JOHN 8:20 - Edisana ñwed Abasi Ibom

²⁰ Enye eketiŋ ikɔ ke ubet unim-ŋkpɔ, nte Enye ekpepde owo ŋkpɔ ke temple: edi baba owo kiet imumke Enye, koro ini mikemke Enye kaŋa.

JOHN 8:20 ပူးပေါင်းရင်းမြစ်များ

1 CHRONICLES 9:26

Koro mme mmɔ oro, kpa mme etubom mme etie-usuŋ, edide mbon akpanikɔ, mmɔ edi Levite, mmɔ enyuŋ edi mme etubom ubet ye eke ŋkpɔ uto ufɔk Abasi.

MATTHEW 26:55

Ke ini oro Jesus ɔdɔhɔ mme otu owo ete, Nte mbufo emɔwɔŋɔ edi ye ofut ye eto ndimum Mi nte ŋkpɔ eke ebinede owo ŋwo? Mma ntie ye mbufo ke temple ŋkpep ŋkpɔ ke usen ke usen, edi mbufo imumke Mi.

MATTHEW 27:6

Edi ikpɔ oku etaŋ mbak silver oro, ete, Inenke ndisin okuk emi ke itie-unim-okuk temple, sia edide ekɔm-urua iyip.

MARK 12:41

Ekem Enye ɔsuhɔre etetie ekem iso ye usin-etibe, onyuŋ okut nte otu owo esinde okuk ke usin-etibe; ediwak mbon inyene enyuŋ esin ediwak okuk.

MARK 12:43

Ndien Enye okot mbet Esie edi, onyuŋ ɔdɔhɔ mmɔ ete, Ke akpanikɔ ke ndɔhɔ mbufo nte, Ubuene ebe-akpa emi ama esin akan kpukpru mmɔ emi ekesinde okuk ke usin-etibe.

LUKE 20:19

Ndien mme scribe ye ikpɔ oku eyom ndimum Enye ke ini oro; edi mmɔ efehe mbio-obio: koro mmɔ efiɔkde ete Enye okotop ŋke emi otuk mme imɔ.

LUKE 21:1

JESUS emenere enyin okut nte mbon inyene esinde enɔ mmɔ ke usin-etibe.

JOHN 10:39

Ntre ke mmɔ etɔŋɔ ntak eyom ndimum Enye: ndien Enye ɔwɔrɔ ke ubɔk mmɔ.

JOHN 2:4

Jesus ete enye, Ŋwan owo, Ami nsaŋa didie ye afo? Ini Mi ikemke kaŋa.

JOHN 7:14

Ekem ke ini osimde ufɔt usɔrɔ, Jesus ɔdɔk aka temple ekekpep mme owo ŋkpɔ.

JOHN 7:30

Ntem ke mmɔ eyom ndimum Enye: ndien baba owo kiet itukke Enye ubɔk, koro ini mikemke Enye kaŋa.

JOHN 7:44

Ndusuk mmɔ eyom ndimum Enye; edi baba owo kiet itukke Enye ubɔk.

JOHN 7:8

Mbufo edɔk eka usɔrɔ: Ami ndɔkke kaŋa ŋka usɔrɔ emi; koro misimke kaŋa uyɔhɔ ini Mi.

JOHN 8:2

Edi ke ŋkim-ŋwaŋa usenubɔk Enye afiak edi ke temple, kpukpru mbio-obio enyuŋ etiene Enye; ndien Enye ɔsuhɔre etetie ekpep mmɔ ŋkpɔ.

JOHN 8:59

Do mmɔ etaŋ itiat ete itɔ Enye: edi Jesus odibe ɔwɔrɔ ke temple.