JOHN 7:37 - Edisana ñwed Abasi Ibom

³⁷ Edi ke akpatre usen, usɔrɔ, Jesus adaha ofiori ete, Edieke owo ekededi okopde nsat-itɔŋ, yak enye etiene Mi ediŋwɔŋ.

JOHN 7:37 ပူးပေါင်းရင်းမြစ်များ

NEHEMIAH 8:18

Ndien enye etiŋ ŋwed ibet Abasi kpukpru usen, toto ke akpa usen tutu osim ke akpatre usen, ndien mmɔ enim usɔrɔ ke ofuri usen itiaba; ndien ke ɔyɔhɔ usen itiaita, mmɔ enim akamba esop nte ekam esinamde.

ŊWED MME PSALM 143:6

Mmenere ubɔk mi nnɔ fi: ukpɔŋ mi etie nte isɔŋ mmemidem oyom fi. [Selah]

ŊWED MME PSALM 42:2

Itɔŋ Abasi, kpa eke Abasi uwem, amasat mi ukpɔŋ; ke ini ewe ke ndikeme ndika ŋkowut Abasi idem mi?

ŊWED MME PSALM 63:1

O ABASI, afo edi Abasi mi; nyebak nyom fi. Itɔŋ fo ɔdɔŋ mi ukpɔŋ, obukidem mi oyoyom fi ke isɔŋ nsat ye mba, eke mmɔŋ miduhe;

MME ŊKE 1:20

Eti ibuot ofiori ke esien; emenere uyo esie ke aŋwa:

MME ŊKE 8:1

NTE eti ibuot ikotke? Nte mbufiɔk isioroke uyo esie?

MME ŊKE 8:17

Ami mmama mmɔ eke emade mi; ndien mmɔ eke ebakde eyom mi eyekut mi.

MME ŊKE 8:3

Ke edem enyin-usuŋ, ke inua-otop obio, ke ɔtɔ uduk enyin-usuŋ ke enye ɔkwɔrɔ.

MME ŊKE 9:3

Ɔmɔdɔŋ nditɔ-iban esie utom: ke ɔkwɔrɔ ke etiŋe edikoŋ ebiet obio, Ete,

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

ISAIAH 12:3

Ndien mbufo eyekot mmɔŋ ke idaresit ke mme obube mmɔŋ erinyaŋa.

ISAIAH 40:2

Edɔhɔ ye Jerusalem ufan-ufan, enyuŋ ekwɔrɔ enɔ enye, ete, Ke ekɔŋ esie ɔmɔyɔhɔ, ke emefen idiɔk ido esie: ke enye ɔmɔbɔ Jehovah ke ubɔk utim ikaba abaŋa kpukpru mme idiɔk ido esie.

ISAIAH 40:6

Uyo ɔdɔhɔ, ete, Fiori, Ndien owo ɔdɔhɔ, ete Nso ke ndifiori? Ofuri obukidem edi mbiet, ofuri mfɔn esie onyuŋ ebiet ediye ikɔŋ ikɔt: mbiet amasat,

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ISAIAH 55:1

Oh, mbufo kpukpru emi itɔŋ asatde, edi ke mmɔŋ! ye owo eke minyeneke okuk! mbufo edi edep enyuŋ edia! enyuŋ edi edep wine ye mmɔŋ-eba, idige ke okuk, inyuŋ idige ke ekɔm-urua.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

EZEKIEL 47:9

Ndien ama ekem, kpukpru mme odu-uwem eke edinyɔkde ke ebiet ekededi eke akpa osimde do, eyedu uwem: iyak eyenyuŋ awak eti-eti, koro mmɔŋ emi osimde ko; koro mmɔŋ eyekabare ɔfɔn; ndien kpukpru oruk ŋkpɔ eke akpa mmɔŋ oro edisimde eyedu uwem.

LEVITICUS 23:36

Ke ofuri usen itiaba ke mbufo ediwa uwa ikaŋ enɔ Jehovah; ke ɔyɔhɔ usen itiaita mbufo enim edisana esop, enyuŋ ewa uwa ikaŋ enɔ Jehovah: enye edi usɔrɔ; ekunam baba ubɔk-utom kiet.

