JOHN 8:48 - Edisana ñwed Abasi Ibom

⁴⁸ Mme Jew ebɔrɔ Enye ete, Nte nnyin ineŋekere idɔhɔ ite Afo edi owo Samaria, idat onyuŋ anam Fi?

JOHN 8:48 ပူးပေါင်းရင်းမြစ်များ

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

MATTHEW 10:25

Ekem eyen ukpep-ŋkpɔ nditie nte andikpep enye, asaŋa-utom ndinyuŋ ntie nte ete-ufɔk esie. Edieke mmɔ ema ekot ete-ufɔk ete, Beelzebub, ŋwaŋwaediso ke mmɔ edikot nditɔ ufɔk esie ntre.

MATTHEW 10:5

Jesus osio owo duopeba emi ɔdɔŋ mmɔ utom, onyuŋ eteme mmɔ ete, Ekuwaha eduk ke usuŋ mme Gentile, ekunyuŋ eduk ke obio mbon Samaria baba kiet;

MATTHEW 11:18

Koro John ekedi, idiaha ŋkpɔ inyuŋ iŋwɔŋke; ndien mmɔ ete, Enye enyene demon.

MATTHEW 12:24

Edi ke adaŋemi mme Pharisee ekopde, mmɔ edɔhɔ ete, Owo emi ibinke demon iduɔk, ke mitoho Beelzebub, ɔbɔŋ mme demon.

MATTHEW 12:31

Mmɔdo ndɔhɔ mbufo nte, Eyefen mme owo kpukpru idiɔk-ŋkpɔ ye ikɔ isuŋi; edi ikɔ isuŋi eke owo etiŋde adian Edisana Spirit, idifenke enye.

MATTHEW 15:7

Mbufo mbon mbubik, Isaiah ototim etiŋ nte prophet abaŋa mbufo, ete,

JOHN 1:19

Ndien emi edi ikɔ ntiense John, ke adaŋemi mme Jew emi etode ke Jerusalem esiode mme oku ye mme Levite edɔŋ ke ɔtɔ esie, ete ebup enye ete, Afo edi anie?

JOHN 10:20

Ediwak mmɔ ete, Enye enyene demon, idat onyuŋ anam Enye: nsinam mbufo ekopde ikɔ Esie?

JOHN 13:13

Mbufo ekot Mi Andikpep ye Ɔbɔŋ, ndien emetim ekot, koro ndide se edɔhɔde.

JOHN 4:9

Ŋwan-a-Samaria ete Enye, Afo emi edide Jew anam didie ebeŋe mi mmɔŋ, ke ini ndide ŋwan-a-Samaria? (Koro mme Jew misaŋake ŋkpɔ ye mbon Samaria)

JOHN 7:20

Nsinam mbufo eyomde Mi ndiwot? Otu oro ebɔrɔ ete, Idat anam Fi; anie ke oyom Fi ndiwot?

JOHN 8:22

Ntem ke mme Jew edɔhɔ ete, Nte Enye ediwot idem, esin Enye ɔdɔhɔ ete, Ɔtɔ nte Ami ŋkade, mbufo ikemeke ndika do?

JOHN 8:52

Mme Jew ete Enye, Ke emi nnyin imɔfiɔk ite idat ke anam Fi. Abraham ama akpa ye mme prophet; edi Afo ete, Edieke owo onimde ikɔ Mi, enye iditabike mkpa ke nsinsi.

ŊWED MBON ROME 15:3

Koro Christ ŋko ikenemke idem esit; edi, kpa nte ewetde, Esuene mmɔ eke esuenede fi ɔduɔ mi ke idem.

MME HEBREW 13:13

Eyak nnyin ndien iwɔŋɔ itiene Enye ke edem nna, ibiom esuene Esie.

JAMES 2:19

Afo omonim ke akpanikɔ ete, Abasi kiet ke odudu? Ɔfɔn: mme demon ŋko enim ke akpanikɔ enyuŋ enyek.