JOSHUA 10:4 - Edisana ñwed Abasi Ibom

⁴ Mbufo edɔk edi ke ebiet mi, enyuŋ eŋwam mi, man nnyin isobo Gibeon: koro mmɔ ekekade ekemana iman ye Joshua ye nditɔ Israel.

JOSHUA 10:4 ပူးပေါင်းရင်းမြစ်များ

MATTHEW 16:24

Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

JOHN 15:19

Edieke mbufo ekpedide mbon ererimbot, ererimbot akpama ikɔt esie: edi sia mbufo midige mbon ererimbot, edi Ami ŋkemekde mbufo nsio ke ererimbot, ke ntak oro ererimbot asua mbufo.

UTOM MME APOSTLE 21:28

Emi edi owo oro ekpepde kpukpru owo ke kpukpru ebiet ete, eŋwana ye mbio-obio ye ibet ye ebiet emi: enye omonyuŋ ada mme Greek oduk ke temple ŋko-ŋko edisabare edisana ebiet emi.

2 ŊWED TIMOTHY 3:12

Ke akpanikɔ kpukpru owo eke eyomde ndidu eti uwem ke Christ Jesus enyene ndibiom isin-enyin.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

JOSHUA 10:1

EDIKEM ke adaŋemi Adoni-zedek ɔbɔŋ Jerusalem okopde nte Joshua akadade Ai, okonyuŋ osobode enye; kpa nte enye akanamde Jericho ye ɔbɔŋ esie, kpa ntre ke enye anam Ai ye ɔbɔŋ esie; nte mme andiduŋ Gibeon ekenyuŋ emanade iman ye Israel, enyuŋ edu ke otu mmɔ; ndik anam mmɔ eti-eti:

JOSHUA 10:5

Ekem mbɔŋ mme Amorite ition oro esop idem ɔtɔ kiet, kpa ɔbɔŋ Jerusalem, ye ɔbɔŋ Hebron, ye ɔbɔŋ Jarmuth, ye ɔbɔŋ Lachish, ye ɔbɔŋ Eglon, mmɔ ye kpukpru mbon-ekɔŋ mmɔ, ndien mmɔ edɔk ekenam nna ekpere Gibeon, enyuŋ eŋwana ekɔŋ ye enye.

JOSHUA 9:15

Ndien Joshua ekpe emem ye mmɔ, onyuŋ odiomi ediomi ye mmɔ, ete inim mmɔ uwem: mbɔŋ esop enyuŋ eŋwɔŋɔ enɔ mmɔ.

1 PETER 4:4

ndien idem akpa mmɔ oro, ke emi mbufo minyimeke aba ndisaŋa ye mmɔ nduk ke ɔkpɔsɔŋ otime uwem oro, mmɔ enyuŋ esuŋi mbufo.

ERIYARARE 16:14

mmɔ edi spirit mme demon emi enamde mme idiɔŋɔ, emi enyuŋ ewɔŋɔde eka ke ɔtɔ ndidem kpukpru ekondo, nditaŋ mmɔ mbok ɔtɔ kiet edi ekɔŋ akwa usen Abasi, Andikara kpukpru ŋkpɔ.