JONAH 3:10 - Edisana ñwed Abasi Ibom

¹⁰ Ndien Abasi okut se mmɔ enamde, koro mmɔ ekpɔŋde mme idiɔk ido mmɔ efiak edem; Abasi onyuŋ akabare esit ke idiɔk-ŋkpɔ oro enye ɔkɔdɔhɔde, ete ke imɔ iyenam mmɔ; ndien etre, inamke.

JONAH 3:10 ပူးပေါင်းရင်းမြစ်များ

1 CHRONICLES 21:15

Abasi onyuŋ ɔdɔŋ angel esie, ete aka okosobo Jerusalem: ndien ke ini enye osobode, Jehovah ese, onyuŋ atua mkpɔfiɔk ke idiɔk-ŋkpɔ oro, onyuŋ ɔdɔhɔ angel emi osobode, ete, Ekem, suk ubɔk fo, ndien. Ndien angel Jehovah ke ada ke ebiet-ubek-ibokpot Ornan Jebusite.

EXODUS 32:14

Ntem ke Jehovah adahado ke idiɔk-ŋkpɔ emi enye ekekerede ndinam ikɔt esiemɔ.

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

JEREMIAH 18:7

Edieke ndɔhɔde ini kiet mbaŋa idut, ye obio, nte nyedibere, nnyuŋ ŋwuri, nnyuŋ nsobo;

JEREMIAH 18:8

ndien edieke obio oro ŋkɔdɔhɔde mbaŋa, akabarede ɔkpɔŋ idiɔk ido mmɔ, nyefen idiɔk-ŋkpɔ oro ŋkaduakde ndinam mmɔ.

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 42:10

Edieke mbufo ediduŋde ke isɔŋ emi, ndien nyediɔŋ mbufo, ndiwurike, nyetɔ mbufo, ndidibekede: koro mbɔm idiɔk-ŋkpɔ oro nnamde mbufo anamde mi.

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

AMOS 7:3

Emi esin Jehovah akabare ido: Jehovah ɔdɔhɔ, ete, Ididige.

AMOS 7:6

Emi esin Jehovah akabare ido. Ɔbɔŋ Jehovah ɔdɔhɔ, ete, Emi ŋko ididige.

JONAH 4:11

Nte ami ndien ŋkpenyeneke mbɔm ye Nineveh, akwa obio emi tɔsin owo itie ikie ye edip ye udori, emi midiɔŋɔke ubɔk nnasia mmɔ ye ufien mmɔ, ye ediwak ufene ŋko, edude ke esit.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

LUKE 11:32

Mbon Nineveh eyedaha eda ke ikpe ye emana emi, enyuŋ ebiom enye; koro mmɔ ekakabarede esit ke erikwɔrɔ Jonah; ndien sese, Enye emi okponde akan Jonah odu mi.

LUKE 15:20

Ndien enye adaha ke enyɔŋ etiene ete esie. Edi ke ini enye odude kaŋa nsan-nsan, ete esie okut enye, onyuŋ atua enye mbɔm, efehe, awaŋa enye ke itɔŋ, onyuŋ otim enye inua.