JOHN 8:43 - Edisana ñwed Abasi Ibom

⁴³ Nsinam mbufo mifiɔkke se ikɔ Mi ɔwɔrɔde? Oto koro mbufo mikemeke ndikop uyo Mi.

JOHN 8:43 ပူးပေါင်းရင်းမြစ်များ

MME ŊKE 28:5

Mme idiɔk owo itimke ifiɔk ikpe: edi mmɔ eke eyomde Jehovah etim efiɔk kpukpru.

ISAIAH 44:18

Mmɔ ifiɔkke, inyuŋ inimke ibuot: koro enye emesiri mmɔ enyin, man ekukut; esiri esit mmɔ, man ekudi ɔniɔŋ.

ISAIAH 6:9

Ndien enye ɔdɔhɔ, ete, Ka kɔdɔhɔ mbio emi, ete, Mbufo esuk ekop, edi ekunyene ibuot; esuk ese ŋko, edi ekufiɔk.

JEREMIAH 6:10

Ndidɔhɔ anie, nnyuŋ nteme anie, man mmɔ ekop? sese, utɔŋ mmɔ odoro edut, ndien mmɔ ikemeke ndikop: sese, mmɔ ebat uyo Jehovah ke ŋkpɔ but; enye inemke mmɔ esit.

HOSEA 14:9

Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

MICAH 4:12

Ndien mmɔ ifiɔkke uduak Jeho-vah, ekikere esie inyuŋ iŋwaŋake mmɔ: koro Enye eyetaŋ mmɔ obon nte ebek ke ɔtɔ ubek-ibokpot.

MATTHEW 13:15

Koro esit mbon emi ama akabare odobi, Utɔŋ mmɔ onyuŋ ɔsɔŋ ndikop ikɔ, Mmɔ enyuŋ ebɔp enyin; Mbak mmɔ edida enyin mmɔ ekut usuŋ, Enyuŋ eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ, Enyuŋ etɔŋɔ ntak ekabare, Ndien Ami nnam udɔŋɔ okure mmɔ.

JOHN 5:25

Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.

JOHN 5:43

Mmedi ke enyiŋ Ete Mi, ndien mbufo idarake Mi: owo efen ama edi ke enyiŋ esiemɔ, mbufo eyedara enye.

JOHN 6:60

Ke adaŋemi ediwak mbet Esie ekopde emi, mmɔ edɔhɔ ete, Ikɔ emi ɔsɔŋ ebe: anie ekeme ndikop utɔ ŋkpɔ oro?

JOHN 7:17

Edieke owo onyimede ndinam se Enye amade, owo oro eyefiɔk abaŋa se ŋkpepde, mme oto Abasi, mme Ami ntiŋ ikɔ oto Idem Mi.

JOHN 8:27

Mmɔ ifiɔkke ite Enye ɔdɔhɔ ye mmimɔ abaŋa Ete.

JOHN 8:33

Mmɔ ebɔrɔ Enye ete, Nnyin idi nditɔ Abraham; akanam nnyin idukke ufin inɔ baba owo kiet. Nsinam ɔdɔhɔde ndien ete, Mbufo eyewɔrɔ ufin?

JOHN 8:39

Mmɔ ebɔrɔ Enye ete, Ete nnyin edi Abraham. Jesus ɔdɔhɔ mmɔ ete, Edieke mbufo ekpedide nditɔ Abraham, mbufo ekpanam ubɔk-utom Abraham.

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

ŊWED MBON ROME 3:11

Baba owo kiet eke enyenede eti ibuot iduhe, Baba owo kiet eke oyomde Abasi iduhe;