JOSHUA 11:14 - Edisana ñwed Abasi Ibom

¹⁴ Ndien nditɔ Israel ebume kpukpru mbume obio oro ye ufene, eda ke idem mmɔ; edi mmɔ ewot kpukpru owo ke iso ofut, tutu esobo mmɔ, isuhɔke baba ŋkpɔ kiet eke ɔduɔkde ibifik.

JOSHUA 11:14 ပူးပေါင်းရင်းမြစ်များ

2 CHRONICLES 20:25

Ndien adaŋaemi Jehoshaphat ye ikɔt esie edide ndibume mbume mmɔ, mmɔ ekut ediwak inyene ke otu mmɔ, ye okpo, ye ŋkpɔ-uto, ndien mmɔ esioŋo eda ke idem mmɔ, tutu ikwe nte ebiomde; ndien mmɔ eda usen ita etaŋ mbume oro, koro mmɔ ewakde eti-eti.

NUMBERS 31:9

Ndien nditɔ Israel etaŋ iban Midian, ye nditɔwɔŋ mmɔ, eda enyɔŋɔ, enyuŋ ebume kpukpru enaŋ mmɔ, ye kpukpru ŋkpri ufene mmɔ, ye kpukpru inyene mmɔ.

DEUTERONOMY 20:14

edi ama edi iban, ye nditɔwɔŋ, ye ufene, ye kpukpru se idude ke obio, kpa ofuri mbume esie, bume mmɔ da ke idem fo; afo eyenyuŋ adia mbume mme asua fo eke Jehovah Abasi fo ɔnɔde fi.

DEUTERONOMY 20:16

Edi ama edi mme obio mme idut emi Jehovah Abasi fo ɔnɔde fi ke udeme, kunim baba ŋkpɔ kiet eke ɔduɔkde ibifik ke uwem:

JOSHUA 10:40

Ntem ke Joshua akan ofuri edem ikpɔ obot, ye eke usuk, ye eke una-isɔŋ edem inyaŋ, ye eke mme usuhɔre, ye kpukpru mbɔŋ mmɔ: enye isuhɔke baba nsuhɔ kiet, edi osobo kpukpru se iduɔkde ibifik, kpa nte Jehovah Abasi Israel okowukde.

JOSHUA 11:11

Enye onyuŋ ada iso ofut owot kpukpru owo emi edude ke esit, osobo mmɔ fap: baba kiet eke eduɔkde ibifik isuhɔke: enye onyuŋ ɔfɔp Hazor ke ikaŋ.

JOSHUA 11:13

Edi ama edi kpukpru obio emi edade ke ŋkokoŋo obot mmɔ, Israel ifɔpke mmɔ, ibɔhɔke Hazor ikpɔŋ-ikpɔŋ ke Joshua ɔkɔfɔp.

JOSHUA 11:15

Kpa nte Jehovah eketemede Moses owo esie, ntre ke Moses onyuŋ eteme Joshua, kpa ntre ŋko ke Joshua onyuŋ anam; enye ikpɔŋke baba ŋkpɔ kiet ke kpukpru se Jehovah eketemede Moses.

JOSHUA 8:2

ndien afo eyenam Ai ye ɔbɔŋ esie, kpa nte akanamde Jericho ye ɔbɔŋ esie: edi mbufo ebume ŋkpɔ esie, ye ufene esie, eda ke idem mbufo: nim mbon-udibe ke edem obio.

JOSHUA 8:27

Edi Israel eda ufene ye ŋkpɔ mbume obio oro ke idem mmɔ kpa ke uyo Jehovah emi enye okowukde Joshua.