JOHN 7:23 - Edisana ñwed Abasi Ibom

²³ Edieke owo anade mbobi ke sabbath mbak edibiat ibet Moses; nte mbufo eyat esit ye Ami, koro ŋkanamde owo okop uyɔhɔ nsɔŋidem ke sabbath?

JOHN 7:23 ပူးပေါင်းရင်းမြစ်များ

EXODUS 31:14

Mbufo enim sabbath, ndien: koro enye edide edisana ŋkpɔ mbufo: owo eke asabarede enye, enyene ndikpa: koro edieke owo ekededi anamde utom ke esit, yak esibe ukpɔŋ oro efep ke mbio-obio mmɔ.

MATTHEW 12:10

ndien sese, owo emi ubɔk esie akpade odu do. Mmɔ ebup Enye ete, Nte enen ndinam udɔŋɔ okure ke usen sabbath? kpaŋ mmɔ ekpe-nyene se edoride Enye.

MATTHEW 12:2

Edi ke ini mme Pharisee ekutde, mmɔ edɔhɔ Enye ete, Sese, mbet Fo ke enam se minenke owo ndinam ke usen sabbath.

MATTHEW 12:5

Nte mbufo inyuŋ ikotke ke ibet nte mme oku emi edude ke temple ebiatde sabbath ke usen sabbath, ndien minyeneke ndudue?

JOHN 5:10

Ekedi sabbath ke usen oro. Ntre ke mme Jew edɔhɔ owo emi ekanamde udɔŋɔ okure enye, ete, Mfin edi sabbath; inenke fi ndikama mbri fo.

JOHN 7:21

Jesus ɔbɔrɔ mmɔ ete, Ŋkanam utom kiet emi esinde idem akpa kpukpru mbufo.

JOHN 9:16

Mmɔdo ndusuk mme Pharisee edɔhɔ ete, Owo emi itoho Abasi, koro Enye minimke sabbath. Mmɔ efen ete, Owo emi edide anam-idiɔk ekeme didie ndinam oruk idiɔŋɔ eke etiede ntem? Ntre ke ubahare odu ke otu mmɔ.