JOSHUA 1:6 - Edisana ñwed Abasi Ibom

⁶ Sɔŋ ubɔk, nyuŋ sɔŋ esit: koro afo eyeda isɔŋ emi ŋkɔŋwɔŋɔde nnɔ mme ete mbio emi nte ke ndinɔ mmɔ, edeme ɔnɔ mmɔ.

JOSHUA 1:6 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 26:3

Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

2 SAMUEL 10:12

ami nyedi ndinyaŋa fi. Sɔŋ esit, yak nnyin inyuŋ inam nte iren-owo inɔ oruk nnyin, ye mme obio Abasi nnyin: yak Jehovah onyuŋ anam nte enye amade.

1 NDIDEM 2:2

ete, Ami mmɔŋ ŋka usuŋ ofuri ererimbot: sɔŋ ubɔk, ndien, nyuŋ nam ido erenowo;

1 CHRONICLES 22:13

Afo eyekut unen, ndien, edieke edikpemede ndinim mme ewuhɔ ye mme item emi Jehovah okowukde Moses abaŋa Israel: sɔŋ esit, sɔŋ idem; kufehe, kunyuŋ udikhe.

1 CHRONICLES 28:10

Kpeme idem, ndien; koro Jehovah emekde fi, ete ɔbɔp ufɔk ɔnɔ edisana ebiet: sɔŋ ubɔk nam.

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

2 CHRONICLES 15:7

Mbufo ndien esɔŋ idem, ubɔk okunyuŋ emem mbufo: koro se mbufo enamde edinyenede utip.

2 CHRONICLES 20:11

ndien sese, mmɔ enam nnyin usiene ke eridi ndibin nnyin mfep ke udeme fo emi afo ɔkɔnɔde nnyin, ete ida inyene,

2 CHRONICLES 20:7

Nte afo, O Abasi nnyin, ukebinke mme andiduŋ isɔŋ emi ke iso ikɔt fo Israel ufep, ukonyuŋ udaha enye unɔ ubon Abraham andima fi ke nsinsi?

ŊWED MME PSALM 27:14

Bet Jehovah: sɔŋ idem, ndien enye eyesɔŋ fi esit: tim bet Jehovah.

DANIEL 10:19

Kufehe, O owo emi enemde Abasi esit; ɔfɔn ɔnɔ fi, sɔŋ esit, tim sɔŋ esit. Ndien ke adaŋemi enye ɔdɔhɔde ntre ye ami, ami ŋkop idem, nnyuŋ ndɔhɔ nte, Yak Ɔbɔŋ mi etiŋ ndien; koro afo amanam idem ɔsɔŋ mi.

HAGGAI 2:4

Edi ke emi Jehovah ɔdɔhɔ ete, O Zerubbabel, sɔŋ esit; O Joshua eyen Jehozadak, akwa oku, sɔŋ esit ŋko; ofuri mbio-obio, mbufo enyuŋ esɔŋ esit ŋko-ŋko; ke edi uyo Jehovah; mbufo enyuŋ enam utom, koro ami ndude ye mbufo; ke edi uyo Jehovah mme udim:

ZECHARIAH 8:9

Ntem ke Jehovah mme udim ɔdɔhɔ, ete, Yak ubɔk esɔŋ mbufo emi ke mme usen emi edikopde ikɔ emi ke inua mme prophet oro ekedude ke usen oro eketɔŋɔde ndibɔp ufɔk Jehovah mme udim, kpa temple, man ediɔŋ enye.

NUMBERS 26:53

Yak ebahare isɔŋ enɔ mme mmɔ emi ke udeme, nte ibat enyiŋ asaŋade.

NUMBERS 33:53

Ndien mbufo ebin (mme enyene) isɔŋ efep, enyuŋ eduŋ ke esit: koro mmada isɔŋ emi nnɔ mbufo nte enyene.

1 ŊWED CORINTH 16:13

Edu ke ukpeme; esɔŋɔ eda ke mbuɔtidem; enam ŋkpɔ nte iren-owo; ekop odudu.

