ofutde esit ye kpukpru mme udim ekɔŋ mmɔ: enye omonim mmɔ ɔnɔ nsobo; ɔnɔ mmɔ, ete eda ekewot.

ŊWED MBON ROME 9:18

Ntre ke Enye enyene mbɔm ye owo eke Enye amade, onyuŋ ɔsɔŋ owo esit nte amade.

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

DEUTERONOMY 7:16

Ndien afo eyedia kpukpru mme idut eke Jehovah Abasi fo edinɔde fi; enyin fo okutua mmɔ mbɔm: kunyuŋ unam ido mme abasi mmɔ: koro oro eyekɔk afia ɔnɔ fi.

JUDGES 14:4

Edi ete esie ye eka esie ifiɔkke ite ke emi oto Jehovah: koro enye oyomde usuŋ nte anamde mme Philistine: koro mme Philistine ekande Israel ke ini oro.

1 SAMUEL 2:25

Edieke owo eduede ye owo, Abasi eyekpe ikpe esie; edi edieke owo eduede ye Jehovah, anie edikpe ubɔk inɔ enye? Edi mmɔ ikopke uyo ete mmɔ, koro Jehovah amade ndiwot mmɔ.