JOHN 9:16 - Edisana ñwed Abasi Ibom

¹⁶ Mmɔdo ndusuk mme Pharisee edɔhɔ ete, Owo emi itoho Abasi, koro Enye minimke sabbath. Mmɔ efen ete, Owo emi edide anam-idiɔk ekeme didie ndinam oruk idiɔŋɔ eke etiede ntem? Ntre ke ubahare odu ke otu mmɔ.

JOHN 9:16 ပူးပေါင်းရင်းမြစ်များ

MATTHEW 12:10

ndien sese, owo emi ubɔk esie akpade odu do. Mmɔ ebup Enye ete, Nte enen ndinam udɔŋɔ okure ke usen sabbath? kpaŋ mmɔ ekpe-nyene se edoride Enye.

MATTHEW 12:2

Edi ke ini mme Pharisee ekutde, mmɔ edɔhɔ Enye ete, Sese, mbet Fo ke enam se minenke owo ndinam ke usen sabbath.

LUKE 13:14

Edi etubom synagogue ayat esit koro Jesus anamde udɔŋɔ okure ke sabbath onyuŋ ɔdɔhɔ mbio oro, ete, Usen itiokiet edu nte owo ekpenamde utom ke esit: mbufo edi ke mme usen oro, man enam udɔŋɔ ekure mbufo; ekudi ke sabbath.

JOHN 10:19

Ubahare ɔtɔŋɔ ntak otibe ke otu mme Jew kabaŋa mme ikɔ emi.

JOHN 14:11

Enim Mi ke akpanikɔ ete, Ami ndu ke Ete, Ete onyuŋ odu Mi ke idem; midige, enim se ntiŋde ke akpanikɔ ke ntak utom Mi.

JOHN 15:24

Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

JOHN 2:11

Jesus akanam akpa idiɔŋɔ emi ke Cana ke Galilee, ayarare ubɔŋ Esie; mbet Esie enyuŋ ebuɔt idem ye Enye.

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

JOHN 5:10

Ekedi sabbath ke usen oro. Ntre ke mme Jew edɔhɔ owo emi ekanamde udɔŋɔ okure enye, ete, Mfin edi sabbath; inenke fi ndikama mbri fo.

JOHN 5:36

Edi Ami mmenyene ikɔ-ntiense emi okponde akan eke John; koro mme utom emi Ete ɔkɔnɔde Mi ete nnam, kpa utom emi nnanam, mmɔ enyuŋ edi ntiense enɔ Mi, ete, Ete okosio Mi ɔdɔŋ.

JOHN 6:52

Ntem ke mme Jew eneni ye kiet eken ete, Owo emi ekeme didie ndinɔ nnyin obukidem Esie idia?

JOHN 7:12

Ndien akwa nsuk-uyo odu ke otu mme otu owo abaŋa Enye: ndusuk mmɔ ete, Enye edi eti owo; mmɔ eken ete, Idige: edi Enye ada mbio-obio awaha ɔkpɔŋ usuŋ.

JOHN 7:23

Edieke owo anade mbobi ke sabbath mbak edibiat ibet Moses; nte mbufo eyat esit ye Ami, koro ŋkanamde owo okop uyɔhɔ nsɔŋidem ke sabbath?

JOHN 7:43

Ntre ke ubahare otibe ke ufɔt otu owo kabaŋa Enye.

JOHN 9:24

Ntre ke mme Jew etɔŋɔ ntak ekot owo oro ekedide nnan, ete enye, Men ubɔŋ nɔ Abasi; nnyin imɔfiɔk ite owo emi edi anam-idiɔk.

UTOM MME APOSTLE 14:4

Edi mbio-obio ebahare; usuk mmɔ eda ye mme Jew, usuk eda ye mme apostle.