JOHN 7:30 - Edisana ñwed Abasi Ibom

³⁰ Ntem ke mmɔ eyom ndimum Enye: ndien baba owo kiet itukke Enye ubɔk, koro ini mikemke Enye kaŋa.

JOHN 7:30 ပူးပေါင်းရင်းမြစ်များ

ŊWED MME PSALM 76:10

Koro ifuresit owo otorode fi: afo ada ifuresut eke ɔsuhɔde ɔbɔbɔ ke idem.

ISAIAH 46:10

Emi nsiakde akpatre ke akpa, ndien ke eset nsiak se minamke kaŋa, nte ke uduak mi eyeda, ndien nyenam kpukpru se mmade.

MATTHEW 12:14

Edi mme Pharisee ewɔŋɔ ekoduk odu ebaŋa Jesus, eyom usuŋ nte idisaŋade iwot Enye.

MATTHEW 21:46

Edi ke ini mmɔ eyomde ndimum Enye mmɔ efehe mme otu owo, koro mmɔ oro edade Enye ke prophet.

MARK 11:18

Ndien ikpɔ oku ye mme scribe ekop, enyuŋ eyom usuŋ nte mmɔ ediwotde Enye; koro mmɔ efehede Enye, koro kpukpru owo edu ke mkpa -idem kabaŋa ukpep-ŋkpɔ Esie.

LUKE 20:19

Ndien mme scribe ye ikpɔ oku eyom ndimum Enye ke ini oro; edi mmɔ efehe mbio-obio: koro mmɔ efiɔkde ete Enye okotop ŋke emi otuk mme imɔ.

LUKE 22:53

Ke adaŋemi ŋkodude ye mbufo ke temple ke usen ke usen, mbufo inyanakere ubɔk iyom ndinam Mi ŋkpɔ: edi emi edi ifet mbufo ye eke odudu ekim.

JOHN 10:31

Mme Jew etɔŋɔ ntak emen itiat ete itɔ Enye.

JOHN 10:39

Ntre ke mmɔ etɔŋɔ ntak eyom ndimum Enye: ndien Enye ɔwɔrɔ ke ubɔk mmɔ.

JOHN 11:57

Ikpɔ oku ye mme Pharisee ema enɔ uyo ete, owo ekededi eke ɔfiɔkde ebiet emi Enye odude okpowut ebiet oro, man mmimɔ imum Enye.

JOHN 7:19

Nte Moses ikɔnɔŋɔ mbufo ibet? ndien baba owo kiet ke otu mbufo inimke ibet.

JOHN 7:32

Mme Pharisee ekop nte otu owo esukde uyo ebaŋa Enye ntem; ikpɔ oku ye mme Pharisee enyuŋ edɔŋ mme isuŋutom ete emum Enye.

JOHN 7:6

Ntre ke Jesus ete mmɔ, Ini Mi ikemke kaŋa; eke mbufo ekekem kpukpru ini.

JOHN 7:8

Mbufo edɔk eka usɔrɔ: Ami ndɔkke kaŋa ŋka usɔrɔ emi; koro misimke kaŋa uyɔhɔ ini Mi.

JOHN 8:20

Enye eketiŋ ikɔ ke ubet unim-ŋkpɔ, nte Enye ekpepde owo ŋkpɔ ke temple: edi baba owo kiet imumke Enye, koro ini mikemke Enye kaŋa.

JOHN 8:37

Mmɔfiɔk nte mbufo edi nditɔ Abraham: edi mbufo eyom Mi ndiwot, sia ikɔ Mi minyeneke itie ke esit mbufo.

JOHN 8:59

Do mmɔ etaŋ itiat ete itɔ Enye: edi Jesus odibe ɔwɔrɔ ke temple.

JOHN 9:4

Nnyin inyene ndinam utom Andidɔŋ Mi ke ini edide uwemeyo: ŋkut-eyo ke edi, eke baba owo kiet mikemeke ndinam utom ke esit.