JOSHUA 1:7 - Edisana ñwed Abasi Ibom

⁷ Edi sɔŋ ubɔk, nyuŋ sɔŋ esit eti-eti, ndikpeme nnyuŋ nnam kpukpru mbet emi Moses owo mi eketemede fi: kuwɔŋɔre ukpɔŋ enye uka nnasia mme ufien, man otim anam kpukpru ŋkpɔ eke afo edikade.

JOSHUA 1:7 ပူးပေါင်းရင်းမြစ်များ

1 NDIDEM 2:2

ete, Ami mmɔŋ ŋka usuŋ ofuri ererimbot: sɔŋ ubɔk, ndien, nyuŋ nam ido erenowo;

1 NDIDEM 2:3

nyuŋ kpeme mme ewuhɔ Jehovah Abasi fo, nyuŋ saŋa ke usuŋ esie, nyuŋ kpeme mme ewuhɔ esie, ye mbet esie, ye mme item esie, ye ikɔ ntiense esie, kpa nte emi ewetde ke ŋwed ewuhɔ Moses, man afo ada ɔniɔŋ anam kpukpru se afo anamde, ke kpukpru ebiet eke afo akabarede aka;

2 NDIDEM 22:2

Ndien enye anam se inende ke iso Jehovah, onyuŋ asaŋa ke kpukpru usuŋ David ete esie, inyuŋ iwahake iduk nnasia inyuŋ iduk ufien.

1 CHRONICLES 22:13

Afo eyekut unen, ndien, edieke edikpemede ndinim mme ewuhɔ ye mme item emi Jehovah okowukde Moses abaŋa Israel: sɔŋ esit, sɔŋ idem; kufehe, kunyuŋ udikhe.

2 CHRONICLES 15:7

Mbufo ndien esɔŋ idem, ubɔk okunyuŋ emem mbufo: koro se mbufo enamde edinyenede utip.

2 CHRONICLES 26:5

Ndien enye etiene Abasi ke eyo Zechariah, emi ekenyenede ifiɔk ŋkukut Abasi: ndien adaŋa ini nte enye etienede Jehovah, Abasi ofori enye.

ŊWED JOB 1:8

Ndien Jehovah ɔdɔhɔ Satan, ete, Nte afo emetim ese owo mi Job? koro owo eke ebietde enye miduhe ke ererimbot, ɔfɔn ama, onyuŋ enen, onyuŋ abak Abasi, onyuŋ afara ke idiɔk.

ŊWED MME PSALM 80:19

O Jehovah Abasi mme udim, da nnyin fiak, nam iso fo ayama; ndien nnyin iyedu ke ifure.

MME ŊKE 4:27

Kuwɔŋɔre uka nnasia, kunyuŋ uwɔŋɔre ufien sio ukot fo fep ke idiɔk.

MME ŊKE 8:20

Nsasaŋa ke usuŋ eke enende, ke ufɔt ɔkpɔ-usuŋ ikpe;

DANIEL 10:19

Kufehe, O owo emi enemde Abasi esit; ɔfɔn ɔnɔ fi, sɔŋ esit, tim sɔŋ esit. Ndien ke adaŋemi enye ɔdɔhɔde ntre ye ami, ami ŋkop idem, nnyuŋ ndɔhɔ nte, Yak Ɔbɔŋ mi etiŋ ndien; koro afo amanam idem ɔsɔŋ mi.

NUMBERS 27:23

ndien enye ada ubɔk odori enye ke idem onyuŋ ɔnɔ enye item; kpa nte Jehovah eketemede ke ubɔk Moses.

DEUTERONOMY 11:8

Mbufo enim ndien kpukpru mme ewuhɔ emi ami ŋwukde mbufo mfin emi, man mbufo esɔŋɔ, enyuŋ eduk ekeda isɔŋ emi mbufo eyomde ndibe ŋkada enye nnyene;

DEUTERONOMY 12:32

Mbufo ekpeme ndinam kpukpru ikɔ emi ami ntemede mbufo: kudian ŋkpɔ ke esit, kunyuŋ usio ke esit ufep.

DEUTERONOMY 28:14

kunyuŋ ufep idem ke baba ikɔ kiet eke ami ntemede mbufo mfin emi, uwaha uka ke nnasia, mme ke ufien ŋketiene mme abasi efen nnam ŋkpɔ mmɔ.

DEUTERONOMY 29:8

ndien nnyin ida isɔŋ mmɔ inɔ mme Reubenite, ye mme Gadite, ye ibio esien Manasseh ke udeme.

DEUTERONOMY 29:9

Mbufo ekpeme, ndien, ikɔ ediomi emi, enyuŋ enam mmɔ, man ekut unen ke kpukpru se mbufo edinamde.

DEUTERONOMY 31:7

Ndien Moses okot Joshua, onyuŋ ɔdɔhɔ enye ke iso ofuri Israel, ete, Sɔŋɔ idem, nyuŋ nyene esit: koro afo edisaŋade ye mbon emi aka isɔŋ emi Jehovah ɔkɔŋwɔŋɔde ɔnɔ mme ete mmɔ ete iyenɔ mmɔ; afo eyenyuŋ edeme enye ɔnɔ mmɔ.

DEUTERONOMY 4:2

Ekuda ikɔ efen edian ke ikɔ emi ami ntemede mbufo, ekunyuŋ esio ke esit efep, man mbufo enim mbet Jehovah Abasi mbufo emi ami ntemede mbufo.

DEUTERONOMY 5:32

Mbufo etiŋ enyin ndien enam kpa nte emi Jehovah Abasi mbufo etemede mbufo: ekuwaha eka nnasia, ekunyuŋ eka ufien.

JOSHUA 1:1

EDIKEM, ke adaŋemi Moses owo Jehovah ama akakpa, Jehovah ɔdɔhɔ Joshua eyen Nun, asaŋutom Moses, ete, Moses owo mi amakpa;

JOSHUA 1:8

Kuyak ŋwed mbet emi ɔwɔrɔ ɔkpɔŋ inua fo; edi kere enye ke uwemeyo ye ke okoneyo, man afo ekpeme ndinam kpukpru se ewetde ke esit: koro ntem ke afo edikut unen ke usuŋ fo,

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

JOSHUA 11:15

Kpa nte Jehovah eketemede Moses owo esie, ntre ke Moses onyuŋ eteme Joshua, kpa ntre ŋko ke Joshua onyuŋ anam; enye ikpɔŋke baba ŋkpɔ kiet ke kpukpru se Jehovah eketemede Moses.

JOSHUA 23:6

Mbufo esɔŋ ubɔk eti-eti, ndien, etim enim kpukpru se ekewetde ke ŋwed ewuhɔ Moses, man mbufo ekuwaha ekpɔŋ enye eka nnasia, mme ufien;