JOHN 6:65 - Edisana ñwed Abasi Ibom

⁶⁵ Enye onyuŋ ɔdɔhɔ ete, Emi esin Mi ndɔhɔ mbufo nte, Baba owo kiet ikemeke nditiene Mi, ibɔhɔke Ete ɔnɔ enye ukeme.

JOHN 6:65 ပူးပေါင်းရင်းမြစ်များ

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

JOHN 10:16

Mmonyuŋ nnyene mme erɔŋ eŋwen, emi mitoho ke ufɔk-erɔŋ emi; nnyene ndida mmɔ ŋko ndi, ndien mmɔ eyekop uyo Mi; ndien mmɔ eyekabare edi otu-erɔŋ kiet, Ekpeme-erɔŋ kiet eyenyuŋ odu.

JOHN 3:27

John ɔbɔrɔ ete, Owo ikemeke ndinyene baba ŋkpɔ kiet, ibɔhɔke Abasi etie ke heaven ɔnɔ enye.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

ŊWED MBON PHILIPPI 1:29

Koro eyak enɔ mbufo kabaŋa Christ, idige ndibuɔt idem ye Enye ikpɔŋ, edi ndinyuŋ ŋkut ndutuhɔ kabaŋa Enye;

1ŊWED TIMOTHY 1:14

edi mfɔn Ɔbɔŋ nnyin ama awak eti-eti ɔnɔ mi, ɔkɔrɔ ye mbuɔtidem ye ima eke odude ke Christ Jesus.

2 ŊWED TIMOTHY 2:25

enye onyuŋ enyene ndida ata nsuk-esit nnam mmɔ emi ebiɔŋɔde eneŋere esaŋa; mme eyeto do Abasi anam mmɔ ekabare esit enyene ifiɔk akpanikɔ,

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.