JOHN 7:28 - Edisana ñwed Abasi Ibom

²⁸ Ntre ke Jesus ofiori ke temple nte ekpepde owo ŋkpɔ, onyuŋ ɔdɔhɔ ete, Mbufo efiɔk Mi, enyuŋ efiɔk ebiet emi ntode; ndien ŋkedige ke odudu Idem Mi, edi Enye emi ɔkɔdɔŋde Mi edi ata Abasi, emi mbufo mifiɔkke.

JOHN 7:28 ပူးပေါင်းရင်းမြစ်များ

ŊWED MME PSALM 9:10

Ndien mmɔ eke efiɔkde enyiŋ fo eyebuɔt idem mmɔ ye afo; koro afo, Jehovah, mukpɔŋke mmɔ eke eyomde fi.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

JEREMIAH 9:6

Jehovah ɔdɔhɔ ete, Iduŋ fo odu ke ufɔt nsu; nsu esin mmɔ minyimeke ndifiɔk mi.

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

HOSEA 5:4

Mmɔ inimke ido mmɔ man efiak etiene Abasi mmɔ: koro spirit use odude mmɔ ke idem, ndien mmɔ ifiɔkke Jehovah.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 2:23

enye adaha aka ke isɔŋ Galilee okoduŋ ke obio emi ekerede Nazareth: man osu nte mme prophet ekedɔhɔde ete, Enye edikere Nazarene.

MATTHEW 26:55

Ke ini oro Jesus ɔdɔhɔ mme otu owo ete, Nte mbufo emɔwɔŋɔ edi ye ofut ye eto ndimum Mi nte ŋkpɔ eke ebinede owo ŋwo? Mma ntie ye mbufo ke temple ŋkpep ŋkpɔ ke usen ke usen, edi mbufo imumke Mi.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

LUKE 2:39

Ekem ke mmɔ ema ekanam kpukpru ŋkpɔ eke esaŋade ye ibet Jehovah ema, mmɔ efiak enyɔŋɔ ke Galilee, ke Nazareth obio mmɔ.

LUKE 2:4

Joseph ŋko oto ke obio Nazareth, ke Galilee, ɔdɔk aka ke Judaea, ke obio David emi ekerede Bethlehem, koro enye edide owo ufɔk ye oruk David, ndisin enyiŋ esie ke ŋwed;

LUKE 2:51

Ekem Enye asaŋa ye mmɔ ɔsuhɔre edi ke Nasareth, onyuŋ osuk ibuot ɔnɔ mmɔ; edi eka Esie omum kpukpru mme ikɔ oro akama ke esit esie.

JOHN 1:46

Nathanael ete enye, Nte baba eti ŋkpɔ ekeme ndito ke Nazareth? Philip ete enye, Di dise.

JOHN 10:36

nte mbufo edɔhɔ ebaŋa Enye emi Ete okonimde, ete isio Enye idɔŋ ke ererimbot, ete, Afo emesuene Abasi, koro ndɔhɔde nte, Ndi Eyen Abasi?

JOHN 12:49

Koro Ami mmeŋketiŋke ŋkpɔ ke uyo Idem Mi; edi Ete emi ɔkɔdɔŋde Mi ke Idem Esie ɔkɔnɔ Mi item abaŋa se ŋkpɔdɔhɔde ye se ŋkpetiŋde.

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 14:31

edi man ererimbot efiɔk ete mmama Ete, ndien nte Ete ɔkɔnɔde Mi item, kpa ntre ke nnam. Edaha ke enyɔŋ, edi iwɔŋɔ.

JOHN 16:3

Ndien mmɔ eyenam mme ŋkpɔ emi, koro mmɔ mikɔdiɔŋɔke Ete, minyuŋ idiɔŋɔke Mi.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

JOHN 3:33

Owo emi akadade ikɔ-ntiense Esie ekesin ubɔk etiense owut ete Abasi edi akpanikɔ.

JOHN 5:32

Edi owo efen etie ntiense abaŋa Mi, ndien mmɔfiɔk nte ikɔ-ntiense eke enye etiŋde abaŋa Mi edi akpanikɔ.

