JOHN 8:2 - Edisana ñwed Abasi Ibom

² Edi ke ŋkim-ŋwaŋa usenubɔk Enye afiak edi ke temple, kpukpru mbio-obio enyuŋ etiene Enye; ndien Enye ɔsuhɔre etetie ekpep mmɔ ŋkpɔ.

JOHN 8:2 ပူးပေါင်းရင်းမြစ်များ

ECCLESIASTES 9:10

Da odudu fo nam kpukpru se ubɔk fo okutde ndinam: koro baba erinam, baba uduak, baba ifiɔk, baba mbufiɔk miduhe ke obio ekpo emi afo akade do.

JEREMIAH 25:3

Toto ke ɔyɔhɔ isua Josiah eyen Amon edidem Judah duopeta, tutu osim mfin emi, ke ofuri isua edip ye ita emi, uyo Jehovah ama osim mi, mma nnyuŋ ntiŋ nnɔ mbufo, mbabak ndɔhɔ; edi mbufo ikokopke.

JEREMIAH 32:33

Ndien mmɔ ekabare obot itɔŋ enɔ mi, ikabakede iso: okposuk edi nte ŋkpepde mmɔ, mbabak ŋkpep, edi mmɔ ikopke, inyuŋ ibɔhɔ item.

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

MATTHEW 26:55

Ke ini oro Jesus ɔdɔhɔ mme otu owo ete, Nte mbufo emɔwɔŋɔ edi ye ofut ye eto ndimum Mi nte ŋkpɔ eke ebinede owo ŋwo? Mma ntie ye mbufo ke temple ŋkpep ŋkpɔ ke usen ke usen, edi mbufo imumke Mi.

LUKE 21:37

Ndien Enye ekekpep mmɔ ŋkpɔ ke temple ke uwemeyo; edi ke okoneyo Enye ɔwɔrɔ akadaŋ ke obot emi ekerede Obot Olive.

LUKE 21:38

Ndien kpukpru owo ebak etiene Enye ke temple ke usenubɔk, ete ikop ikɔ Esie.

LUKE 4:20

Ndien Enye okibi ŋwed, ayak ɔnɔ asaŋutom, onyuŋ ɔsuhɔre etetie: kpukpru mmɔ emi edude ke synagogue enyuŋ ewuk enyin ese Enye.

LUKE 5:3

Edi Enye oduk ke ubom kiet emi enyenede Simon, onyuŋ ɔdɔhɔ enye ete onuk ubom ɔkpɔŋ obot esisit. Enye onyuŋ ɔsuhɔre etetie ke ubom ekpep mme otu owo ŋkpɔ.

JOHN 4:34

Jesus ete mmɔ, Udia Mi edi ndinam uduak Andidɔŋ Mi, nnyuŋ mma utom Esie.

JOHN 8:20

Enye eketiŋ ikɔ ke ubet unim-ŋkpɔ, nte Enye ekpepde owo ŋkpɔ ke temple: edi baba owo kiet imumke Enye, koro ini mikemke Enye kaŋa.

JOHN 8:3

Pharisee eda ŋwan emi ekemumde enye ke efibe edi; ndien ke ini ema ekewuk ŋwan oro ke ufɔt, mmɔ edɔhɔ Jesus ete,

UTOM MME APOSTLE 5:21

Ndien ke ini mmɔ ekopde, mmɔ eduk ke temple ke usiere-usen, enyuŋ ekpep mme owo ŋkpɔ. Edi akwa oku edi, ye mmɔ emi edude ye enye, edikot akwa esop ye kpukpru mbiowo nditɔ Israel obon ɔtɔ kiet, onyuŋ ɔdɔŋ eka ke ufɔk-ŋkpɔkɔbi ekada mmɔ oro edi.