JOHN 8:36 - Edisana ñwed Abasi Ibom

³⁶ Edieke Eyen edinamde mbufo ndien ewɔrɔ ufin, mbufo eyewɔrɔ ufin ke akpanikɔ.

JOHN 8:36 ပူးပေါင်းရင်းမြစ်များ

ŊWED MME PSALM 119:133

Da ikɔ fo nam ikpat mi ɔsɔŋ ada: kunyuŋ uyak baba idiɔk ido kiet akan mi.

ŊWED MME PSALM 119:32

Nyefehe ke usuŋ mbet fo, koro afo eyeŋwaŋa mi esit.

ŊWED MME PSALM 19:13

Mum owo fo kama, mbak ŋkoi-nnam; kuyak mmɔ ekan mi: ndien nyefɔn mma, nnyuŋ nsana mbɔhɔ ikpɔ mme idiɔk ido.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

1 ŊWED CORINTH 7:22

Koro owo eke Ɔbɔŋ okotde enye ke itie ufin edi eyen-isɔŋ Ɔbɔŋ. Ntre ŋko owo eke ekotde enye ke itie eyen-isɔŋ edi ofin Christ.

2 ŊWED CORINTH 3:17

Edi Ɔbɔŋ edi Spirit; ndien ɔtɔ nte Spirit Ɔbɔŋ odude, ubɔhɔ-ufin etiene odu do ŋko.

ŊWED MBON GALATIA 5:1

CHRIST okosio nnyin ke itie ufin, ete idi nditɔ-isɔŋ; esɔŋɔ eda ndien, ekuyak etɔŋɔ ntak ekɔmɔ mbufo ke ɔkpɔnɔ itie-ufin.