JOHN 5:43

Mmedi ke enyiŋ Ete Mi, ndien mbufo idarake Mi: owo efen ama edi ke enyiŋ esiemɔ, mbufo eyedara enye.

JOHN 6:42

Nte emi idige Jesus, eyen Joseph, emi nnyin idiɔŋɔde ete ye eka Esie? Enye anam didie ɔdɔhɔ ndien ete,

JOHN 7:14

Ekem ke ini osimde ufɔt usɔrɔ, Jesus ɔdɔk aka temple ekekpep mme owo ŋkpɔ.

JOHN 8:14

Jesus ɔbɔrɔ mmɔ ete, Ami ŋkpededi ntiense nnɔ Idem Mi, ikɔ-ntiense Mi edi akpanikɔ; koro mmɔfiɔk ebiet emi ntode, ye ebiet emi ŋkade: edi mbufo ifiɔkke ebiet emi ntode, ye ebiet emi ŋkade.

JOHN 8:16

Onyuŋ edieke Ami mbierede-biere, ubiere-ikpe Mi edi ata ikpe; koro mmenduhe ikpɔŋ, edi Ami ye Enye emi ɔkɔdɔŋde Mi.

JOHN 8:19

Ntem ke mmɔ edɔhɔ Enye ete, Ete Fo odu mmɔŋ? Jesus ɔbɔrɔ ete, Mbufo ifiɔkke Mi, inyuŋ ifiɔkke Ete Mi. Edieke mbufo ekpefiɔkde Mi, mbufo ekpenyuŋ efiɔk Ete Mi.

JOHN 8:26

Mmenyene ediwak ŋkpɔ nditiŋ nnyuŋ mbiere mbaŋa mbufo: edi Andidɔŋ Mi edi akpanikɔ; ndien se Ami ŋkokopde Enye ke inua, ŋkpɔ oro ke ntetiŋ nnɔ ererimbot.

JOHN 8:42

Jesus ete mmɔ, Edieke Abasi ekpedide Ete mbufo, mbufo ekpema Mi: koro Ami ŋkoto ke Abasi ŋwɔrɔ ndi; ŋkonyuŋ ndige ke odudu Idem Mi, edi Enye ɔkɔdɔŋ Mi.

JOHN 9:29

Nnyin imɔfiɔk ite Abasi ekeneme nneme ye Moses; edi ama edi owo emi, nnyin ifiɔkke ebiet eke Enye otode.

UTOM MME APOSTLE 17:23

mme andibak mme abasi eti-eti. Koro nte nsaŋade mbe nse mme ŋkpɔ eke mbufo ekponode, ŋkut itie-uwa kiet ŋkɔrɔ do, emi ewetde ke esit ete, EMI ENYENE ABASI EMI OWO MIFIƆKKE. Mmɔdo se mbufo etuakde ibuot enɔ ke unana-ifɔk, kpa oro ke ami ŋkwɔrɔ nnɔ mbufo.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

ŊWED MBON ROME 3:4

Yak ewut ete Abasi edi akpanikɔ, kpukpru owo ekpedi mme osu-nsu nte ewetde ete, Man ekpetebe Fi ke ikɔ Fo. Afo onyuŋ akan ke ini ekpede ikpe ye Afo.

2 ŊWED CORINTH 1:18

Nte Abasi edide akpanikɔ, ikɔ eke nnyin iketiŋde inɔ mbufo iwɔrɔke “Edi ntre, mme Idige ntre”.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso:

1 JOHN 5:10

Owo eke ɔbuɔtde idem ye Eyen Abasi enyene ikɔ-ntiense emi ke esit esie. Edi owo eke minimke Abasi ke akpanikɔ akanam Abasi ɔwɔrɔ osu-nsu, sia enye midaha ikɔ-ntiense emi Abasi ɔkɔnɔde nte akpanikɔ.

1 SAMUEL 2:12

Ndien nditɔ Eli edi oburobut owo; mmɔ ifiɔkke Jehovah.