JOHN 7:39 - Edisana ñwed Abasi Ibom

³⁹ Enye ɔdɔhɔ emi abaŋa Spirit emi mmɔ emi ebuɔtde idem ye Enye edibɔde; koro ikɔnɔŋɔ Spirit kaŋa sia Jesus midukke kaŋa ke ubɔŋ.

JOHN 7:39 ပူးပေါင်းရင်းမြစ်များ

ŊWED MME PSALM 68:18

Ɔbɔŋ odu ke otu mmɔ; Sinai odu ke edisanan ebiet. Afo ɔkɔdɔk ke enyɔŋ, ataŋ mbuot ekɔŋ ɔnyɔŋ: ɔbɔ enɔ ke otu owo; ye ke otu mbon nsɔŋ-ibot ŋko-ŋko, man afo oduŋ do, O Jehovah Abasi.

MME ŊKE 1:23

Mbufo ekabare ke nduari mi: sese, nyeŋwaŋa spirit mi nduɔk mbufo ke idem, nyenam mbufo efiɔk ikɔ mi.

ISAIAH 12:3

Ndien mbufo eyekot mmɔŋ ke idaresit ke mme obube mmɔŋ erinyaŋa.

ISAIAH 32:15

tutu etie ke enyɔŋ eŋwaŋa nnyin spirit ke idem, ndien wilderness eyekabare edi eti iŋwaŋ, eyenyuŋ ebat eti iŋwaŋ ke akai.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

JOEL 2:28

Ndien ama ekem ke ini ŋkpɔ emi ebede, nyeŋwaŋa spirit mi nnɔ ofuri obukidem; ndien nditɔiren mbufo, ye nditɔ mbufo iban eyetiŋ prophecy, mbiowo mbufo eyedaba ndap, mkparawa mbufo eyekut ŋkukut.

MATTHEW 16:14

Mmɔ ete, Ndusuk owo ete, John Baptist; ndusuk ete, Elijah; mmɔ efen ete, Jeremiah; midige, owo kiet ke otu mme prophet.

MATTHEW 21:11

Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

LUKE 24:49

Sese, nyenyuŋ ndɔŋ uŋwɔŋɔ emi Ete Mi ɔkɔŋwɔŋɔde etiene mufo: edi etie ke obio ebet tutu esine mbufo odudu emi otode ke enyɔŋ.

LUKE 3:16

John ɔbɔrɔ mmɔ kpukpru ete, Ami nda mmɔŋ nnim mbufo baptism; edi Enye emi enyenede odudu akan mi ɔmɔŋ edi, emi mmendotke nditat ikpaukot Esie: Enye eyenim mbufo baptism ke Edisana Spirit ye ikaŋ.

LUKE 7:16

Ekem Jesus ayak enye ɔnɔ eka esie. Edi ndik omum mmɔ kpukpru; mmɔ enyuŋ enɔ Abasi itoro, ete, Akwa prophet amadaha ada ke otu nnyin; enyuŋ ete, Abasi emedi ndise ikɔt Esie.

JOHN 1:21

Ekem mmɔ ebup enye ete, Edi anie ndien? Edi Elijah? Enye ete, Ndige. Nte edi prophet oro? Enye ɔbɔrɔ ete, Baba.

JOHN 1:25

Mmɔ edibup enye ndien ete, Nsinam afo onimde owo baptism naŋa, edieke afo mudige Christ, munyuŋ udige Elijah, munyuŋ udige prophet oro?

JOHN 1:33

Ndien ŋkɔdiɔŋɔke Enye; edi Enye emi ɔkɔdɔŋde mi ete nda mmɔŋ nnim baptism ɔdɔhɔ mi ete, Owo eke edikutde nte Spirit ɔsuhɔrede odoro Enye ke idem edi Enye emi onimde owo baptism ke Edisana Spirit.

JOHN 12:16

Mbet Esie ifiɔkke se ŋkpɔ emi ɔwɔrɔde ke idaha oro: edi ke ini ema ekɔnɔ Jesus ubɔŋ, adaŋoro mmɔ eti ete ema ewet ŋkpɔ emi ebaŋa Enye, enyuŋ enam ŋkpɔ emi enɔ Enye.

