JOHN 7:13 - Edisana ñwed Abasi Ibom

¹³ Edi baba owo kiet itiŋke ŋkpɔ ibaŋa Enye aŋwa-aŋwa ɔnɔ ndik mme Jew.

JOHN 7:13 ပူးပေါင်းရင်းမြစ်များ

MME ŊKE 29:25

Uteŋe owo ɔkɔk afia onim: edi eda owo eke ɔbuɔtde idem esie ye Jehovah emenere enye enim ke enyɔŋ.

JOHN 19:38

Ndien ke ŋkpɔ emi ema ekebe, Joseph owo Arimathaea, emi edide mbet Jesus, edi edi mbet ke ndibe ɔnɔ ndik mme Jew, edibeŋe Pilate ete imen okpo Jesus ifep: ndien Pilate onyime. Ntre ke enye edi edimen okpo Esie efep.

JOHN 20:19

Ke mbubreyo usen oro, akpa usen urua, kini ema ekeberi usuŋ ke ebiet emi mbet Jesus ebonode, ɔnɔ ndik mme Jew, Jesus edi edida ke ufɔt mmɔ, onyuŋ ɔdɔhɔ mmɔ ete, Emem osuk odu ye mbufo.

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

JOHN 7:1

KE ŋkpɔ emi ema ekebe, Jesus asaŋa ke Galilee; koro Enye minyimeke ndisaŋa ke Judaea, koro mme Jew eyomde Enye ndiwot.

JOHN 7:11

Ntem ke mme Jew eyom Enye ke usɔrɔ, enyuŋ ete, Enye odu mmɔŋ?

JOHN 7:15

Ntem ke mme Jew eyik ete, Owo emi asaŋa didie ɔfiɔk ŋwed, ke ini akanam Enye mikpepke kpep?

JOHN 9:22

Ete ye eka esie edɔhɔ ntem, koro mmɔ efehede mme Jew; koro mme Jew ema ekediomi ete, edieke owo onyimede ete Jesus edi Christ, iyebin owo oro isio ke synagogue.

JOHN 9:34

Mmɔ ebɔrɔ enye ete, Afo akamana ke idiɔk-ŋkpɔ ofuri-ofuri: nte afo ekpekpep nnyin ŋkpɔ ndien? Ntem ke mmɔ ebin enye eduɔk.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.