JONAH 1:12 - Edisana ñwed Abasi Ibom

¹² Ndien enye ɔbɔrɔ mmɔ, ete, Mbufo emen mi etop ke inyaŋ, ndien inyaŋ eye-suhɔ ɔnɔ mbufo: koro ami mmɔfiɔk nte ke akamba oyobio emi anam mbufo abaŋa mi.

JONAH 1:12 ပူးပေါင်းရင်းမြစ်များ

2 SAMUEL 24:17

Ndien David ɔdɔhɔ Jehovah, ke ini enye okutde angel oro owotde mbio-mbio, ete, Sese, ami ŋkedue, ŋkonyuŋ nnam se ikwaŋade: edi ŋkpri ufene emi ekenam nso? Mbɔk, yak ubɔk fo odoro mi, ye ufɔk ete mi.

1 CHRONICLES 21:17

David onyuŋ ɔdɔhɔ Abasi, ete, Nte idige ami ŋkɔdɔhɔ, nte ebat mbio-obio? Nte idige ami ŋkedue ŋko, nnyuŋ nnam idiɔk eti-eti? Edi ama edi ufene emi, nso ke mmɔ ekenam? Jehovah Abasi mi, mbɔk, da ubɔk fo dori mi ke idem, ye ufɔk ete mi; edi kudori ikɔt fo, kunyuŋ umia mmɔ ufen.

ŊWED JOB 35:8

Idiɔk ido fo osim owo nte afo: eti ido fo onyuŋ otuk eyen owo.

ECCLESIASTES 9:18

Eti ibuot ɔfɔn akan ŋkpɔ-ekɔŋ, ndien anam-idiɔk kiet abiat ediwak nti ŋkpɔ.

JONAH 1:11

Ndien mmɔ ebup enye, ete, Nnyin idinam fi didie, man inyaŋ ɔsuhɔ ɔnɔ nnyin? Koro inyaŋ ɔdiɔŋde diɔŋ adama aka iso.

JONAH 1:13

Ndien mbon oro ewat, ete ifiak edem isim obot; edi akak mmɔ: koro inyaŋ ɔdiɔŋde diɔŋ adama anam mmɔ aka iso.

JOHN 11:50

inyuŋ ikereke ite ɔfɔn owo kiet ndikpakpa kabaŋa ufɔn mbio-obio, akan ɔfuri obio nditak.

UTOM MME APOSTLE 27:24

afo enyene ndika ke iso Caesar: ndien sese, Abasi ayak kpukpru mmɔ emi ewatde ye afo ɔnɔ fi.

JOSHUA 7:12

Ndien nditɔ Israel ikwe nte edade ke iso mme asua mmɔ, mmɔ ekpa edem enɔ mme asua mmɔ, koro mmɔ edide ŋkpɔ nsobo: ndinyuŋ nduhe aba ye mbufo, ke mbufo misoboke ŋkpɔ nsobo ke otu mbufo ifep.