JOHN 8:39 - Edisana ñwed Abasi Ibom

³⁹ Mmɔ ebɔrɔ Enye ete, Ete nnyin edi Abraham. Jesus ɔdɔhɔ mmɔ ete, Edieke mbufo ekpedide nditɔ Abraham, mbufo ekpanam ubɔk-utom Abraham.

JOHN 8:39 ပူးပေါင်းရင်းမြစ်များ

MATTHEW 3:9

ekunyuŋ ekere ndidɔhɔ ke esit mbufo, ete, Ŋkɔm nnyin imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

JOHN 8:33

Mmɔ ebɔrɔ Enye ete, Nnyin idi nditɔ Abraham; akanam nnyin idukke ufin inɔ baba owo kiet. Nsinam ɔdɔhɔde ndien ete, Mbufo eyewɔrɔ ufin?

JOHN 8:37

Mmɔfiɔk nte mbufo edi nditɔ Abraham: edi mbufo eyom Mi ndiwot, sia ikɔ Mi minyeneke itie ke esit mbufo.

JOHN 8:43

Nsinam mbufo mifiɔkke se ikɔ Mi ɔwɔrɔde? Oto koro mbufo mikemeke ndikop uyo Mi.

JOHN 8:56

Ete mbufo Abraham akadat esit ndikut eyo Mi; enye okokut onyuŋ adat esit.

ŊWED MBON ROME 4:12

okponyuŋ edi ete mbobi ɔnɔ mmɔ emi midige mbon mbobi ikpɔŋ-ikpɔŋ, edi enyuŋ esaŋade ke nde ikpat mbuɔtidem, emi ete nnyin Abraham ekenyenede ke ini enye minaŋa mbobi kaŋa.

ŊWED MBON ROME 4:16

Ke ntak emi uŋwɔŋɔ asaŋa ye mbuɔtidem, man edi ŋkpɔ mfɔn; man oto do uŋwɔŋɔ ɔkpɔsɔŋɔ ada ɔnɔ kpukpru nditɔ esie; ikpɔsɔŋɔke ida inɔ mbon ibet ikpɔŋ, edi ɔnɔ mmɔ nde emi enyenede mbuɔtidem Abraham,

ŊWED MBON ROME 9:7

mmɔ kpukpru inyuŋ idige nditɔ Abraham emi edide ubon Abraham; edi, Ke Isaac ke edikot ubon fo.

ŊWED MBON GALATIA 3:29

Edi edieke mbufo edide eke Christ, mbufo enyuŋ edi nditɔ Abraham; nte uŋwɔŋɔ edide, mbufo edi mme ada-udeme nyene.

ŊWED MBON GALATIA 3:7

Efiɔk ndien ete, mmɔ eke mbuɔtidem edi nditɔ Abraham.