JOHN 8:24 - Edisana ñwed Abasi Ibom

²⁴ Mmɔdo ndɔhɔ mbufo nte, Mbufo eyekpaŋa ke mme idiɔk-ŋkpɔ mbufo. Koro ke mbufo minimke ke akpanikɔ ite Ami ndi Enye, mbufo eyekpaŋa ke mme idiɔk-ŋkpɔ mbufo.

JOHN 8:24 ပူးပေါင်းရင်းမြစ်များ

EXODUS 3:14

Ndien Abasi ɔdɔhɔ Moses ete, AMI NDUDU EMI NDUDU: enye onyuŋ ɔdɔhɔ ete, Ntem ke afo edidɔhɔ nditɔ Israel, ete, AMI NDUDU ɔdɔŋ mi ntiene mbufo.

MME ŊKE 8:36

Edi owo eke eduede mi abiat ukpɔŋ esiemɔ: kpukpru mmɔ eke esuade mi, ema mkpa.

MATTHEW 24:5

Koro ediwak owo eyedi ke enyiŋ Mi, ete, Ami ndi Christ: eyenyuŋ eda ediwak owo ewaha ekpɔŋ usuŋ.

MARK 13:6

Ediwak owo eyedi ke enyiŋ Mi, ete, Ami ndi Enye; eyenyuŋ eda ediwak owo ewaha ekpɔŋ usuŋ.

MARK 16:16

Owo eke onimde ke akpanikɔ onyuŋ anade baptism, eyenyaŋa enye; edi enye eke etrede ndinim ke akpanikɔ, ikpe eyebiom enye.

LUKE 21:8

Edi Enye ɔdɔhɔ ete, Ekpeme mbak edinam mbufo ewaha ekpɔŋ usuŋ: koro ediwak owo eyedi ke enyiŋ Mi, ete, Ami ndi Enye: ŋko, Ini ke ekpere. Ekutiene mmɔ.

JOHN 13:19

Ntɔŋɔ adaŋemi nditiŋ nnɔ mbufo, ke ini ŋkpɔ emi miwɔrɔke isu kaŋa, man ke ini ediwɔrɔde osu, mbufo ekponim ke akpanikɔ ete Ami ndi Enye.

JOHN 3:18

Owo eke ɔbuɔtde idem ye Enye ikaha ikpe; ema ekekpe ikpe owo eke mibuɔtke idem ye Enye ema, koro enye mibuɔtke idem ke enyiŋ Edibon Eyen Abasi kierakiet.

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

JOHN 4:26

Jesus ete enye, Ami emi nneneme nneme mi ye afo ndi Enye.

JOHN 8:21

Ntre ke Jesus ɔtɔŋɔ ntak ɔdɔhɔ mmɔ ete, Ami mmɔŋ ndinyɔŋ, ndien mbufo eyeyom Mi, edi eyekpaŋa ke mme idiɔk-ŋkpɔ mbufo; ɔtɔ nte Ami ŋkade, mbufo ikemeke ndika do.

JOHN 8:25

Ntem ke mmɔ ete Enye, Afo edi anie? Jesus ete mmɔ, Nsinam ŋkpetetiŋ ikɔ ekededi ye mbufo?

JOHN 8:28

Ntre ke Jesus ɔdɔhɔ mmɔ ete, Ke ini mbufo edimenerede Eyen Owo ke enyɔŋ, adaŋoro ke mbufo edifiɔk ete Ami ndi Enye nnyuŋ nnamke ŋkpɔ oto Idem Mi, edi kpa nte Ete ekekpepde Mi, kpa ntre ke ntetiŋ.

JOHN 8:58

Jesus ɔbɔrɔ mmɔ ete, Ke akpanikɔ ke ndɔhɔ mbufo nte, Ami ndudu ndien Abraham edimana.

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;