JOSHUA 10:20 - Edisana ñwed Abasi Ibom

²⁰ Edikem adaŋemi Joshua ye nditɔ Israel ema ekewot mmɔ ata akwa eriwot ntre, tutu mmɔ ekure, ndien mmɔ eke esuhɔde ebɔhɔ eduk ke obio ibibene.

JOSHUA 10:20 ပူးပေါင်းရင်းမြစ်များ

2 SAMUEL 20:6

Ndien David ɔdɔhɔ Abishai, ete, Ke emi Sheba eyen Bichri eyenam nnyin idiɔk akan Absalom: afo da ikɔt usɔ kebine enye, mbak enye edisim obio ibibene, onyuŋ osio nnyin enyin.

1 NDIDEM 20:21

Edikem Israel onyuŋ ɔwɔrɔ aka akasuan mme horse ye mme chariot, onyuŋ owot mme Syrian ata ediwak owo.

2 CHRONICLES 13:17

Ndien Abijah ye ikɔt esie ewot mmɔ ata ediwak owo: Israel enyuŋ eduɔŋɔ afai, esim tɔsin edimek owo ikie ition.

JEREMIAH 4:5

Mbufo etiŋ ke Judah, enyuŋ ebuk ke Jerusalem, enyuŋ edɔhɔ, enyuŋ efuri ukorowo ke isɔŋ; efiori ɔkpɔsɔŋ, enyuŋ edɔhɔ ete, Mbufo esop idem, ndien yak nnyin iduk ke mme obio ibibene.

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

DEUTERONOMY 20:16

Edi ama edi mme obio mme idut emi Jehovah Abasi fo ɔnɔde fi ke udeme, kunim baba ŋkpɔ kiet eke ɔduɔkde ibifik ke uwem:

JOSHUA 10:10

Ndien Jehovah asuan mmɔ ke iso Israel, onyuŋ osobo mmɔ akamba nsobo ke Gibeon, onyuŋ ebine mmɔ oduk ke usuŋ emi edɔkde eka Beth-horon, onyuŋ osobo mmɔ tutu osim ke Azekah ye Makkedah.

JOSHUA 10:19

ndien mbufo ekutuak eda, edi ebine mme asua mbufo, enyuŋ ewot mmɔ eke edude ke ukperedem: ekuyak mmɔ eduk ke obio mmɔ: koro Jehovah Abasi mbufo adade mmɔ esin mbufo ke ubɔk.

JOSHUA 10:21

Ndien kpukpru owo efiak ke nna, etiene Joshua ke Makkedah ke ifure: owo ndomo kiet itutke baba eyen Israel kiet inua.

JOSHUA 11:12

Ndien Joshua ada kpukpru obio mbɔŋ oro, ye kpukpru mbɔŋ mmɔ, onyuŋ owot mmɔ ke iso ofut, osobo mmɔ fap, kpa nte Moses owo Jehovah okowukde.

JOSHUA 11:8

Ndien Jehovah emen mmɔ esin Israel ke ubɔk, ndien mmɔ ewot mmɔ, enyuŋ ebine mmɔ tutu esim ke akwa Zidon, ye ke Misrephoth-maim, ye ke itihere Mizpeh ke edem usiaha-utin; enyuŋ ewot mmɔ, tutu isuhɔke baba nsuhɔ kiet inɔ mmɔ.

JOSHUA 8:24

Edikem adaŋemi Israel ema ekewot kpukpru mme andiduŋ Ai ema ke iŋwaŋ, ye ke ikɔt eke ebinede mmɔ ke esit, ndien adaŋemi kpukpru mmɔ eduɔŋɔde ke iso ofut, tutu esobo mmɔ ema, ndien ofuri Israel efiak edem eka Ai, ekebiat enye ke iso ofut.