JOSHUA 1:1 - Edisana ñwed Abasi Ibom

¹ EDIKEM, ke adaŋemi Moses owo Jehovah ama akakpa, Jehovah ɔdɔhɔ Joshua eyen Nun, asaŋutom Moses, ete, Moses owo mi amakpa;

JOSHUA 1:1 ပူးပေါင်းရင်းမြစ်များ

1 NDIDEM 19:16

nyuŋ yet Jehu eyen Nimshi aran nim ke edidem Israel: nyuŋ yet Elisha eyen Shaphat, emi otode ke Abel meholah, nim ke prophet ke itie fo.

2 NDIDEM 3:11

Ndien Jehoshaphat ɔdɔhɔ ete, Nte prophet Jehovah eke nnyin ikpedade ibup Jehovah, iduhe mi? Ndien owo ikɔt edidem Israel kiet ɔbɔrɔ ete, Elisha eyen Shaphat, emi ɔkɔtɔhɔde Elijah mmɔŋ ke ubɔk, odu mi.

NEHEMIAH 8:17

Ndien ofuri esop oro eketode ke itie mbuot-ekɔŋ efiak edi enam ataya, enyuŋ eduŋ ke ataya oro: koro nditɔ Israel mikanamke ntre toto ke eyo Joshua eyen Nun, tutu osim mfin emi ndien ata akamba idaresit odu:

EXODUS 24:13

Ndien Moses adaha ke enyɔn, ye Joshua asaŋa-utom esie; ndien Moses ɔdɔk ke obot Abasi.

NUMBERS 11:28

Ndien Joshua eyen Nun, asaŋa-utom Moses, akparawa esie kiet, ɔbɔrɔ ete, Ɔbɔŋ mi Moses, kpan mmɔ.

NUMBERS 12:7

Moses owo mi itiehe ntem: enye edi owo akpanikɔ ke ofuri ufɔk mi.

NUMBERS 13:16

Mme mmɔ emi edi enyiŋ mbon oro Moses ɔkɔdɔŋde ekeyep isɔŋ oro. Ndien Moses osio Hoshea eyen Nun enyiŋ Joshua.

NUMBERS 13:8

Eke esien Ekpraim, Hoshea eyen Nun.

LUKE 16:10

Owo eke anamde akpanikɔ ke ata ekpri ŋkpɔ onyuŋ anam akpanikɔ ke akamba ŋkpɔ; owo eke akwaŋade ke ata ekpri ŋkpɔ onyuŋ akwaŋa ke akamba ŋkpɔ.

UTOM MME APOSTLE 7:45

Mme ete nnyin ŋko eda ataya emi esaŋa ye Joshua eduk, ke ini mmɔ edade isɔŋ mme idut, emi Abasi ebinde osio ke iso mme ete nnyin, enyene, tutu osim eyo David:

ŊWED MBON ROME 1:1

PAUL, owo Jesus Christ, emi Abasi okokotde ete edidi apostle, onyuŋ adianarede onim ɔnɔ gospel Esie

DEUTERONOMY 1:38

ama edi Joshua eyen Nun, emi adade ke iso fo, enye eyeduk do: sɔŋɔ enye esit: koro edi enye edideme enye ɔnɔ Israel.

DEUTERONOMY 31:23

Enye onyuŋ eteme Joshua eyen Nun, ete, Sɔŋɔ idem, nyuŋ nyene esit: koro afo edidade nditɔ Israel oduk ke isɔŋ emi ŋkɔŋwɔŋɔde nnɔ mmɔ: ami nyenyuŋ ndu ye afo.

DEUTERONOMY 31:3

Edi Jehovah Abasi fo eyebem fi iso ebe, enye eyesobo mme idut emi ke iso fo efep, ndien mbufo eyeda mmɔ enyene: Joshua eyenyuŋ ebem fi iso ebe, kpa nte Jehovah ɔkɔdɔhɔde.

DEUTERONOMY 33:1

EMI onyuŋ edi eridiɔŋ emi Moses, owo Abasi, adade ɔdiɔŋ nditɔ Israel, ke enye mika-ikpaha kaŋa.

DEUTERONOMY 34:12

ye ke ofuri nsɔŋubɔk oro, ye kpukpru akpakop ŋkpɔ ndik emi Moses akanamde ke iso ofuri Israel.

DEUTERONOMY 34:5

Ndien Moses owo Jehovah akpa do ke isɔŋ Moab, ke uyo Jehovah.

DEUTERONOMY 34:9

Ndien spirit ɔniɔŋ ɔyɔhɔ Joshua eyen Nun ke idem: koro Moses akadade ubɔk esie odori enye ke idem: ndien nditɔ Israel ekop uyo esie, enyuŋ enam kpa nte Jehovah eketemede Moses.

TITUS 1:1

AMI Paul, emi ndide owo Abasi ye apostle Jesus Christ, man ndimek ikɔt Abasi enyene mbuɔtidem, enyuŋ enyene ifiɔk akpanikɔ eke asaŋade ye uteŋe Abasi, ke idori-enyin nsinsi uwem;

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.

JOSHUA 1:15

tutu Jehovah ɔnɔ nditɔ-ete mbufo itie iduŋ, nte mbufo, mmɔ enyuŋ eda isɔŋ emi Jehovah Abasi mbufo ɔnɔde mmɔ: ndien mbufo efiak ke isɔŋ emi mbufo ekedade, enyuŋ enyene enye, emi Moses owo Jehovah ɔkɔnɔde mbufo ke edem Jordan oko, ke edem usiaha-utin.

JOSHUA 1:2

daha ke enyɔŋ, ndien, be Jordan emi, afo, ye kpukpru mbio emi, koduk ke isɔŋ emi ami nnɔde mmɔ, kpa nditɔ Israel.

JOSHUA 12:6

Moses owo Jehovah, ye nditɔ Israel esuan mmɔ oro: ndien Moses owo Jehovah ada enye ɔnɔ mme Reubenite, ye mme Gadite, ye ibio esien Manasseh, ete eda enyene.

ERIYARARE 1:18

Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.