JOHN 8:32 - Edisana ñwed Abasi Ibom

³² ndien mbufo eyefiɔk akpanikɔ, akpanikɔ eyenyuŋ anam mbufo ewɔrɔ ufin.

JOHN 8:32 ပူးပေါင်းရင်းမြစ်များ

ŊWED MME PSALM 119:45

Ndien nyesaŋa ke ŋŋwaŋa ebiet: koro nyomde item fo.

ŊWED MME PSALM 25:5

Nam mi nsaŋa ke akpanikɔ fo, nyuŋ teme mi: koro afo edide Abasi erinyaŋa mi; mmebet fi ofuri usen.

MME ŊKE 1:23

Mbufo ekabare ke nduari mi: sese, nyeŋwaŋa spirit mi nduɔk mbufo ke idem, nyenam mbufo efiɔk ikɔ mi.

MME ŊKE 1:29

Koro mmɔ ekesuade ifiɔk, minyuŋ imekke nditiene Jehovah:

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

ISAIAH 2:3

Ndien ediwak obio eyeka ekedɔhɔ, ete, Mbufo edi, nnyin idɔk ke obot Jehovah, ke ufɔk Abasi Jacob; ndien enye eyekpep nnyin ido esiemɔ, nnyin iyenyuŋ isaŋa ke usuŋ esie: koro mme ewuhɔ eyeto ke Zion, uyo Jehovah eyenyuŋ oto ke Jerusalem.

ISAIAH 30:21

ndien utɔŋ fo eyekop uyo ke edem fo, ete, “Emi edi ɔkpɔ-usuŋ, mbufo esaŋa ke esit,” ke mbufo ediŋwɔŋɔrede eka nnasia, mme enyuŋ eka ufien.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

ISAIAH 54:13

Jehovah eyenyuŋ eteme kpukpru nditɔ fo; ndien emem nditɔ fo okpon.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

LEVITICUS 25:41

ndien enye ɔwɔrɔ ɔkpɔŋ fi, enye ye nditɔ esie ŋko, onyuŋ afiak ke ebiet oruk esiemɔ, onyuŋ afiak ke udeme mme ete esie.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 1:17

Koro ekɔnɔ ibet ke ubɔk Moses; edi Jesus Christ akada mfɔn ye akpanikɔ edi.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 16:13

Edi ke adaŋemi Enye oro edidide, kpa Spirit akpanikɔ, Enye eyeda mbufo oduk ke ofuri akpanikɔ: koro Enye iditiŋke ikɔ Esiemɔ; edi editiŋ kpukpru se Enye okokopde: Enye eyenyuŋ emen se iditibede ayarare ɔnɔ mbufo.

JOHN 17:17

Da akpanikɔ Fo dianare mmɔ nim nɔ Idem Fo: ikɔ Fo edi akpanikɔ.

JOHN 6:45

Ema ewet ke mme prophet ete, Abasi eyekpep mmɔ kpukpru ŋkpɔ; kpukpru owo eke ekopde uyo Ete enyuŋ ebɔde ukpep-ŋkpɔ etiene Mi.

JOHN 7:17

Edieke owo onyimede ndinam se Enye amade, owo oro eyefiɔk abaŋa se ŋkpepde, mme oto Abasi, mme Ami ntiŋ ikɔ oto Idem Mi.

JOHN 8:36

Edieke Eyen edinamde mbufo ndien ewɔrɔ ufin, mbufo eyewɔrɔ ufin ke akpanikɔ.

ŊWED MBON ROME 6:22

Edi ke emi ema ekosio mbufo itie-ufin idiɔk-ŋkpɔ, enyuŋ enam mbufo edi ikɔt Abasi, mbufo esioŋo mfri eke ɔwɔrɔde edisana ido ɔnɔ mbufo, utit esie onyuŋ edi nsinsi uwem.

ŊWED MBON ROME 8:15

Koro mbufo mikɔbɔhɔ spirit ufin eke esinde mbufo etɔŋɔ ntak enyene ndik; edi mbufo ekɔbɔ spirit eke enyenede mmɔ emi edade esin ke ubon Abasi, emi anamde nnyin ikot Abasi, ite, Abba, Ete.

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

1 ŊWED CORINTH 7:22

Koro owo eke Ɔbɔŋ okotde enye ke itie ufin edi eyen-isɔŋ Ɔbɔŋ. Ntre ŋko owo eke ekotde enye ke itie eyen-isɔŋ edi ofin Christ.

ŊWED MBON GALATIA 5:1

CHRIST okosio nnyin ke itie ufin, ete idi nditɔ-isɔŋ; esɔŋɔ eda ndien, ekuyak etɔŋɔ ntak ekɔmɔ mbufo ke ɔkpɔnɔ itie-ufin.

ŊWED MBON GALATIA 5:13

Nditɔ-ete, ekekot mbufo ete edidi nditɔ-isɔŋ; edi ekuda itie eyen-isɔŋ mbufo eyom ufaŋ enɔ obukidem, edi esaŋa utom enɔ kiet eken ke ima.

2 ŊWED TIMOTHY 3:7

Mmɔ enyuŋ etak ndikpekpep kpukpru ini, edi ikemeke ndisim ifiɔk akpanikɔ.

JAMES 1:25

Edi owo eke owukde enyin ese ata edifɔn ibet Abasi emi anamde owo ɔwɔrɔ ufin, onyuŋ ɔsɔŋɔde ada ke esit, idige andikokop emi efrede, edi edi andinanam; owo emi eyekut eridiɔŋ ke erinam esie.

JAMES 2:12

Etiŋ ŋkpɔ enyuŋ enam ŋkpɔ, nte mmɔ emi Abasi edidade ibet eke anamde owo ɔwɔrɔ ufin ekpe ikpe mmɔ.

1 PETER 2:16

Edu uwem nte mmɔ emi enyenede unen ke idem mmɔ, edi ekusaŋa ke unen oro efuk udu, edi esaŋa nte ifin Abasi.

2 JOHN 1:1

EBIOWO ɔnɔ ŋwed emi esɔk eti ŋwan emi Abasi ekemekde, ye nditɔ esie emi mmade ke esit akpanikɔ; inyuŋ idige ami ikpɔŋ mma mmɔ, edi kpukpru mmɔ emi efiɔkde akpanikɔ;