JOHN 12:23

Jesus ɔbɔrɔ mmɔ ete, Ekem ini emi Eyen Owo edinyenede ubɔŋ.

JOHN 14:13

Nyenyuŋ nnam ŋkpɔ ekededi eke mbufo edibeŋede ke enyiŋ Mi, man Ete enyene ubɔŋ ke Eyen.

JOHN 14:26

Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.

JOHN 16:14

Enye eyenam nnyene ubɔŋ: koro Enye eyeda se inyenede Mi ayarare ɔnɔ mbufo.

JOHN 16:7

Edi ntiŋ akpanikɔ nnɔ mbufo; erinyɔŋ Mi eyefɔn ye mbufo: koro edieke mmenyɔŋke, Iberedem iditieneke mbufo; edi mma nnyɔŋ, nyedɔŋ Enye etiene mbufo.

JOHN 17:1

JESUS etiŋ mme ikɔ emi; ndien emenere enyin ese enyɔŋ, onyuŋ ɔdɔhɔ ete, Ete, ini emedi; nɔ Eyen Fo ubɔŋ, man Eyen Fo ɔnɔ Fi ubɔŋ;

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

JOHN 20:22

Ndien ke Enye ama eketiŋ ntem, ɔduɔk mmɔ ibifik ke idem, onyuŋ ɔdɔhɔ mmɔ ete,

JOHN 6:14

Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

JOHN 7:12

Ndien akwa nsuk-uyo odu ke otu mme otu owo abaŋa Enye: ndusuk mmɔ ete, Enye edi eti owo; mmɔ eken ete, Idige: edi Enye ada mbio-obio awaha ɔkpɔŋ usuŋ.

JOHN 8:54

Jesus ɔbɔrɔ ete, Edieke Ami ŋkpadade ubɔŋ nnɔ Idem Mi, ubɔŋ Mi idige baba ŋkpɔ kiet. Edi Enye emi mbufo edɔhɔde ete, Enye edi Abasi mme imɔ;

UTOM MME APOSTLE 19:2

Nte mbufo ekebɔ Edisana Spirit ke ini enimde ke akpanikɔ? Edi mmɔ ete enye, Baba! akananam nnyin ikopke ite Edisana Spirit odu.

UTOM MME APOSTLE 2:17

Abasi ɔdɔhɔ ete, Ama ekem ke ukperedem ini, Nyeŋwaŋa Spirit Mi ndori kpukpru obukidem: Ndien nditɔ-iren mbufo ye nditɔ mbufo iban eyetiŋ prophecy, Mkparawa mbufo eyekut ŋkukut, Mbiowo mbufo eyenyuŋ edaba ndap:

UTOM MME APOSTLE 2:33

Mmɔdo sia ubɔk nnasia Abasi ama emenere Enye onim ke enyɔŋ, Enye ama onyuŋ ɔbɔ Ete Edisana Spirit emi ekɔŋwɔŋɔde ndinɔ, Enye aŋwaŋa se mbufo ekutde enyuŋ ekopde.

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

UTOM MME APOSTLE 2:4

Ndien Edisana Spirit ɔyɔhɔ kpukpru mmɔ ke idem, mmɔ enyuŋ etɔŋɔ ndisem nsio-nsio usem, nte spirit ɔnɔde mmɔ ukeme nditiŋ.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.

UTOM MME APOSTLE 4:31

Ndien ke mmɔ ema ekebɔŋ akam ema, ufɔk emi mmɔ ebonode ke esit enyek; ndien kpukpru mmɔ eyɔhɔ ye Edisana Spirit, enyuŋ etiŋ ikɔ Abasi uko-uko.

ŊWED MBON ROME 8:9

Edi mbufo iduhe ke obukidem, edi edu ke spirit, edieke Spirit Abasi oduŋde ke esit mbufo. Edi edieke owo minyeneke Spirit Christ, enye idige owo Christ.

2 ŊWED CORINTH 3:8

adaŋa didie akan ke erida ediomi spirit ndi edisaŋa ye ubɔŋ.

ŊWED MBON EPHESUS 4:30

Ekunyuŋ eyat Edisana Spirit Abasi esit, emi edi ke Enye ke ema efik mbufo idiɔŋɔ ebeŋe usen erifak.