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

DEUTERONOMY 1:21

Sese Jehovah Abasi fo omonim isɔŋ oro ke iso fo: dɔk kada enye nyene, kpa nte Jehovah Abasi mme usɔ ɔkɔdɔhɔde fi; kufehe, kunyuŋ uduɔ esit.

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 11:8

Mbufo enim ndien kpukpru mme ewuhɔ emi ami ŋwukde mbufo mfin emi, man mbufo esɔŋɔ, enyuŋ eduk ekeda isɔŋ emi mbufo eyomde ndibe ŋkada enye nnyene;

DEUTERONOMY 31:23

Enye onyuŋ eteme Joshua eyen Nun, ete, Sɔŋɔ idem, nyuŋ nyene esit: koro afo edidade nditɔ Israel oduk ke isɔŋ emi ŋkɔŋwɔŋɔde nnɔ mmɔ: ami nyenyuŋ ndu ye afo.

2 ŊWED TIMOTHY 2:1

AFO ndien, eyen mi, sɔŋɔ idem ke mfɔn eke odude ke Christ Jesus.

JOSHUA 1:18

Kpukpru owo eke edimiomde uyo fo, midinyuŋ ikopke ikɔ fo, ke kpukpru se afo editemede mmɔ, eyekpaŋa: edi kam sɔŋ ubɔk nyuŋ sɔŋ esit.

JOSHUA 1:7

Edi sɔŋ ubɔk, nyuŋ sɔŋ esit eti-eti, ndikpeme nnyuŋ nnam kpukpru mbet emi Moses owo mi eketemede fi: kuwɔŋɔre ukpɔŋ enye uka nnasia mme ufien, man otim anam kpukpru ŋkpɔ eke afo edikade.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

JOSHUA 10:25

Ndien Joshua ɔdɔhɔ ete, Mbufo ekudikhe, ekunyuŋ eyak esit ɔduɔ mbufo, esɔŋɔ ubɔk, enyuŋ esɔŋɔ esit: koro ntem ke Jehovah edinam ye kpukpru mme asua mbufo eke mbufo eŋwanade ekɔŋ ye mmɔ.

JOSHUA 13:6

Kpukpru mme andiduŋ ikpɔ obot, ɔtɔŋɔde ke Lebanon tutu osim ke Misrephoth-maim, kpukpru mme Zidonian, mmɔ ke ami ndisioŋo mfep ke iso nditɔ Israel: edi sin afia, da enye nɔ Israel ke udeme, kpa nte ŋketemede fi.

JOSHUA 18:3

Ndien Joshua ɔdɔhɔ nditɔ Israel, ete, Adaŋa didie ke mbufo edinam nduduhɔ ke erika ŋkada isɔŋ, emi Jehovah Abasi mme ete mbufo ɔnɔde mbufo?

JOSHUA 21:43

Ntem Jehovah ɔnɔ Israel ofuri isɔŋ oro enye ɔkɔŋwɔŋɔde, ete iyenɔ mme ete mmɔ; eda enye enyene, enyuŋ eduŋ ke esit.

JOSHUA 5:6

Koro nditɔ Israel esaŋade ke wilderness ke isua aba, tutu kpukpru owo ke otu mbon ekɔŋ oro eketode ke Egypt, ekure, koro mmɔ mikekopke uyo Jehovah: emi Jehovah ɔkɔŋwɔŋɔde abaŋa mmɔ, ete ke imɔ idiwutke mmɔ isɔŋ oro Jehovah ɔkɔŋwɔŋɔde ɔnɔ mme ete mmɔ, ete iyenɔ nnyin, isɔŋ emi ɔfiɔrɔde mmɔŋ-eba ye aran-ɔkwɔk.

1 SAMUEL 4:9

Mbufo mme Philistine, esɔŋɔ idem, enyuŋ edi iren-owo, mbak edikabare edi ifin mme Hebrew, kpa nte mmɔ ekedide ifin mbufo: edi iren-owo, ndien, enyuŋ eŋwana ekɔŋ.