JOHN 8:47 - Edisana ñwed Abasi Ibom

⁴⁷ Enye eke edide owo Abasi okop ikɔ Abasi; sia mbufo midige ikɔt Abasi, emi esin mbufo ekukop.

JOHN 8:47 ပူးပေါင်းရင်းမြစ်များ

DANIEL 12:10

Eyesioŋo ediwak owo ndek ke idem efep, enyuŋ enam mmɔ edi edisana, enyuŋ edomo mmɔ; edi mme idiɔk owo eyenam idiɔk; baba idiɔk owo kiet idinyuŋ idige asian, edi mmɔ eke enyenede eti ibuot eyedi asian.

JOHN 12:48

Owo eke esinde Mi, onyuŋ etrede ndibɔ ikɔ Mi nda, enyene andibiere-ikpe esie: ikɔ eke ŋketiŋde, kpa ikɔ oro edibiere ikpe ɔnɔ enye ke akpatre usen.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

JOHN 5:25

Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.

JOHN 6:65

Enye onyuŋ ɔdɔhɔ ete, Emi esin Mi ndɔhɔ mbufo nte, Baba owo kiet ikemeke nditiene Mi, ibɔhɔke Ete ɔnɔ enye ukeme.

JOHN 8:37

Mmɔfiɔk nte mbufo edi nditɔ Abraham: edi mbufo eyom Mi ndiwot, sia ikɔ Mi minyeneke itie ke esit mbufo.

JOHN 8:43

Nsinam mbufo mifiɔkke se ikɔ Mi ɔwɔrɔde? Oto koro mbufo mikemeke ndikop uyo Mi.

JOHN 8:45

Edi sia ntiŋde akpanikɔ nnɔ mbufo, mbufo inimke ikɔ Mi ke akpanikɔ.

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

2 JOHN 1:9

Kpukpru owo eke adade ibuot usuŋ, minyuŋ isukke idem itie ke ukpep-ŋkpɔ Christ, inyeneke Abasi; owo oro osukde idem etie ke ukpep-ŋkpɔ oro enyene Ete, onyuŋ enyene Eyen.

3 JOHN 1:11

Edima, kukpebe se idiɔkde, edi kpebe se ifɔnde. Owo eke anamde se ifɔnde edi owo Abasi; owo eke anamde se idiɔkde ikekwe Abasi.