JONAH 1:14 - Edisana ñwed Abasi Ibom

¹⁴ Ndien mmɔ efiori ekot Jehovah, enyuŋ edɔhɔ enye, ete, Mbɔk, O Jehovah, kuyak nnyin itak ibaŋa uwem owo emi, kunyuŋ udori nnyin iyip owo eke miduehe isop: koro afo, O Jehovah, amanam kpa nte afo amade.

JONAH 1:14 ပူးပေါင်းရင်းမြစ်များ

GENESIS 9:6

Ama edi owo eke ɔduɔkde iyip owo, owo eyeduɔk iyip esie: koro ke mbiet Abasi ke enye akanam owo.

ŊWED MME PSALM 107:28

Ndien ke ini mmɔ esemede enɔ Jehovah ke nnanenyin mmɔ, enye osio mmɔ ke itie ukut mmɔ.

ŊWED MME PSALM 115:3

Ŋkɔm Abasi nnyin ododu ke heaven: anam kpukpru se enye amade.

ŊWED MME PSALM 135:6

Jehovah akanam kpukpru se enye amade ke enyɔŋ, ye ke isɔŋ, ye ke mmɔŋ, ye ke kpukpru mme udem.

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

JONAH 1:13

Ndien mbon oro ewat, ete ifiak edem isim obot; edi akak mmɔ: koro inyaŋ ɔdiɔŋde diɔŋ adama anam mmɔ aka iso.

JONAH 1:16

Ndien mbon oro efehe Jehovah akwa ndik eti-eti, enyuŋ ewa uwa enɔ Jehovah, enyuŋ ekaŋa ekaŋa.

JONAH 1:5

Ndien mbon ubom efehe ndik, kpukpru mmɔ enyuŋ efiori ekot abasi mmɔ, enyuŋ esioŋo ŋkpɔ eke edude ke ubom eduɔŋɔ ke inyaŋ, man ebiomore mmɔ enam ubom efere. Ndien Jonah ama ɔsuhɔre ke esit ubom, onyuŋ ana ede ɔkpɔsɔŋ idap.

JONAH 3:8

edi yak owo ye ufene esine ɔfɔŋ-ikpo ke idem, enyuŋ eseme enɔ Abasi ɔkpɔsɔŋ; yak kpukpru owo enyuŋ ekpɔŋ idiɔk ido mmɔ, ye afai eke odude mmɔ ke ubɔk efiak edem.

MATTHEW 11:26

Edi ntre, Ete, koro enemde Fi ntem ke enyin.

UTOM MME APOSTLE 28:4

Ndien ke ini nditɔ idut oro ekutde nte anyan unam oro eyirede enye ke ubɔk, mmɔ eneme ye kiet eken ete, Owo emi itreke tre ndidi owot -owo. Okposuk edi nte enye ɔbɔhɔde inyaŋ, Edinen Ikpe inyimeke enye odu uwem.

ŊWED MBON EPHESUS 1:11

Ke Christ enyuŋ enam nnyin (mme Jew) idi udeme Abasi, sia Enye, emi adade ekikere esit Esie anam kpukpru ŋkpɔ ewɔrɔ, ekebemde iso aduak ndinim nnyin nnɔ emi;

ŊWED MBON EPHESUS 1:9

ke erinɔ nnyin kpukpru ɔniɔŋ ye asian, onyuŋ anam nnyin ifiɔk ŋkpɔ eke okodibede ke esit Esie, kpa nte enemde Enye esit ndiduak ke Christ;

DEUTERONOMY 21:8

Dahado nɔ ikɔt fo Israel, emi afo, O Jehovah akafakde; kunyuŋ uda iyip owo emi miduehe isop udori ikɔt fo Israel. Ndien eyedahado ke iyip oro enɔ mmɔ.