JOHN 8:58 - Edisana ñwed Abasi Ibom

⁵⁸ Jesus ɔbɔrɔ mmɔ ete, Ke akpanikɔ ke ndɔhɔ mbufo nte, Ami ndudu ndien Abraham edimana.

JOHN 8:58 ပူးပေါင်းရင်းမြစ်များ

EXODUS 3:14

Ndien Abasi ɔdɔhɔ Moses ete, AMI NDUDU EMI NDUDU: enye onyuŋ ɔdɔhɔ ete, Ntem ke afo edidɔhɔ nditɔ Israel, ete, AMI NDUDU ɔdɔŋ mi ntiene mbufo.

ISAIAH 43:13

Ndien ŋko toto ke usen oro ami ndi enye; ndien baba owo kiet eke ekemede ndisio ke ubɔk mi iduhe; nyenam ŋkpɔ, ndien anie owo edikabare enye?

ISAIAH 44:6

Ntem ke edidem Israel, ye andifak enye, Jehovah mme udim, ɔdɔhɔ, ete, Ami ndi mbemiso, ami nnyuŋ ndi akpatre; ndien baba owo kiet iduhe ke mibɔhɔke ami.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 46:9

Mbufo eti akpa ŋkpɔ ke eset; koro ami ndide Abasi, efen minyuŋ iduhe; ndi Abasi, ndien baba kiet eke ebietde mi iduhe.

ISAIAH 48:12

Kop uyo mi, O Jacob, ye Israel, emi ŋkotde; ami ndi enye; ami ndi mbemiso, ami ŋko ndi akpatre.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

JOHN 10:25

Jesus ɔbɔrɔ mmɔ ete, Mma ntiŋ nnɔ mbufo, ndien mbufo inimke ke akpanikɔ: mme utom eke Ami nnamde ke enyiŋ Ete Mi edi ntiense enɔ Mi.

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

JOHN 8:24

Mmɔdo ndɔhɔ mbufo nte, Mbufo eyekpaŋa ke mme idiɔk-ŋkpɔ mbufo. Koro ke mbufo minimke ke akpanikɔ ite Ami ndi Enye, mbufo eyekpaŋa ke mme idiɔk-ŋkpɔ mbufo.

JOHN 8:28

Ntre ke Jesus ɔdɔhɔ mmɔ ete, Ke ini mbufo edimenerede Eyen Owo ke enyɔŋ, adaŋoro ke mbufo edifiɔk ete Ami ndi Enye nnyuŋ nnamke ŋkpɔ oto Idem Mi, edi kpa nte Ete ekekpepde Mi, kpa ntre ke ntetiŋ.

JOHN 8:34

Jesus ɔbɔrɔ mmɔ ete, Ke akpanikɔ ke ndɔhɔ mbufo, kpukpru owo eke anamde idiɔk-ŋkpɔ edi ofin idiɔk-ŋkpɔ.

JOHN 8:51

Ke akpanikɔ ke ndɔhɔ mbufo, Edieke owo onimde ikɔ Mi, enye idikpaha mkpa ke nsinsi.

ŊWED MBON COLOSSAE 1:17

Ndien Enye ebem kpukpru ŋkpɔ iso odu, kpukpru ŋkpɔ enyuŋ ekpaha ediana ke Enye.

MME HEBREW 13:8

Jesus Christ etie ukem-ukem, mkpɔŋ, ye mfin, ye ke nsinsi.

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ERIYARARE 2:8

Nyuŋ nɔ ŋwed esɔk angel ufɔk Abasi emi odude ke Smyrna, ete: Ntem ke Enye emi edide Mbemiso ye Akpatre, emi akakabarede akpa-mkpa, edi osuk odude uwem, ɔdɔhɔ ete,