JOHN 8:55 - Edisana ñwed Abasi Ibom

⁵⁵ ndien mbufo ikɔfiɔkke Enye; edi Ami mmɔfiɔk Enye. Edieke ŋkpɔdɔhɔde nte, Mfiɔkke Enye, nyedi osu-osu nte mbufo: edi Ami mmɔfiɔk Enye, nnyuŋ nnim ikɔ Esie.

JOHN 8:55 ပူးပေါင်းရင်းမြစ်များ

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

JEREMIAH 9:3

Ndien mmɔ enuk utiga mmɔ, kpa edeme mmɔ etop nsu: idaha akpanikɔ inam uko ke isɔŋ; koro mmɔ edediɔŋ eka iso ke idiɔk ido, ndien ifiɔkke mi: ke edi Jehovah ɔdɔhɔ.

HOSEA 5:4

Mmɔ inimke ido mmɔ man efiak etiene Abasi mmɔ: koro spirit use odude mmɔ ke idem, ndien mmɔ ifiɔkke Jehovah.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 15:21

Edi mmɔ eyenam mbufo kpukpru ŋkpɔ emi ke ntak Mi, koro mmɔ mifiɔkke Andidɔŋ Mi.

JOHN 16:3

Ndien mmɔ eyenam mme ŋkpɔ emi, koro mmɔ mikɔdiɔŋɔke Ete, minyuŋ idiɔŋɔke Mi.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 6:46

Emi ɔwɔrɔ ete owo baba kiet ikwe Ete, ebe Enye emi otode ke ɔtɔ Abasi: Enye okokut Ete.

JOHN 8:19

Ntem ke mmɔ edɔhɔ Enye ete, Ete Fo odu mmɔŋ? Jesus ɔbɔrɔ ete, Mbufo ifiɔkke Mi, inyuŋ ifiɔkke Ete Mi. Edieke mbufo ekpefiɔkde Mi, mbufo ekpenyuŋ efiɔk Ete Mi.

JOHN 8:29

Andidɔŋ Mi onyuŋ odu ye Ami: Enye ikɔkpɔŋke Mi ikpɔŋ; koro Ami nnamde se inemde Enye esit kpukpru ini.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

JOHN 8:51

Ke akpanikɔ ke ndɔhɔ mbufo, Edieke owo onimde ikɔ Mi, enye idikpaha mkpa ke nsinsi.

JOHN 8:52

Mme Jew ete Enye, Ke emi nnyin imɔfiɔk ite idat ke anam Fi. Abraham ama akpa ye mme prophet; edi Afo ete, Edieke owo onimde ikɔ Mi, enye iditabike mkpa ke nsinsi.

UTOM MME APOSTLE 17:23

mme andibak mme abasi eti-eti. Koro nte nsaŋade mbe nse mme ŋkpɔ eke mbufo ekponode, ŋkut itie-uwa kiet ŋkɔrɔ do, emi ewetde ke esit ete, EMI ENYENE ABASI EMI OWO MIFIƆKKE. Mmɔdo se mbufo etuakde ibuot enɔ ke unana-ifɔk, kpa oro ke ami ŋkwɔrɔ nnɔ mbufo.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

1 JOHN 1:6

Edieke idɔhɔde ite, iduk nduk ye Enye, ndien nnyin isaŋa ke ekim, nnyin isosu, inyuŋ inamke se idide akpanikɔ:

1 JOHN 2:22

Anie edi osu-nsu, ke midige owo eke afaŋade ete Jesus idige Christ. Owo eke afaŋade Ete ye Eyen, kpa enye edi andibiɔŋɔ Christ.

1 JOHN 2:4

Owo emi ɔdɔhɔde ete, Mmɔfiɔk Enye, ndien minimke mbet Esie, edi osu-nsu, akpanikɔ inyuŋ iduhe Enye ke esit;

1 JOHN 5:10

Owo eke ɔbuɔtde idem ye Eyen Abasi enyene ikɔ-ntiense emi ke esit esie. Edi owo eke minimke Abasi ke akpanikɔ akanam Abasi ɔwɔrɔ osu-nsu, sia enye midaha ikɔ-ntiense emi Abasi ɔkɔnɔde nte akpanikɔ.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.