JOHN 7:35 - Edisana ñwed Abasi Ibom

³⁵ Ntre ke mme Jew eneme ke otu idem mmɔ ete, Owo emi edika mmɔŋ eke nnyin midikwe Enye? Mme Enye editiene mmɔ emi esuanade eduŋ ke otu mme Greek ekekpep mme Greek ŋkpɔ?

JOHN 7:35 ပူးပေါင်းရင်းမြစ်များ

ŊWED MME PSALM 147:2

Edi Jehovah ɔdiɔŋ Jerusalem: enye ataŋ nditɔ Israel emi ebinde mmɔ efep, obon.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ISAIAH 11:12

Ndien enye eyemenere banner ke enyɔŋ ɔnɔ mme idut, onyuŋ obon nditɔ Israel emi ekebinde efep, ndien nditɔ Jacob emi esuanade ke enye editaŋ ke edem isɔŋ mbinaŋ.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

ISAIAH 56:8

Ɔbɔŋ Jehovah, emi obonde nditɔ Israel eke ekebinde efep, ete, Nyesuk mbon (owo efen) nnɔ enye, ŋkɔrɔ ye nditɔ esie emi ema ekebono.

ZEPHANIAH 3:10

Mmɔ eke ekpede mi ubɔk, eyen-aŋwan ikɔt mi emi esuanade, eyeto ke edem mme akpa Ethiopia oko, ebiom utomo mi edi.

MATTHEW 12:21

Ndien mme Gentile eyedori enyin ke enyiŋ Esie.

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

JOHN 12:20

Ndusuk mme Greek enyuŋ edu ke otu mmɔ emi ekedɔkde edi ndituak ibuot nnɔ Abasi ke usɔrɔ;

JOHN 7:1

KE ŋkpɔ emi ema ekebe, Jesus asaŋa ke Galilee; koro Enye minyimeke ndisaŋa ke Judaea, koro mme Jew eyomde Enye ndiwot.

JOHN 8:22

Ntem ke mme Jew edɔhɔ ete, Nte Enye ediwot idem, esin Enye ɔdɔhɔ ete, Ɔtɔ nte Ami ŋkade, mbufo ikemeke ndika do?

UTOM MME APOSTLE 11:18

Edi ke ini mmɔ ekopde ŋkpɔ emi, mmɔ edop uyo, enyuŋ enɔ Abasi itoro, ete, Ama edi ntre ndien, Abasi ayak mme Gentile ŋko ekabare esit eduk uwem.

UTOM MME APOSTLE 11:20

Edi ke ini ndusuk mmɔ eke edide mbon Cyprus ye Cyrene ema edi ke Antioch, mmɔ etiŋ ikɔ enɔ mme Greek ŋko, enyuŋ ekwɔrɔ Ɔbɔŋ Jesus.

UTOM MME APOSTLE 14:1

EDIKEM ke Iconium mmɔ mbiba eduk ke synagogue mme Jew, enyuŋ ekwɔrɔ ikɔ ke ido eke esinde ata ediwak mme Jew ye mme Greek nde enim ke akpanikɔ.

UTOM MME APOSTLE 17:4

Ndusuk owo enyime, enyuŋ edian idem ye Paul ye Silas; ekɔrɔ ye ediwak mme Greek emi ebakde Abasi ye ediwak ikpɔ iban.

UTOM MME APOSTLE 18:4

Enye onyuŋ ebuen ikɔ ke synagogue kpukpru sabbath, aŋwana ndinam mme Jew ye mme Greek enim ke akpanikɔ.

UTOM MME APOSTLE 21:21

ndien ekabaŋa fi enɔ mmɔ, ete afo ekpep kpukpru mme Jew emi eduŋɔde ke otu mme Gentile ete, ekpɔŋ Moses, onyuŋ ɔdɔhɔ mmɔ ete ekunim nditɔ mmɔ mbobi, ekunyuŋ enim mme ido emi ekam esinimde.

UTOM MME APOSTLE 22:21

Edi Enye ɔdɔhɔ mi ete, Daha: koro nyedɔŋ fi aka anyan usuŋ eketiene mme Gentile.

ŊWED MBON ROME 1:16

Koro but inamke mi ye gospel; koro enye edide odudu Abasi, emi ɔwɔrɔde erinyaŋa ɔnɔ kpukpru owo eke ebuɔtde idem; ɔnɔ mme Jew ke akpa-itie, onyuŋ ɔnɔ mme Greek.

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

1ŊWED TIMOTHY 2:7

ekenyuŋ enim mi ete ndi isuŋutom ye apostle mbaŋa ŋkpɔ emi (ntiŋ akpanikɔ, nsuhu nsu), ye andikpep mme Gentile ke mbuɔtidem ye akpanikɔ.

2 ŊWED TIMOTHY 1:11

okonyuŋ adade gospel Esie osio uwem, kpa uwem eke midikureke, onim ke uŋwana; okonyuŋ onim mi ete ndi andikwɔrɔ gospel emi, ye apostle, ye andikpep.

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.

1 PETER 1:1

PETER, emi edide apostle Jesus Christ, ewet ŋwed emi ɔnɔ esɔk mmɔ emi esuanade eduŋɔ ke Pontus ye Galatia ye Cappadocia ye Asia ye Bithynia;