LEVITICUS 23:39

Ndien ŋko ke ɔyɔhɔ usen efut ke ɔyɔhɔ ɔfiɔŋ itiaba, adaŋemi mbufo ebonde mbuŋwum iŋwaŋ, mbufo enim usɔrɔ enɔ Jehovah usen itiaba: akpa usen edidi sabbath, ɔyɔhɔ usen itiaita onyuŋ edi sabbath ŋko.

MICAH 6:9

Uyo Jehovah ofiori okot obio, ndien mbon ifiɔk eyese enyiŋ fo: mbufo ekop eto ye uyo enye emi owukde enye.

ZECHARIAH 9:15

Jehovah mme udim eyekpeme mmɔ; ndien mmɔ eyedia, enyuŋ edigi itiat-utop; eyenyuŋ eŋwɔŋ, enyuŋ eyomo uyom nte ke wine; ndien iyip eyeyɔhɔ mmɔ nte ke bowl, ye nte inuk itie-uwa.

NUMBERS 29:35

Ke ɔyɔhɔ usen itiaita, mbufo enim usɔrɔ: ekunam baba ubɔk-utom kiet:

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

MATTHEW 3:3

Emi edi owo emi prophet Isaiah eketiŋde abaŋa enye, ete, Uyo andifiori ke desert, ete, Mbufo ediɔŋ usuŋ Jehovah, eneŋere ɔkpɔusuŋ Esie.

MATTHEW 5:6

Ɔfɔfɔn ɔnɔ mmɔ eke ekopde biɔŋ ye nsat-itɔŋ edinen ido: koro mmɔ eyeyuhɔ.

JOHN 1:23

Enye ete, Ami ndi uyo andifiori ke desert, ete, Eneŋere usuŋ Jehovah, kpa nte Isaiah prophet eketiŋde.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

JOHN 4:11

Ŋwan oro ete Enye, Ɔbɔŋ, unyeneke se adade okoi mmɔŋ, obube onyuŋ ɔtuŋɔ: ada odu-uwem mmɔŋ oro ndien ke mmɔŋ?

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

JOHN 5:40

Ndien mbufo inyimeke nditiene Mi, man enyene uwem.

JOHN 6:35

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

JOHN 6:55

Koro obukidem Mi edi ata udia, iyip mi onyuŋ edi ata ediŋwɔŋ-ŋkpɔ.

JOHN 7:28

Ntre ke Jesus ofiori ke temple nte ekpepde owo ŋkpɔ, onyuŋ ɔdɔhɔ ete, Mbufo efiɔk Mi, enyuŋ efiɔk ebiet emi ntode; ndien ŋkedige ke odudu Idem Mi, edi Enye emi ɔkɔdɔŋde Mi edi ata Abasi, emi mbufo mifiɔkke.

1 ŊWED CORINTH 10:21

Mbufo ikemeke ndiŋwɔŋ cup Ɔbɔŋ ye cup mme demon. Mbufo ikemeke nditiene ndiaŋkpɔ ke okpokoro Ɔbɔŋ, nnyuŋ ndia ke okpokoro mme demon.

1 ŊWED CORINTH 10:4

koro mmɔ ekeŋwɔŋ mmɔŋ eke otode ke itiat eke spirit, emi akasasaŋa ye mmɔ; ndien itiat oro ekedi Christ.

1 ŊWED CORINTH 11:25

Kpa ntre ŋko ke Enye emen cup, ke ema ekedia ŋkpɔ ema, ete, Cup emi edi obufa ediomi ke iyip Mi; enam emi, adaŋa ini nte eŋwɔŋwɔŋ, ke eriti Mi.

1 ŊWED CORINTH 12:13

Koro ke Spirit kiet ke ema enim kpukpru nnyin baptism esin ke ikpɔhidem kiet, ye idide Jew inyuŋ idide Greek, idide ifin inyuŋ idide nditɔ: ema enyuŋ enam kpukpru nnyin iŋwɔŋ Spirit kiet isin ke idem.

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.